*ସାତ ମାସର ଗର୍ଭବତୀ ମହିଳାଙ୍କୁ ଗୁଳି କରି ହତ୍ୟା*
ବିଳମ୍ବିତ ରାତିରେ ଲୁଟ କରିବାକୁ ନାଁ ଅନ୍ୟ କାରଣରୁ ଆସି ଲୁଟ କରୁଥିବା ସମୟରେ ଚିତ୍କାର କରିବାରୁ ହତ୍ୟା, ଘଟଣା ଟିକାୟତପାଲି ଥାନା ଅନ୍ତର୍ଗତ ଝିର୍ଡାପାଲୀ ଗ୍ରାମରେ, ଘଟଣାସ୍ଥଳରେ ପୋଲିଶ lସୁନ୍ଦରଗଡ଼ ଜିଲା ସ୍ଥିତ ବଣାଇଁ ଉପଖଣ୍ଡର ଟିକାୟତପାଲୀ ଥାନା ଅଞ୍ଚଳରେ ଗତକାଲି ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଆଜି ଚର୍ଚ୍ଚାର ବିଷୟ ସାଜିଛି l ଘଟଣାକୁ ପ୍ରାରମ୍ଭିକ ପର୍ଯ୍ୟାୟରେ ସଭିଏଁ ଲୁଟ ଉଦ୍ଦେଶ୍ଯରେ ବୋଲି ଭାବୁଥିଲେ ହେଁ ଏହା ଅନ୍ୟ ଏକ ଦିଗ ପ୍ରତି ମଧ୍ଯ ଅଙ୍ଗୁଳି ନିର୍ଦ୍ଦେଶ କରୁଥିଲା l ଟିକାୟତପାଲି ଥାନା ଅନ୍ତର୍ଗତ ଝିର୍ଡାପାଲୀ ଗ୍ରାମରେ ଦେବେନ ବେହେରା ଓ ତାଙ୍କ ପତ୍ନୀ ଶୋଇଥିଲେ l ବିଳମ୍ବିତ ରାତିରେ ସୌଚ ହେବା ପାଇଁ ଦେବେନଙ୍କ ପତ୍ନୀ ସମ୍ୟାମୟି ବାହାରିବା ସମୟରେ କେହି ମୁଖ୍ୟ ଦ୍ୱାରରେ ବାଡେଇବା ଶବ୍ଦ ଶୁଣି କବାଟ ଖୋଲିଥିଲେ l ପରେ ତାଙ୍କ ଚିତ୍କାର ଓ ଗୁଳି ଫୁଟିବା ଶବ୍ଦ ଶୁଣି ସ୍ଵାମୀ ଦେବେନ ବାହାରି ଦେଖିଲା ବେଳକୁ ପତ୍ନୀ ସମ୍ୟା ତଳେ ପଡି ଛଟପଟ ହେଉଥିବା ଓ ପ୍ରବଳ ରକ୍ତସ୍ରାବ ହେଉଥିବା ଦେଖି ପାଖ ପଡୋଶୀଙ୍କୁ ଡାକିଥିଲେ l ପରେ ପୋଲିଶ ଖବର ପାଇ ଘଟଣାସ୍ଥଳରେ ପହଁଞ୍ଚିବା ବେଳକୁ ସମ୍ୟାଙ୍କୁ ବଣାଇଁ ଉପଖଣ୍ଡ ଚିକିତ୍ସାଳୟ ନିଆ ସାରିଥିଲା l ସେଠାରେ ଡାକ୍ତର ତାଙ୍କୁ ପରୀକ୍ଷା ନିରୀକ୍ଷା କରି ମୃତ ଘୋଷଣା କରିଥିଲେ l ତାଙ୍କ ସ୍ଵାମୀ ଏହି ଘଟଣାକୁ ନେଇ ଅତ୍ୟନ୍ତ ମର୍ମାହତ ଅଛନ୍ତି । ତଦନ୍ତ ପରେ ପ୍ରକୃତ ତଥ୍ଯ ଜଣାପଡିବ ବୋଲି ପୋଲିଶ କହିଛି l ମୃତା ମହିଳା ସମ୍ୟା ୭ ମାସର ଗର୍ଭବତୀ ଥିଲେ ଓ ଏହା ତାଙ୍କର ପ୍ରଥମ ଗର୍ଭ ଥିଲା l ମୃତା ମହିଳା ଙ୍କ ପିତ୍ରାଳୟ ଛେଣ୍ଡିପଦା ଓ ସେ ଛେଣ୍ଡିପଦା ବିଧାୟକ ଅଗସ୍ତି ବେହେରାଙ୍କ ସମ୍ପର୍କୀୟା ଭଉଣୀ ବୋଲି ଜଣାପଡିଛି l ଘଟଣା କ୍ରମେ ପୋଲିଶ ରାଉରକେଲାରୁ ପୋଲିଶ ସାଇଣ୍ଟିଫିକ ଟିମର ସହାୟତା ଲୋଡିଛି l ସୁନ୍ଦରଗଡ଼ ରୁ ବରିଷ୍ଠ ସାମ୍ବାଦିକ ସଂଜୀବ କୁମାର ପାଢୀଙ୍କ ରିପୋର୍ଟ ।
