*ରିଭଲଭର୍ ସହ ଦୁଇ ଯୁବକ ଗିରଫ* *୩ ମୋବାଇଲ ସହ ଓ୍ବାଗନର ଜବତ*
ରାଉରକେଲା ସହର ସ୍ଥିତ ସେକ୍ଟର – ୩ ସ୍ଥିତ ଥାନା ଏସ ଆଇ ସନ୍ଦିଗ୍ଧ ଅବସ୍ଥାରେ ଏକ କାର ଭିତରୁ ଦୁଇ ଯୁବକଙ୍କୁ ଗିରଫ କରିବା ସହ କାର ଜବତ କରିଥିଲେ । ଏକ ବିଶ୍ଵସ୍ତ ସୂତ୍ରରୁ ସୂଚନା ପାଇ ଡିଏସପିଙ୍କ ନିର୍ଦ୍ଦେଶରେ ଏସ ଆଇ ରବିନ୍ଦ୍ର ଭୁଏ ଏକ ଦଳ ସହିତ ସେକ୍ଟର – ୪ ସ୍ଥିତ ହନୁମାନ ମନ୍ଦିର ନିକଟରେ ଛିଡ଼ା ହୋଇଥିବା ଏକ ଗାଡିକୁ ଯାଞ୍ଚ କରିଥିଲେ । ଉକ୍ତ ଗାଡି ଭିତରୁ ଗୁଳି ଭର୍ତ୍ତି ରିଭଲଭର ସହ ଦୁଇ ଯୁବକଙ୍କୁ ଗିରଫ କରିବା ସହ କାରକୁ ମଧ୍ୟ ଜବତ କରିଥିଲେ । ଉକ୍ତ ଯୁବକ ଦ୍ବୟଙ୍କୁ ଜେରା କରିବା ପରେ ସେମାନଙ୍କ ଠାରୁ ଗୁଳି ଭର୍ତ୍ତି ରିଭଲଭର ଜବତ ହୋଇଥିଲା । ଗିରଫ ଯୁବକ ଦ୍ବୟ ବିକି ଚୈ।ଧୁରି ଓ ସୁମିତ ରଞ୍ଜନ ରାଉତ ବୋଲି ଜଣାପଡ଼ିଛି । ପୋଲିଶ ସେମାନଙ୍କୁ ପଚାରିବାରୁ ସଠିକ ଉତ୍ତର ଦେଇ ନ ପାରିବାରୁ ଉଭୟଙ୍କ ପ୍ରାଥମିକ ଯାଞ୍ଚ ପରେ ସେମାନଙ୍କୁ ଜେଲକୁ ପଠା ଯାଇଥିବା ବିଷୟରେ ଡିଏସପି ପୁଷ୍ପାଞ୍ଜଳି ନେଗୀ ସାମ୍ବାଦିକ ମାନଙ୍କୁ ତଥ୍ୟ ପ୍ରଦାନ କରିଥିଲେ । ଏବେ ଏହି ଘଟଣାକୁ ନେଇ ସହରରେ କଡାକଡି ଯାଞ୍ଚ ଚାଲିଛି । କେହି ବି ସନ୍ଦିଗ୍ଧ ଧରାପଡିଲେ ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମଧ୍ୟ ଡିଏସପି କହିଥିଲେ ।
ସୁନ୍ଦରଗଡ଼ ରୁ ବରିଷ୍ଠ ସାମ୍ବାଦିକ ସଂଜୀବ କୁମାର ପାଢୀଙ୍କ ରିପୋର୍ଟ ।
