*ଅନୀଲ କୁମାର ଦଣ୍ଡସେନାଙ୍କ ବିୟୋଗ*
ନୂଆପଡା ଜିଲ୍ଲା(ଓମ୍ ପ୍ରକାଶ ଚୌଧୁରୀ) ଖଡ଼ିଆଳ ବ୍ଲକ ଅନ୍ତର୍ଗତ ନେହେନା ଗ୍ରାମର ସମାଜସେବୀ ଅନିଲ କୁମାର ଦଣ୍ଡସେନା (୫୭) ଙ୍କ ଚିକିତ୍ସାଧୀନ ଅବସ୍ଥାରେ ବୋର୍ଲ୍ଲା ଠାରେ ପରଲୋକ ହୋଇ ଯାଇଛି। ସ୍ବର୍ଗତ ଦଣ୍ଡସେନା ଖଡ଼ିଆଳ ପାଟଣା କ୍ଷତ୍ରିୟ ସମାଜର ବରିଷ୍ଠ ସଦସ୍ୟ ଥିଲେ । ସେ ଜଣେ କୀର୍ତ୍ତନ ଗୁରୁ ଭାବରେ ପରିଚିତ ଥିବାବେଳେ ଜଣେ ଆଗ ଧାଡ଼ିର ନାଟ୍ୟକାର ରହି ବିଗତ ଦିନରେ ଲଷ୍ମୀସ୍ୱାନ ନାଟକକୁ ଅନେକ ଗ୍ରାମରେ ପ୍ରସିଦ୍ଧ କରିଥିଲେ । ନେହେନା ଶ୍ରୀକୃଷ୍ଣ ଲୀଳା କମିଟିର ବରିଷ୍ଠ ସଦସ୍ୟ ଥିବାବେଳେ ଶ୍ରୀକୃଷ୍ଣ ଲୀଳାରେ ବିଭିନ୍ନ ଭୂମିକାରେ ଅଭିନୟ କରିଥିଲେ । ଶ୍ରୀରାମ ନବମୀ କମିଟିର ବରିଷ୍ଠ ସଦସ୍ୟ ଥିଲେ । ସେଜଣେ କାଠ ମିସ୍ତ୍ରୀ ଭାବରେ ଉନ୍ନତ କାର୍ଯ୍ୟ କରୁଥିବା ବେଳେ ସେ ଖଡ଼ିଆଳ ବ୍ଲକର କାଠ ମିସ୍ତ୍ରୀ ସଂଘର ବିଭିନ୍ନ ପଦ ପଦବୀରେ ରହି ଅନ୍ୟ ମିସ୍ତ୍ରୀ ମାନଙ୍କୁ ଦିଗ ଦର୍ଶନ ଦେଉଥିଲେ । ତାଙ୍କର ସ୍ତ୍ରୀ ଈଶ୍ୱରୀ ସହିତ ଦୁଇ ପୁଅ ଓ ଗୋଟିଏ ଝିଅ ଅଛନ୍ତି ଜ୍ୟେଷ୍ଠ ପୁତ୍ର କିଶନ କୁମାର ଦଣ୍ଡସେନା ଗ୍ରାମ୍ୟ ସ୍ମଶାନରେ ମୁଖାଗ୍ନି ଦେଇଥିଲେ । ତାଙ୍କ ମୃତ୍ୟୁରେ ପରିଚିତ ମହଲରେ ଶୋକଛାୟା ଖେଳି ଯାଇଛି ।
