ସଡକ ଦୁର୍ଘଟଣାରେ ବାଇକ ଆରୋହିମୃତ
ବଲାଙ୍ଗୀର ଜିଲ୍ଲା ମୁରିବାହାଲ ଥାନା ଅଧୀନ ୫୯ ଜାତୀୟ ରାଜପଥର ଗୁରୁଣ୍ଡା ପିଚୁ ପ୍ଲାଣ୍ଟ ନିକଟରେ ମଙ୍ଗଳବାର ଏକ ସଡ଼କ ଦୁର୍ଗଘଣାରେ ଜଣେ ବାଇକ ଆରୋହୀଙ୍କର ମୃତ୍ୟୁ ଘଟିଛି। ମୃତକ ହେଲେ ନୂଆପଡା ଜିଲ୍ଲା କୋମନା ଥାନା ତରବୋଡ଼ ଗ୍ରାମର ଗୁପତ ଦୀପ(୪୬)। ଗୁପତ ଖଡିଆରୋଡ଼ର ରବି ୟାବଦ (୩୫)ଙ୍କ ସହ ମୁରିବାହାଲ ଥାନା ଗରେଇକୁ ଏକ ଘରୋଇ କାମରେ ଆସୁଥିବା ବେଳେ ଗୁରୁଣ୍ଡା ପିଚୁ ପ୍ଲାଣ୍ଟ ନିକଟରେ ବିପରୀତ ଦିଗରୁ ଆସୁଥୁବା ଟ୍ରକ ମୁହାଁମୁହିଁ ଧକ୍କା ଦେଇଥିଲା। ଏଥିରେ ବାଇକରେ ଥିବା ୨ଆରୋହୀ ଛିଟିକି ପଡିଥିଲେ। ମୁରିବାହାଲ ପୋଲିସ ସହାୟତାରେ ଟିଟିଲାଗଡ଼ ଉପଖଣ୍ଡ ସ୍ବାସ୍ଥ୍ୟକେନ୍ଦ୍ରକୁ ଉଭୟଙ୍କୁ ନିଆଯାଇଥିଲା। ହେଲେ ସେଠାରେ ଡାକ୍ତର ଗୁପତଙ୍କୁ ମୃତ ଘୋଷଣା କରିଥିଲେ। ରବି ଏବେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି। ଦୁର୍ଘଟଣା ଘଟାଇଥିବା ଟ୍ରକକୁ ପୋଲିସ ଖୋଜୁଛି ବୋଲି ମୁରିବାହାଲ ଥାନା ଅଧିକାରୀ ସୁପ୍ରିୟା ସୂରିଆ ଲୁଗୁନ କହିଛନ୍ତି ।
