୧୧ଦିନ ପରେ ମିଳିଲା ନିଖୋଜ ଶିଶୁର ମୃତ ଦେହ।
-କଲ୍ୟାଣସିଂହପୁରDate-୨୧/୩/୨୫- ୧୧ଦିନ ପରେ ମିଳିଲା ନିଖୋଜ ଶିଶୁର ମୃତ ଶରୀର,ଗାଁ ଲୋକେ ଦେଖି ପୁଲିସ କୁ ଖବର ଦେଲେ ।ଘଟଣା ଟି ଘଟିଛି ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସଦର ପଞ୍ଚାୟତ ଘାଗୁଡିମାଳ ଗାଁ ରେ ପିତା ଅଜିତ ନାଗବଂଶ ର ନିଖୋଜ ପୁଅର ୧୧ଦିନ ପରେ ମୃତ ଦେହ କୁ ଠାବ ହୋଇଛି । ଆଜି ସକାଳେ ଅଜିତ ଓ ଗ୍ରାମର କିଛି ଲୋକ ଘାଗୁଡିମାଳ ନାଳ ର ମଶାଣି ତୁଠ କୁ ଶୌଚ ପାଇଁ ଯାଇଥିଲେ ।ସେଠାରେ ପଚା ଦୁର୍ଗନ୍ଧ ହେବାରୁ ଖୋଜାଖୋଜି କରିଥିଲେ । ଲଟା ମୂଳରେ ଶିଶୁର ମୃତ ଦେହ ଦେଖିଥିଲେ । ପୁଅ ପିନ୍ଧିଥିବା ସାର୍ଟ କୁ ଦେଖି ବାପା ଅଜିତ ଚିହ୍ନି ପାରି ସ୍ଥାନୀୟ ପୁଲିସକୁ ଯୋଗାଯୋଗ କରିଥିଲେ । ଉକ୍ତ ଖବର ପାଇ ଥାନା ଅଧିକାରୀ ନୀଳକଣ୍ଠ ବେହେରା ,ଏସ ଆଇ ପୁରୁଷୋତ୍ତମ ଜାନି ଘଟଣାସ୍ଥଳରେ ପହଞ୍ଚି ଉପରିସ୍ଥ ଅଧିକାରୀଙ୍କୁ ଘଟଣା ସମ୍ପର୍କରେ ସୂଚନା ଦେଇଥିଲେ । ଉକ୍ତ ଖବର ପାଇ ଏସଡିପିଓ ଗୌରହରି ସାହୁ ଓ ତଦନ୍ତକାରୀ ଦଳ ଘଟଣାସ୍ଥଳ ରେ ପହଞ୍ଚି ଶିଶୁର ମୃତ ଶରୀର କୁ କୋରାପୁଟ ସ୍ୱାସ୍ଥ୍ୟ କେନ୍ଦ୍ରକୁ ପରୀକ୍ଷା ନିମନ୍ତେ ପଠାଯାଇଛି ।ଶିଶୁର ଶବ ସହ ବାପା ଅଜିତ ଓ କୁନୁ ନାଗବଂଶ ଯାଇଥିବା ଜଣାପଡିଛି । ଶିଶୁଟି ଏତେ ଦୂର କେମିତି ଆସି ମୃତ୍ୟୁ ହୋଇଛି ତାହା ସନ୍ଧେହ ଘେରରେ ।ପ୍ରକାଶଥାଉକି ୧୧ତାରିଖ ମଙ୍ଗଳବାର ସନ୍ଧ୍ୟାରେ ଏକ ବର୍ଷ ଛଅ ମାସର ଶିଶୁ ନିଖୋଜ ହୋଇଥିବା ବୁଧବାର ସକାଳୁ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ କରିଥିଲେ ।ଅଭିଯୋଗ କୁ ନେଇ ସ୍ଥାନୀୟ ପୁଲିସ ଘାଗୁଡିମାଳ ଯାଇ ତଦନ୍ତ କରିଥିଲେ । ସେହିଦିନ ସନ୍ଧ୍ୟାରେ ଏସଡିପିଓ ଆସି ତଦନ୍ତ କରିଥିଲେ ।ଏହାପରେ ଅନୁସନ୍ଧାନି କୁକୁର ଆଣି ତଦନ୍ତ କରିଥିଲେ । ହେଲେ ବି ଶିଶୁର କୌଣସି ସନ୍ଧାନ ପାଇନଥିଲେ । ଜବାନ ଓ ପୁଲିସ ମିଳିତ ରେ ଗ୍ରାମ ନିକଟସ୍ଥ ପାହାଡ଼,ନାଳ, ଗୁଡ଼ିଆ ,ବଣ ଜଙ୍ଗଲ ସବୁ ଖୋଜାଖୋଜି କରିଥିଲେ ସୁଦ୍ଧା କୌଣସି ସନ୍ଧାନ ନ ପାଇ ନିରାଶ ହୋଇ ଫେରିଥିଲେ। ଉକ୍ତ ଶିଶୁକୁ କିଏ ଅପହରଣ କରି ନେଇଥିବା ସନ୍ଦେହ କରି ଥିଲେ । ଆଜି ପୁଲିସ ଶିଶୁର ମୃତ ଦେହ ଜବତ କରି କୋରାପୁଟ ପଠାଇଛନ୍ତି । ରାୟଗଡ଼ା ରୁ ପ୍ରଫୁଲ୍ଲ କୁମାର ବେହେରା ଙ୍କ ରିପୋର୍ଟ !
