୧୭୨ ଗ୍ରାମୀଣ ଲୋକଙ୍କ ନିଶୁଳ୍କ ମୋତିଆବିନ୍ଦୁ ଅସ୍ତ୍ରୋପଚାର

*୧୭୨ ଗ୍ରାମୀଣ ଲୋକଙ୍କ ନିଶୁଳ୍କ ମୋତିଆବିନ୍ଦୁ ଅସ୍ତ୍ରୋପଚାର* ରାଉରକେଲା ସହରର ସିଭିଲ୍ ଟାଉନସିପରେ ଅବସ୍ଥିତ ଲାୟନ୍ସ ଆଇ ହସ୍ପିଟାଲ ପରିସରରେ ମଙ୍ଗଳବାର ସକାଳ ୧୦ଟା ସମୟରେ ମୋତିଆବିନ୍ଦୁ ଅସ୍ତ୍ରୋପଚାର କରିବା ପାଇଁ ଏକ କ୍ଯାମ୍ପ ଅନୁଷ୍ଠିତ ହୋଇଯାଇଛି। ୧୭୨ ଗ୍ରାମୀଣ ଗରିବ ଓ ଅଭାବୀ ମୋତିଆବିନ୍ଦୁ ଚକ୍ଷୁ ରୋଗୀଙ୍କୁ ଏଥିରେ ଅସ୍ତ୍ରୋପଚାର କରାଯାଇ ସେମାନଙ୍କର ଉଜ୍ଜ୍ୱଳ ଭବିଷ୍ୟତ କାମନା କରାଯାଇ ବିଦାୟ ଦିଆ ଯାଇଥିଲା। ଏହି ଶିବିରର ଦାନ ଦାତା, ପ୍ରସିଦ୍ଧ ସମାଜସେବୀ ଜେଠମଲ ଭଟ୍ଟରଙ୍କ ପୁତ୍ର, ଦିଲ୍ଲୀ ବାସିନ୍ଦା ପ୍ରେମ ଭଟ୍ଟର ଏବଂ ଜୟପୁର ବାସିନ୍ଦା ରମେଶ ଲାଖୋଟିଆଙ୍କ ସହାୟତାରେ ସମ୍ଭବ ହୋଇଥିଲା। ଏହି ଅବସରରେ ଲାୟନ୍ସ ଆଇ ହସ୍ପିଟାଲର ଚେୟାରମ୍ୟାନ୍ ସୁରେଶ କେଜ୍ରିୱାଲ, କୋଷାଧ୍ୟକ୍ଷ ତଥା ଚାଟାର୍ଡ ଏକାଉଣ୍ଟାଟ ପୱନ ଅଗ୍ରୱାଲ ଏବଂ ରାଉରକେଲା ବେଦବ୍ଯାସର ଲାୟନ୍ସ କ୍ଲବର ଅଧ୍ଯକ୍ଷ ରୂପେଶ ଅଗ୍ରୱାଲ ଦାନଦାତାଙ୍କୁ ସମ୍ମାନିତ କରିଥିଲେ। କ୍ୟାମ୍ପ ସମୟରେ ୧୭୨ ଗରିବ ଏବଂ ଗ୍ରାମୀଣ ରୋଗୀଙ୍କ ମୋତିଆବିନ୍ଦୁ ଅପରେସନ୍ କରା ଯାଇଥିଲା। ସେମାନଙ୍କ ରହିବା ଏବଂ ଖାଦ୍ୟ ସହିତ ସମସ୍ତ ଆବଶ୍ୟକୀୟ ସୁବିଧା ମଧ୍ୟ ବ୍ୟବସ୍ଥା କରାଯାଇଥିଲା। ଡାକ୍ତରଖାନାର ତିନିଜଣ ବିଶେଷଜ୍ଞ ଡାକ୍ତରଙ୍କ ଏକ ଟିମ୍ ଅତ୍ୟାଧୁନିକ ଫେକେ ମେସିନ୍ ମାଧ୍ୟମରେ ଏହି ଅପରେସନ୍ ସଫଳତାର ସହ କରିଥିଲେ। ଏହି ସମାରୋହରେ ଲାୟନ୍ସ କ୍ଲବ ଏବଂ ଚକ୍ଷୁ ଡାକ୍ତରଖାନା ସହିତ ଜଡିତ ମହେଶ ଜୈଥଲ୍ଯା, ଧନରାଜ ଚାଣ୍ଡକ ସହିତ ଅନ୍ଯ ପ୍ରମୁଖ ସଦସ୍ୟ ଉପସ୍ଥିତ ଥିଲେ। ଏମାନେ ସମସ୍ତେ ଏହି ପୁଣ୍ଯ କାର୍ଯ୍ଯକୁ ସଫଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଲାୟନ୍ସ ଆଇ ହସ୍ପିଟାଲର ଏହି ମାସିକ ଶିବିର ଗରୀବମାନଙ୍କ ପାଇଁ ନୂଆ ଆଶାର କିରଣ ହୋଇରହିଛି। ଏହା କେବଳ ଚକ୍ଷୁ ରୋଗୀଙ୍କ ଦୃଷ୍ଟିକୁ ପୁନଃ ସ୍ଥାପିତ କରିବା ପାଇଁ କାର୍ଯ୍ୟ କରେ ନାହିଁ, ବରଂ ଫିଜିଓଥେରାପି ସେଣ୍ଟର ମାଧ୍ୟମରେ ନାକ, କାନ, ଗଳା, ଦାନ୍ତ ଏବଂ ଯେକୌଣସି ପ୍ରକାରର ଶାରୀରିକ ଯନ୍ତ୍ରଣା ଭଳି ଚିକିତ୍ସା କରିବାରେ ମଧ୍ୟ ସାହାଯ୍ୟ କରେ। ସୁନ୍ଦରଗଡ଼ ରୁ ବରିଷ୍ଠ ସାମ୍ବାଦିକ ସଂଜୀବ କୁମାର ପାଢୀଙ୍କ ରିପୋର୍ଟ ।