ଆର,ଉଦୟଗିରିରେ ପଲିଥିନ ନିଷିଦ୍ଧ ନିୟମ ଉଲଙ୍ଘନ, ପ୍ରଶାସନିକ ପଦକ୍ଷେପ ଶୂନ !

ଆର,ଉଦୟଗିରିରେ ପଲିଥିନ ନିଷିଦ୍ଧ ନିୟମ ଉଲଙ୍ଘନ, ପ୍ରଶାସନିକ ପଦକ୍ଷେପ ଶୂନ !

ଆର,ଉଦୟଗିରି : ଗଜପତି ଜିଲ୍ଲା ରାଉଦୟଗିରି ଅଞ୍ଚଳରେ ବହୁଳ ମାତ୍ରାରେ ପଲିଥିନ ବ୍ୟବହାର ହେଉଛି । ପରିବେଶ ପ୍ରଦୂଷଣକୁ ଦୃଷ୍ଟିରେ ରଖି ପରିବେଶବିତମାନେ ପଲିଥିନର ବ୍ୟବହାର ଉପରେ କଟକଣା କରିବା ପାଇଁ ସରକାରଙ୍କ ଦୃଷ୍ଟି ଆକର୍ଷଣକରି ଥିଲେ |ଏନେଇ ତତ୍କାଳୀନ ରାଜ୍ୟ ସରକାର ମଧ୍ୟ ପଲିଥିନର ବହୁଳ ବ୍ୟବହାର ଉପରେ ୨୦୦୪ ମସିହା ଜାନୁୟାରୀ ୨୬ ତାରିଖରେ କଟକଣା ଲାଗୁ କରିବା ସହିତ କୋଡିଏ ମାଇକ୍ରନ ପଲିଥିନ ବ୍ୟବହାର ପାଇଁ ନିର୍ଦ୍ଦେଶ ଦେଇଥିଲେ । ତେବେ ଇତି ମଧ୍ୟରେ ଦୀର୍ଘବର୍ଷ ବିତିଯାଇଥିଲେ ମଧ୍ୟ ଏହି ନିର୍ଦ୍ଦେଶନାମା ସରକାରୀ କଳର ନାଲିଫିତା ତଳେ ରହିଯାଇଥିବାରୁ ବୁଦ୍ଧିଜୀବୀ ମହଲରେ ଚର୍ଚ୍ଚା ହେବାସହ ଅସନ୍ତୋଷ ସୃଷ୍ଟି କରିଛି । ରା,ଉଦୟଗିରି ସହରାଞ୍ଚଳ ସମେତ ଗ୍ରାମାଞ୍ଚଳରେ ମଧ୍ୟ ବହୁଳ ମାତ୍ରାରେ ପଲିଥିନ ବ୍ୟବହାର ହେଉଥ‌ିବାରୁ ତାହା ପରିବେଶକୁ ଦୂଷିତ କରୁଥ‌ିବା ଦୃଷ୍ଟିଗୋଚର ହେଉଛି। ଏପରିକି ତେଜରାତି ଦୋକାନ, ମାଛ, ମାଂସ, ଜଳଖିଆ, ପରିବା ଓ ଅନ୍ୟାନ୍ୟ ଦୋକାନମାନଙ୍କରେ ଏହାର ବ୍ୟବହାର ବହୁଳ ମାତ୍ରାରେ ହେଉଥ‌ିବା ବେଳେ ଏହା ବ୍ୟବହାର ପରେ ଲୋକେ ଗଳିକନ୍ଦି, ରାସ୍ତାଘାଟ, ନାଳ ନର୍ଦ୍ଦମାରେ ଫିଙ୍ଗି ଦେଉଥ‌ିବା ଦେଖ‌ିବାକୁ ମିଳୁଛି। ତେବେ ଏହି ପଲିଥିନ ନଷ୍ଟ ନହେବା ଫଳରେ ଚାଷ ଜମିରେ ଓ ରାସ୍ତାକଡ଼ରେ ପଡିରହୁଛି। ଯାହାଫଳରେ କୁଢକୁଢ ଆବର୍ଜନାରେ ପରିବେଶ ଦୂଷିତ ହେବା ସହିତ ଦୁର୍ଗନ୍ଧରେ ନାକ ଫାଟି ପଡୁଛି। ସ୍ଥାନୀୟ ପ୍ରଶାସନ ଏଥି ପ୍ରତି ଦୃଷ୍ଟି ଦେବା ସହିତ ଜନସାଧାରଣଙ୍କୁ ପଲିଥିନ ବ୍ୟବହାରର କୁପରିମାଣ ବିଷୟରେ ସଚେତନତା ନ କରନ୍ତି ତେବେ ଆଗାମୀ ଦିନରେ ପରିବେଶ ଅଧିକ ଦୂଷିତ ହେବାର ସମ୍ଭାବନା ରହିଛି।ଏଥି ପ୍ରତି ସ୍ଥାନୀୟ ପ୍ରଶାସନ ଦୃଷ୍ଟି ଦେଇ ପରିବେଶ ସୁରକ୍ଷା ଦିଗରେ ପଦକ୍ଷେପ ନେବାକୁ ବୁଦ୍ଧିଜୀବୀ ଏବଂ ବିଭିନ୍ନ ମହଲରେ ଦାବି ହେଉଛି । ଏହାସହ ରା,ଉଦୟଗିରି ପଞ୍ଚାୟତ ତରଫରୁ ବର୍ଷ ଲକ୍ଷ ଟଙ୍କା କାଗଜ ପତ୍ର ଡ୍ରେନ ସଫେଇ ଖର୍ଚ ଲୁଟି ଚାଲିଛନ୍ତି ପଞ୍ଚାୟତ ଅଧିକାରୀ ବାବୁ ମାନେ ଏହି ବାବୁମାନଙ୍କୁ ବ୍ଲକ ଅଧିକାରୀମାନେ ଘଣ୍ଟଘୋଡା କରୁଛନ୍ତି । ଏହି ପଞ୍ଚାୟତରେ ଦୁର୍ନୀତି ହେଉଥିବା ନେଇ ବହୁବାର ଜିଲ୍ଲାପାଳଙ୍କୁ ଅଭିଯୋଗ କରିଯାଉଥିଲେ ଜିଲ୍ଲାପାଳଙ୍କ ଗୋଟିଏ ଉତ୍ତର ତଦନ୍ତ କରାଯିବ ବୋଲି ସେହି ଅଭିଯୋଗ ଗୁଡିକ ତଦନ୍ତ ରହିଯାଉଛି । ଏହାକୁ ନେଇ ଅଞ୍ଚଳରେ ଜନଅସନ୍ତୁଷ୍ଟ ଦେଖାଦେଉଛି ।

Leave a Reply

Your email address will not be published. Required fields are marked *