ଲକ୍ଷ୍ମୀ ବସ୍ ଓଲଟି ୩ ଗୁରୁତର ଆହତ।
ଗଞ୍ଜାମ ଜିଲ୍ଲା କବିସୂର୍ଯ୍ୟ ନଗର ଥାନା ଅର୍ନ୍ତଗତ ମୋହନାପଲୀ ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଯାହା ଫଳରେ ଗୁରୁତର ଅବସ୍ଥାରେ ୩ ମହିଳା କବିସୂର୍ଯ୍ୟ ନଗର ଡାକ୍ତରଖାନାରେ ଚିକିତ୍ସିତ ହେଉଛନ୍ତି।ସୁଚନା ଅନୁଯାୟୀ ଜଣାପଡିଛି ଯେ ଏହି ଗାଁ ରୁ ଯାତ୍ରୀବାହୀ ଲକ୍ଷ୍ମୀ ବସ୍ କବିସୂର୍ଯ୍ୟ ନଗର ଅଭିମୁଖେ ଯାଉଥିବା ବେଳେ ମୋହନାପଲୀ ଗ୍ରାମରେ ରାସ୍ତାକଡ଼ ବିଲ ଭିତରକୁ ଓଲଟି ପଡ଼ିଥିଲା ଓ ଉକ୍ତ ଗାଡିରେ ଯାତ୍ରା କରୁଥିବା ୧୦ ଜଣଙ୍କ ମଧ୍ୟରୁ ୩ ଜଣ ଗୁରୁତର ଆହତ ହୋଇଛନ୍ତି। ଖବର ପାଇ ଗାଁ ଲୋକ, ସରପଞ୍ଚ ଓ ସମିତି ସଭ୍ୟ ପ୍ରମୁଖ ଘଟଣାସ୍ଥଳରେ ପହଞ୍ଚି ଆହତ ଯାତ୍ରୀ ମାନଙ୍କୁ ଉଦ୍ଧାର କରି ଡାକ୍ତରଖାନାକୁ ପଠାଇ ଥିଲେ। ଅନ୍ୟପକ୍ଷରେ କବିସୂର୍ଯ୍ୟ ନଗର ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଘଟଣା ର ତଦନ୍ତ ଆରମ୍ଭ କରିଛନ୍ତି।
