ଶ୍ରୀଜଗନ୍ନାଥ ପାଞ୍ଚରାତ୍ର ପ୍ରଚାର ସମିତି ପକ୍ଷରୁ ଚନ୍ଦନ ପୁର୍ଣିମା ଉତ୍ସବ ଅନୁଷ୍ଠିତ
ଭୁବନେଶ୍ୱର: (Abhishek Mohanty)ଶ୍ରୀଜଗନ୍ନାଥ ପାଞ୍ଚରାତ୍ର ପ୍ରଚାର ସମିତି ପକ୍ଷରୁ ପ୍ରଥମ ଥର ପାଇଁ ଚନ୍ଦନ ପୁର୍ଣିମା ଉତ୍ସବ କେଦାରେଶ୍ୱର ମନ୍ଦିର, ବାଣୀବିହାର ଭୁବନେଶ୍ୱର ଠାରେ ଅନୁଷ୍ଠିତ କରାଯାଉଛି ।ଏହା ସନ୍ଧ୍ୟା ୬ଘଟିକା ରୁ ୯ଘଟିକା ପର୍ଯ୍ୟନ୍ତ ଅନୁଷ୍ଠିତ ହୋଇଛି ।ଏହି ଅବସରରେ ପଣ୍ଡିତ ଦାଶରଥୀ ସାମନ୍ତରାୟ ଚନ୍ଦନ ଯାତ୍ରା ସମ୍ବଦ୍ଧରେ ସମସ୍ତଙ୍କୁ ତାଙ୍କ ଆଶ୍ରିବଚନ ଦେଇଥିଲେ। ଏହି ଅବସରରେ “ରତ୍ନାସିଂହାସନ”, “ଆମେ ଭଲପାଉଛୁ ଶ୍ରୀଜଗନ୍ନାଥଙ୍କୁ” ଭଜନ ଓ ଅନୁଭୂତି ମଧ୍ୟ ମହାପ୍ରଭୁଙ୍କ ଚରଣରେ ଲୋକାର୍ପିତ କରାଯାଇଥିଲା।ମହାପ୍ରଭୁଙ୍କ ସମ୍ମୁଖରେ ଚନ୍ଦନ ଲାଗି ଓ ଦେଖ ଗୋ ରାଧା ମାଧବ ଚାଲି ପରି ଦୁଇଟି ନୃତ୍ୟ ଓ ଭଜନ ପରିବେଷଣ କରାଯାଇଥିଲା।ମହାପ୍ରଭୁଙ୍କୁ ଚନ୍ଦନ,ଭୋଗ ଓ ଫୁଲ ଦେଇ ପୂଜା କରାଯାଇଥିଲା।
