୨ଟି ପୃଥକ ଦୁର୍ଘଟଣା, ତିନି ଗୁରୁତର ଅଳ୍ପକେ ବର୍ତିଲେ ୩୫ ରୁ ଅଧିକ ଯାତ୍ରୀ

୨ଟି ପୃଥକ ଦୁର୍ଘଟଣା, ତିନି ଗୁରୁତର ଅଳ୍ପକେ ବର୍ତିଲେ ୩୫ ରୁ ଅଧିକ ଯାତ୍ରୀ ଆର,ଉଦୟଗିରି, (ମନୋଜ କୁମାର ପାଢୀ):ଗଜପତି ଜିଲ୍ଲା ମୋହନା ଓ ଅଡବା ଥାନା ଅଞ୍ଚଳରେ ୨ ଟି ପୃଥକ ଦୁର୍ଘଟଣା ଘଟିଛି l ଏଥିରେ ତିନି ଜଣ ଗୁରୁତର ଆହତ ହୋଇଛନ୍ତି l ଶନିବାର ସକାଳେ ମୋହନା ଥାନା ଲେଡବନ୍ଧ ରେ କାର ସହ ବାଇକ ମୁହାଁ ମୁହିଁ ଧକ୍କା ହେବା ଫଳରେ ବାଇକ ଆରୋହୀ ବିରିକୋଟ ଗାଁର ସାଇରlମ ମହାପାତ୍ର(୨୫) ରଘୁନାଥପୁର ର ରହିତ କୁମାର ନାୟକ (୩୫)ଗୁରୁତର ଆହତ ହୋଇଛନ୍ତି l ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ମୋହନା ମେଡିକାଲ ରେ ଭର୍ତ୍ତି କରାଯାଇଛି l ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ମେଡିକାଲ ସ୍ଥାନାନ୍ତର କରାଯାଇଛି l ସେହିପରି ଅଡବା ଥାନା ଦମlଦୁଆ ଗାଁ ନିକଟରେ ଯାତ୍ରୀବାହି ବସ ବିକ୍ରାନ୍ତ କନ୍ଧମାଳ ପଟୁ ବ୍ରହ୍ମପୁର ଆସୁଥିବା ବେଳେ ପିକ ଅପ ଭ୍ୟାନ ଟି ଅଡବା ପଟୁ ପାଣିଗଣ୍ଡା ଯାଉଥିବା ମଧ୍ୟରେ ମୁହାଁମୁହିଁ ଧକ୍କା ହୋଇଛି l ଏଥିରେ ପିକ ଅପ ଭ୍ୟାନ ଡ୍ରାଇଭର ଉମାଶଙ୍କର ରଣା (୩୦) ଗୁରୁତର ଆହତ ହୋଇଛନ୍ତି l ତେବେ ବସ ରେ ଥିବା ପ୍ରାୟ ୩୫ ରୁ ଅଧିକ ଯାତ୍ରୀ ଅଳ୍ପକେ ବର୍ତ୍ତୀ ଯାଇଛନ୍ତି ବଡ଼ ଦୁର୍ଘଟଣା ରୁ ରକ୍ଷା ପାଇଛନ୍ତି ଯାତ୍ରୀ ଉଭୟ ଘଟଣାରେ ପୋଲିସ ତଦନ୍ତ କରୁଛି l