ମୁଖ୍ୟମନ୍ତ୍ରୀ ଙ୍କ ସହିତ କୋରାପୁଟ ଜିଲ୍ଲା ଭାଜପା ନେତୃବୃନ୍ଦ ଙ୍କ ସୌଜନ୍ୟ ମୂଳକ ସାକ୍ଷାତ।

ମୁଖ୍ୟମନ୍ତ୍ରୀ ଙ୍କ ସହିତ କୋରାପୁଟ ଜିଲ୍ଲା ଭାଜପା ନେତୃବୃନ୍ଦ ଙ୍କ ସୌଜନ୍ୟ ମୂଳକ ସାକ୍ଷାତ।

ସେମିଳିଗୁଡା: ତା: ୨୦/୦୩/୨୫:ଆଜି କୋରାପୁଟ ଭାଜପା ତରଫରୁ ମୁଖ୍ୟମନ୍ତ୍ରୀ ଙ୍କୁ ୧୬ ଦଫା ସ୍ମାରକ ପତ୍ର ରାଜ୍ୟ ସଭାପତି ମନମୋହନ ସାମଲ, ରାଜ୍ୟ ସଂଗଠନ ମନ୍ତ୍ରୀ ମାନସ ମହାନ୍ତି, କୋରାପୁଟ ଜିଲ୍ଲା ପ୍ରଭାରୀ ଗୋକୁଳାନନ୍ଦ ମଲ୍ଲିକ,କୋରାପୁଟ ବିଧାୟକ ରଘୁରାମ ମାଛ, କୋଟପାଡ ବିଧାୟକ ରୁପୁ ଭତ୍ରା, ଜିଲ୍ଲା ସଭାପତି ଶିବ ମୁଦୁଲି, ପୂର୍ବତନ ଜିଲ୍ଲା ସଭାପତି ସୁମନ୍ତ ପ୍ରଧାନ, କୋରାପୁଟ ସାଂସଦ ପ୍ରାର୍ଥୀ କାଳୀରାମ ମାଝୀ ଜିଲ୍ଲା ମିଡ଼ିଆ ସଂଯୋଜକ ବଦ୍ରି ନାରାୟଣ ପାତ୍ର ଓ ଅନ୍ୟାନ୍ୟ ଜିଲ୍ଲା କାର୍ଯ୍ୟକର୍ତ୍ତା ଙ୍କ ଉପସ୍ଥିତିରେ ପ୍ରଦାନ କରାଗଲା।ମୁଖ୍ୟମନ୍ତ୍ରୀ ଏହି ସମସ୍ତ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରି ଯଥା ଶୀଘ୍ର ସମସ୍ତ କାର୍ଯ୍ୟ କୁ ସମାପ୍ତ କରିବାକୁ ପ୍ରତିଶ୍ରୁତି ଦେଇଛନ୍ତି। ବିଶେଷ କରି କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ରେ ଥିବା ଅବ୍ୟବସ୍ଥା କୁ ଶୀଘ୍ର ସମାଧାନ କରିବାକୁ ସମ୍ମତି ପ୍ରଦାନ କରିଛନ୍ତି। ତତ୍ ସହିତ ଜୟପୁର ବିମାନ ବନ୍ଦରର ଉନ୍ନତି କରଣ ତଥା ଜୟପୁର ରୁ ୭୨ ସିଟ ବିଶିଷ୍ଟ ଉଡାଜାହାଜ ଚାଲୁ କରିବା ନିମନ୍ତେ ସମ୍ମତି ପ୍ରଦାନ, ଏବଂ କୋରାପୁଟ ରୁ ଭୁବନେଶ୍ୱର କୁ ଦିନ ବେଳା ଟ୍ରେନ ଚଳା ଚଳ ପାଇଁ ସମ୍ମତି ପ୍ରଦାନ କରିଛନ୍ତି। ଏତଦ୍ ବ୍ୟତୀତ କୋରାପୁଟ ଜିଲ୍ଲାରେ ଖାଲି ଥିବା ସମସ୍ତ ସରକାରୀ ପଦ ପଦଵୀ ଗୁଡିକ ଯଥା ଶୀଘ୍ର ପୂରଣ କରିବାକୁ ପ୍ରତିଶ୍ରୁତି ଦେଇଛନ୍ତି। ଉକ୍ତ ପ୍ରତିନିଧି ଦଳରେ ଜିଲ୍ଲାର ବିଜେପି ନେତା ଗୌତମ ସାମନ୍ତରାୟ, ଦେବେନ୍ଦ୍ର ମହାନ୍ତି, ଜୟରାମ ଗରଡ଼ା, ଚନ୍ଦ୍ର ଶେଖର ରଥ, ତ୍ରିନାଥ ପଣ୍ଡା, ହିମାଂଶୁ ମହାପାତ୍ର, ଅଗସ୍ତି ହାଲୁଆ, ନକୁଳ ବିଷୋୟୀ, ଉଦୟ ହିକକା, ଜଳନ୍ଧର ଖିଲ, ସାହେବ ଖିଲ, ରାଜେନ୍ଦ୍ର ସାହୁ ପ୍ରମୁଖ ଯୋଗ ଦେଇଥିଲେ।

Leave a Reply

Your email address will not be published. Required fields are marked *