ରାୟଗଡା ରେଳ ଡିଭିଜନର ଭିତ୍ତିପ୍ରସ୍ଥର ର 24 ଘଣ୍ଟା ମଧ୍ୟରେ ନୂଆ ଡିଆରଏମ ଅମିତାଭ ସିଙ୍ଗାଲ ଙ୍କୁ ନିଯୁକ୍ତି
ରାୟଗଡା: ରାୟଗଡାବାସୀଙ୍କ ଦୀର୍ଘଦିନର ଦାବି ପୂରଣ ହୋଇଛି। ରାୟଗଡା ରେଳ ଡିଭିଜନର ନୂଆ ଡିଆରଏମ ହେଲେ ଅମିତାଭ ସିଙ୍ଗାଲ। ନୂତନ ରାୟଗଡ଼ା ରେଳ ଡିଭିଜନର ଭିତ୍ତିଭୂମି ସ୍ଥାପନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ନିଯୁକ୍ତି ପରେ ରାୟଗଡା ରେଳ ଡିଭିଜନର ପ୍ରଥମ ଡିଆରଏମ ହୋଇଛନ୍ତି ଅମିତାଭ ସିଙ୍ଗ।ଲ । ପ୍ରଧାନମନ୍ତ୍ରୀ ଓ ରେଳ ବିଭାଗର ତ୍ୱରିତ ପଦକ୍ଷେପକୁ ବ୍ରହ୍ମପୁର ସାଂସଦ ଡ. ପ୍ରଦୀପ ପାଣିଗ୍ରାହୀ, ନବରଙ୍ଗପୁର ସାଂସଦ ବଳଭଦ୍ର ମାଝୀ, କୋରାପୁଟ ଓ କଳାହାଣ୍ଡି ସାଂସଦ କୃତଜ୍ଞତା ଜଣାଇଛନ୍ତି । ରାୟଗଡା ରେଳମଣ୍ଡଳ ହେବା ଦ୍ବାରା ଦକ୍ଷିଣ ଓଡିଶାର ରେଳ ଭିତ୍ତିଭୂମି ଓ ଅର୍ଥନୀତିରେ ଉନ୍ନତି ଆସିବ। ଏହି ବିକାଶ ସହିତ ଜମ୍ମୁ ରେଳମଣ୍ଡଳକୁ 69 ତମ ରେଳ ମଣ୍ଡଳ ଏବଂ ରାୟଗଡାକୁ 70 ତମ ରେଳମଣ୍ଡଳ ଭାବେ ସ୍ଥାନିତ କରାଯାଇ ସାରା ଦେଶରେ ରେଳ ଭିତ୍ତିଭୂମିକୁ ଆହୁରି ମଜବୁତ କରିଛି । ପୂର୍ବତଟ ରେଳ ଡିଭିଜନକୁ ମିଶାଇ ଦେଶରେ ୧୭ ଟି ଡିଭିଜନ ରହିଥିବା ବେଳେ ରାୟଗଡ଼ାକୁ ମିଶାଇ ବର୍ତ୍ତମାନ ୧୮ ଟି ଡିଭିଜନ ରହିଛି।24 ଘଣ୍ଟାରେ ଡିଆରଏମ ନିଯୁକ୍ତରେଳ ମନ୍ତ୍ରୀଙ୍କ ସୁପାରିଶ କ୍ରମେ ମହାମହିମ ରାଷ୍ଟ୍ରପତିଙ୍କ ଅନୁମୋଦନ ସହିତ ରେଳ ମନ୍ତ୍ରଣାଳୟ ଏହି ନିଷ୍ପତ୍ତି ନେଇଛି । ୨୪ ଘଣ୍ଟା ମଧ୍ୟରେ ଆଜି ନୂଆ ଡିଭିଜନର ଡିଆରଏମଙ୍କୁ ନିଯୁକ୍ତି କରିଛି ରେଳ ବିଭାଗ । ଅମିତାଭ ସିଙ୍ଗାଲ ଏଥି ପୂର୍ବରୁ ଏନ ଏଫ ଏଚ ଏ ଜି /ଆଇ ଆର ଏସ ଇ ଇ /ଆଇ ସି ଏଫ , ଦକ୍ଷିଣ କୋଷ୍ଟ ରେଲୱେ ଡି ଆର ଏମ ରୁ ଡି ଆର ଏମ ରାୟଗଡା (ନୂତନ ବିଭାଜନ) କୁ ବଦଳି ହୋଇ ଅବସ୍ଥାପିତ ହୋଇଛନ୍ତି । ଏହାଦ୍ବାରା ଡିଭିଜନର କାମ ତ୍ବରାନ୍ବିତ ହେବ । ଜାନୁୟାରୀ 6 ତାରିଖରେ ଡିଆରଏମଙ୍କ ପ୍ରଶାସନିକ କାର୍ଯ୍ୟାଳୟ କୋଠା ନିର୍ମାଣ ପାଇଁ ପ୍ରଧାନମନ୍ତ୍ରୀ ଶିଳାନ୍ୟାସ କରିଥିଲେ। ଏହାର ଦିନକ ପରେ ନୂତନ ଡିଆରଏମଙ୍କୁ ନିଯୁକ୍ତି ଦେଇଛନ୍ତି କେନ୍ଦ୍ର ସରକାର ତଥା ରେଳ ବିଭାଗ ।107 କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଯାଉଥିବା ନୂତନ ଡିଆରଏମ କୋଠାର ଶିଳାନ୍ୟାସ ଉତ୍ସବ ଅନୁଷ୍ଠିତ ହୋଇଥିଲା । ଭିଡିଓ କନଫରେନ୍ସିଂ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାର୍ଯ୍ୟକ୍ରମରେ ଯୋଗ ଦେଇଥିଲେ । ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ମଧ୍ୟ ଏଥିରେ ଯୋଗ ଦେଇଥିଲେ।ରାୟଗଡ଼ା ସମାବେଶରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ,କେନ୍ଦ୍ର ରେଳ ରାଷ୍ଟ୍ରମନ୍ତ୍ରୀ ,କୋରାପୁଟ ସାଂସଦ ସପ୍ତଗିରି ଶଙ୍କର ଉଲାକା, ନବରଙ୍ଗପୁର ସାଂସଦ ବଳଭଦ୍ର ମାଝୀ, ବ୍ରହ୍ମପୁର ସାଂସଦ ଡ଼. ପ୍ରଦୀପ ପାଣିଗ୍ରାହୀ, କଳାହାଣ୍ଡି ସାଂସଦ ପ୍ରତ୍ୟୁଷ ରାଜଶ୍ରୀ ଦେବୀଙ୍କ ସମେତ ଜିଲ୍ଲାର ବିଧାୟକ ମାନେ ଯୋଗ ଦେଇଥିଲେ। ୨୪ ଘଣ୍ଟା ମଧ୍ୟରେ ଡିଆରଏମ୍ ନିଯୁକ୍ତି କେନ୍ଦ୍ର ସରକାରଙ୍କ ଓଡିଶାରେ ରେଲୱେ ବିକାଶ ପ୍ରତି ଦୃଢ଼ ପ୍ରତିବଦ୍ଧତା ରହିଥିବା ସ୍ପଷ୍ଟ ହୋଇଛି। ‘‘ମୋଦି ସରକାର ଯାହା କୁହନ୍ତି ତାହା ତୁରନ୍ତ କରି ଦେଖାଇଥାନ୍ତି’’ ବୋଲି ବ୍ରହ୍ମପୁର ସାଂସଦ ପ୍ରଦୀପ ପାଣିଗ୍ରାହୀ କହିଛନ୍ତି।ଉପକୃତ ହେବ ଦକ୍ଷିଣ ଓଡିଶା ବାସୀ l ରାୟଗଡା ରେଳ ମଣ୍ଡଳ ପାଇଁ ଭିତ୍ତିପ୍ରସ୍ତର ସ୍ଥାପନ ଓଡ଼ିଶା ପାଇଁ ଏକ ଅର୍ଥନୀତିରେ ଉନ୍ନତି ସଦୃଶ୍ୟ। ରାୟଗଡା ରେଳମଣ୍ଡଳର ପରିକଳ୍ପନା ୨୦୧୭ -୧୮ ମସିହାରେ ହୋଇଥିଲା। ଏବେ ୭ ବର୍ଷ ପରେ ସ୍ଥାନୀୟ ଲୋକଙ୍କ ସ୍ବପ୍ନ ସାକାର ହୋଇଛି। ରାୟଗଡା ରେଳମଣ୍ଡଳ ଦ୍ବାରା ରାୟଗଡା, କୋରାପୁଟ ଭଳି ଦକ୍ଷିଣାଞ୍ଚଳ ଜିଲ୍ଲାଗୁଡିକରେ ରେଳ ଭିତ୍ତିଭୂମିର ବିକାଶ ହୋଇପାରିବ। ନୂତନ ଭାବେ ପ୍ରତିଷ୍ଠିତ ରାୟଗଡା ରେଳ ମଣ୍ଡଳ ମୁଖ୍ୟତଃ ଓଡିଶାର ଦକ୍ଷିଣାଞ୍ଚଳ ଜିଲ୍ଲାଗୁଡ଼ିକରେ ରେଳ କାର୍ଯ୍ୟର ତଦାରଖ ପାଇଁ ଉତ୍ତରଦାୟୀ ରହିବ । ଏହି ରେଳମଣ୍ଡଳ ରାୟଗଡା, କୋରାପୁଟ, ଗଜପତି, ନବରଙ୍ଗପୁର, ମାଲକାନଗିରି ଏବଂ କଳାହାଣ୍ଡି ସମେତ ଆଦିବାସୀ ବହୁଳ ତଥା ଆକାଂକ୍ଷା ଜିଲ୍ଲାର ସ୍ୱାର୍ଥ ପାଇଁ ସେବା କରିବ । ଏହି ଅଞ୍ଚଳର ରଣନୀତିକ ଅବସ୍ଥାନ ଏବଂ ବୃଦ୍ଧି ପାଉଥିବା ଗୁରୁତ୍ୱ ଓଡିଶା ରେଳ ନେଟୱର୍କର ବିକାଶ ପାଇଁ ଏହି ରେଳମଣ୍ଡଳ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ।ରାୟଗଡା ରେଳମଣ୍ଡଳ ଯୋଗୁଁ ବହୁତ କିଛି ଫାଇଦାହେବ l କୋରାପୁଟ, ରାୟଗଡା, କଳାହାଣ୍ଡିରେ ରେଳ ପରିଚାଳନା ଓ ଭିତ୍ତିଭୂମିରେ ଉନ୍ନତି ଆସିବା ସହ ଯୋଗାଯୋଗ ଓ ଅର୍ଥନୈତିକ ବିକାଶ ତ୍ବରାନ୍ବିତ ହେବ। ପ୍ରତ୍ୟକ୍ଷ ଓ ପରୋକ୍ଷ ଭାବେ ୫ ହଜାର ନିଯୁକ୍ତି ସୃଷ୍ଟି ହେବ। ୩ ବର୍ଷ ଭିତରେ ରେଳମଣ୍ଡଳ ମୁଖ୍ୟ ଭବନର କାମ ସରିବ। ରାୟଗଡା ରେଳମଣ୍ଡଳ ହେବା ଦ୍ବାରା ଅନେକ ଟ୍ରେନ ଏଠାରୁ ଚଳାଚଳ ଆରମ୍ଭ କରିବ। ବିଭିନ୍ନ ପ୍ରସ୍ତାବିତ ରେଳଲାଇନର କାମ ବି ଆଗକୁ ବଢିବ। ଏହି ପଦକ୍ଷେପ ଦକ୍ଷିଣ ଓଡିଶାର ଆଦିବାସୀ ବହୁଳ ଅଞ୍ଚଳରେ ଏକ ପରିବର୍ତ୍ତନଶୀଳ ପ୍ରଭାବ ପକାଇବ। ଆଞ୍ଚଳିକ ଅର୍ଥନୈତିକ ଅଭିବୃଦ୍ଧି, ସ୍ଥାନୀୟ ଶିଳ୍ପ ସହିତ ଯୋଗାଯୋଗରେ ଉନ୍ନତି ଆଣିବା ଏବଂ ବହୁ ନିଯୁକ୍ତି ସୁଯୋଗ ପ୍ରଦାନ କରିବ । ଉନ୍ନତ ରେଳ ସେବା ସହିତ ବଜାର ଚାହିଦା, ସ୍ୱାସ୍ଥ୍ୟସେବା ଏବଂ ଶିକ୍ଷା ପାଇଁ ବର୍ଦ୍ଧିତ ରେଳ ଭିତ୍ତିଭୂମି ଓ ଯୋଗାଯୋଗ ବହୁପରିମାଣରେ ସହାୟତା ପ୍ରଦାନ କରିବ। ଯାହାକି ଏହି ଅଂଚଳର ଅଧିବାସୀ ମାନଙ୍କ ପାଇଁ ଏକ ଉନ୍ନତ ମାନର ଜୀବନଯାପନ ପ୍ରଣାଳୀ ଅଭିଜ୍ଞତା ପ୍ରଦାନ କରିବ ।ପର୍ଯ୍ୟଟନ ଶିଳ୍ପର ବିକାଶଦକ୍ଷିଣ ଓଡିଶାର ଭବିଷ୍ୟତର ସଂଯୋଗ ଏବଂ ଭିତ୍ତିଭୂମି ବିକାଶ ପର୍ଯ୍ୟଟନକୁ ଯଥେଷ୍ଟ ବୃଦ୍ଧି କରିବ । କୋରାପୁଟ-ରାୟାଗଡା ରେଳମାର୍ଗ ପୂର୍ବ ଘାଟଗୁଡିକର ଚମତ୍କାର ସୌନ୍ଦର୍ଯ୍ୟମୟ ଦୃଶ୍ୟ ପ୍ରଦାନ କରିବା ସହିତ ଏହି ମାର୍ଗଗୁଡ଼ିକ ସବୁଜିମା, ଜଳପ୍ରପାତ ଏବଂ ଆଦିବାସୀ ଐତିହ୍ୟ, ପରମ୍ପରା ଓ ସଂସ୍କୃତିର ଦୃଶ୍ୟମାନ ବିଶେଷ ଅଭିଜ୍ଞତା ପ୍ରଦାନ କରିଥାଏ । ଏହି ଅଞ୍ଚଳ ଉଭୟ ଜାତୀୟ ତଥା ଆନ୍ତର୍ଜାତୀୟ ପର୍ଯ୍ୟଟକଙ୍କୁ ଆକର୍ଷିତ କରିବ ବୋଲି ଆଶା କରାଯାଉଛି । ଏହା କୋରାପୁଟ କଫି ଏବଂ ହଳଦୀ ପାଇଁ ବଜାରକୁ ବୃଦ୍ଧି କରିବ ଏବଂ ଏଗ୍ରୋ ଭିତ୍ତିକ ଶିଳ୍ପଗୁଡିକୁ ମଧ୍ୟ ସମର୍ଥନ କରିବ । ଓଡ଼ିଶାରେ ପର୍ଯ୍ୟଟନ, ଅର୍ଥନୈତିକ ବିକାଶ ଏବଂ ଭିତ୍ତିଭୂମି ଅଭିବୃଦ୍ଧିରେ ରାୟଗଡା ରେଳ ମଣ୍ଡଳ ପ୍ରତିଷ୍ଠା ଏକ ପ୍ରମୁଖ ଭୂମିକା ଗ୍ରହଣ କରିବ । ଉନ୍ନତ ରେଳ ନେଟୱର୍କ କେବଳ ସ୍ଥାନୀୟ ଶିଳ୍ପ ପାଇଁ ସଂଯୋଗକୁ ଉନ୍ନତ କରିବ ନାହିଁ ବରଂ ଏହି ଅଞ୍ଚଳକୁ ଏକ ପ୍ରମୁଖ ଅର୍ଥନୈତିକ କେନ୍ଦ୍ର ଭାବରେ ପରିଣତ କରିବ । ଏହି ପ୍ରକଳ୍ପ ଆକାଂକ୍ଷୀ ଜିଲ୍ଲାମାନଙ୍କରେ ସଂଯୋଗ ବୃଦ୍ଧି, ପର୍ଯ୍ୟଟନକୁ ପ୍ରୋତ୍ସାହିତ କରିବା ଏବଂ ଏହି ଅଞ୍ଚଳର ଅଭିବୃଦ୍ଧିରେ ଦେଶର ସାମଗ୍ରିକ ପ୍ରଗତିରେ ଉଲ୍ଲେଖନୀୟ ଯୋଗଦାନ ଦେବାକୁ ସ୍ଥିର ହୋଇଛି । ସୂଚନା ଯୋଗ୍ୟଯେ ବିରୋଧ କରିଥିଲା ପୂର୍ବତନ ବିଜେଡି ସରକାର ରାୟଗଡା ପାଇଁ ନୂଆ ରେଳ ଡିଭିଜନକୁ ସ୍ବାଗତ କରିବା ସହ ଓ୍ଵାଲଟିଅର୍ ଡିଭିଜନକୁ ଭାଙ୍ଗି ଏହାର ସିଂହ ଭାଗ ଇଷ୍ଟକୋଷ୍ଟ ରେଲୱେ ଜୋନରୁ କାଢିନେବାକୁ ଅଭିଯୋଗ ଆଣି ବିରୋଧ କରିଥିଲା ବିଜେଡି ସରକାର । ଇଷ୍ଟକୋଷ୍ଟ ରେଲୱେ ଜୋନ ପ୍ରମୁଖ ରାଜସ୍ବ ପ୍ରଦାନ କରି ଆସୁଥିବାବେଳେ କେବଳ ଆନ୍ଧ୍ରକୁ ଖୁସି କରିବା ପାଇଁ ଏଭଳି ନିଷ୍ପତ୍ତି ନିଆଯାଇଛି ବୋଲି ବିଜେଡି ଅଭିଯୋଗ କରିଥିଲା । ”ପୂର୍ବତଟ ରେଳ ଡିଭିଜନକୁ ମିଶାଇ ଦେଶରେ ୧୭ ଟି ଡିଭିଜନ ରହିଥିବା ବେଳେ ରାୟଗଡ଼ାକୁ ମିଶାଇ ବର୍ତ୍ତମାନ ୧୮ ଟି ଡିଭିଜନ ରହିଛି, ୧୦ କ୍ଷତିରେ ଚାଲୁଛି । ବାକି ୭ ରୁ ସବୁଠାରୁ ଅଧିକ ଲାଭ ଦେଉଛି ପୂର୍ବତଟ ରେଳବାଇ। ୪୭ ଟଙ୍କା ଖର୍ଚ୍ଚ କଲେ ୧୦୦ ଟଙ୍କା ମିଳୁଛି, ହେଲେ ଅନ୍ୟ ଡିଭିଜନ ୧୦୭ ଖର୍ଚ୍ଚ କଲେ ୧୦୦ ଟଙ୍କା ଲାଭ ମିଳେ । କେନ୍ଦ୍ର ଆଞ୍ଚଳିକ ବୈଷମ୍ୟର ଦାଉ ସାଜୁଛନ୍ତି ଓଡ଼ିଶାକୁ । ରେଲୱେ ହେଉଛି ଜାତୀୟ ସମ୍ପତ୍ତି ,ଏହାକୁ ନେଇ ଦେଶରେ କେବେ ବିଭାଜନ ହୋଇନାହିଁ । ଯାହାର ରେଲୱେ ଲାଇନ, ସେ ମାଲିକ। ଭାଇଜାଗ ଯାଏଁ ଯେତେ ରେଳ ଲାଇନ ବିଛା ଯାଇଛି, ତାହା ପୂର୍ବତଟ ରେଳ କରିଛି । ହେଲେ ଏବେ ମାଲିକାନା ଓଡ଼ିଶାରୁ ଛଡାଇ ଦିଆଯାଉଛି । ୱାଲଟିଅର ଡିଭିଜନ ୨୦୨୩ ମସିହାରେ ୨୦ ହଜାର ୩୦୦ କୋଟି ରାଜସ୍ୱ ଦେଇଛି । ରାୟଗଡା ରେଲ ଡିଭିଜନ ର ପ୍ରଥମ ଡି ଆର ଏମ ଭାବେ ନିଯୁକ୍ତ ଅମିତାଭ ସିଂଘାଲ l କୁ ନିଯୁକ୍ତି ଦେଇଥିବା ରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରେଲ ମନ୍ତ୍ରୀ ଅଶ୍ୱିନୀ ବୈଷ୍ଣବ ଙ୍କୁ ରାୟଗଡ ୟୁବ ବିକାଶ ପରିଷଦ ର ଆବାହକ ଶିବାଜୀ ଦାସ ଙ୍କ ସହିତ ରାୟଗଡା ଟ୍ରକ ମାଲିକ ସଂଘ ସଭାପତି ତଥା ବରିଷ୍ଠ ବିକେଡ଼ି ନେତା କୋଣ୍ଡା ବାବୁ ଧନ୍ୟବାଦ ଜଣାଇଛନ୍ତି lରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ
