ରାସ୍ତା ଦୁର୍ଘଟଣା ରେ ଯୁବକ ଗୁରୁତର।
ହିଞ୍ଜିଳି ସହର ଆର୍ ଏମ୍ ସି ଛକ ରାସ୍ତା ମଝି ଡିଭାଇଡର୍ କୁ ଧକ୍କା ଦେଇ ଆକାଶ ବେହେରା ନାମରେ ଜଣେ ଯୁବକ ଗୁରୁତର ଆହତ ହୋଇ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଚିକତ୍ସିତ ହେଉଛି। ଆହତ ଯୁବକ ହିଞ୍ଜିଳିକାଟୁ ରୁ ବ୍ରହ୍ମପୁର ଅଭିମୁଖେ ଓଡି ୦୭ ଏ ଏମ୍ ୩୪୫୪ ବିଶିଷ୍ଟ ମୋଟରସାଇକେଲ ଯୋଗେ ଯାଉଥିବା ବେଳେ ଉକ୍ତ ଛକର ଡିଭାଇଡର୍ କୁ ଧକ୍କା ଦେଇ ରାସ୍ତାକଡ଼ ପାଚେରୀ ଘୋଷାରି ହୋଇ ଗୁରୁତର ଆହତ ହୋଇ ତଳେ ପଡ଼ିଥିବା ବେଳେ ଉପସ୍ଥିତ କିଛି ଲୋକ ଆମ୍ବୁଲାନ୍ସ ଯୋଗେ ହିଞ୍ଜିଳି ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ଅବସ୍ଥା ଗୁରୁତର ହେବାରୁ ଆକାଶକୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ମୋଟରସାଇକେଲ କୁ ଉଦ୍ଧାର କରି ଗୁରୁତର ଆକାଶର ମନ୍ତବ୍ୟ ଗ୍ରହଣ କରିଛନ୍ତି। ସୁଚନା ଅନୁଯାୟୀ ଜଣାପଡିଛି ଯେ ଦୁର୍ଘଟଣା ପୁର୍ବରୁ ଆକାଶ ଦୁଇଟି ଗାଡ଼ିକୁ ଧକ୍କା ଦେଇ ଏଇଠି ଆସି ଦୁର୍ଘଟଣାର ସମ୍ମୁଖିନ ହେବା ସହ ଗୁରୁତର ଆହତ ହୋଇଛି।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ!
