ସରକାରୀ ଉଚ୍ଚ ବିଦ୍ୟାଳୟରେ ଅଧ୍ୟୟନ କରୁଥିବା ପୁରାତନ ଛାତ୍ରଙ୍କ ବନ୍ଧୁ ମିଳନ …
କନ୍ଧମାଳ :- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଚକାପାଦ ବ୍ଲକ ଅନ୍ତର୍ଗତ ଶଙ୍କରାଖୋଲ ନିକଟସ୍ଥ ଶାଳବଣ ଠାରେ ୨୦୦୫ ମସିହା ସରକାରୀ ଉଚ୍ଚ ବିଦ୍ୟାଳୟରେ ଅଧ୍ୟୟନ କରୁଥିବା ଛାତ୍ର ମାନଙ୍କର ବନ୍ଧୁ ମିଳନ ପର୍ବ ବହୁ ଆଡମ୍ବର ରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ପୁରାତନ ସହପାଠୀ ମାନେ ପୁଣି ଏକାଠି ହୋଇ ସେଇ ପୁରୁଣା ଦିନର ସ୍ମୃତି କୁ ପୁଣି ତାଜା କରିବା ସହିତ କିଛି ନୂଆ ସ୍ମୃତି କୁ ଜନ୍ମ ଦେଇଛନ୍ତି। ସ୍ଥାନୀୟ ଶାଳବଣରେ ଏକ ବଣଭୋଜିକରି ସେଠିକାର ପରିବେଶ କୁ ପରିଷ୍କାର ପରିଚ୍ଛନ୍ନ କରିବା ସହିତ ଭୋଜି କରିବାକୁ ଆସିଥିବା ସମସ୍ତ ବ୍ୟକ୍ତିଙ୍କୁ ଶାଳବଣଟି କିପରି ପରିଷ୍କାର ରହିବ ସେଇ ଉପରେ କିଛି ଉପଦେଶ ଦେଇଛନ୍ତି। ନିଜ ନିଜର ବନ୍ଧୁ ମାନଙ୍କୁ ନିକଟରେ ପାଇ ସମସ୍ତେ ବହୁତ୍ ଆନନ୍ଦ ଓ ସନ୍ତୋଷ ଲାଭ କରିଛନ୍ତି ବୋଲି ସବୁ ବନ୍ଧୁ ନିଜ ନିଜ ଭିତରେ ମତ ପ୍ରକାଶ କରିଛନ୍ତି। ଏହି କାର୍ଯ୍ୟକ୍ରମଟି ଆଶିଷ କୁମାର ସାହୁଙ୍କ ନେତୃତ୍ୱରେ ହୋଇଥିବା ବେଳେ ଏଥିରେ ଶିବାନନ୍ଦ ସାହୁ,କାହୁଁ ଚରଣ ସାହୁ, ବିଷ୍ଣୁ ପ୍ରସାଦ ବେହେରା,ରାଜେଶ ବେହେରା, ଅନନ୍ତ କହଁର, ନକୁଳ କହଁର,ଜୟଦେବ କହଁର, ଜ୍ୟୋଷବନ୍ତ ପ୍ରଧାନ, ଲମ୍ବୋଦର ଦିଗାଲ ଏବଂ ସୁଧୀର କହଁର ପ୍ରମୁଖ ଯୋଗଦେଇଥିଲେ। କୌଣସି କାରଣରୁ ଉପସ୍ଥିତ ହୋଇପାରି ନଥିବା ସାଙ୍ଗ ମାନଙ୍କୁ ବହୁତ୍ ମନେ ପକାଇବା ସହିତ ଆଗକୁ ହେବାକୁ ଥିବା ବନ୍ଧୁ ମିଳନରେ ନିଜକୁ ସାମିଲ୍ କରିବାକୁ ସେମାନଙ୍କୁ ଅନୁରୋଧ କରାଯାଇଅଛି।ପରିଶେଷରେ ସୁଧୀର କହଁର ସମସ୍ତଙ୍କର ଶୁଭକାମନା କରି କାର୍ଯ୍ୟକ୍ରମଟିକୁ ସାଙ୍ଗ କରିଥିଲେ।
