*ଯୁବ ଇଞ୍ଜିନିୟରଙ୍କ ପରଲୋକ, ଗାଁରେ ଶୋକାକୁଳ ପରିବେଶ*
ନୂଆପଡା 22 5 2024 , (ଓମ୍ ପ୍ରକାଶ ଚୌଧୁରୀ)ନୂଆପଡା ଜିଲ୍ଲା ଖଡ଼ିଆଳ ବ୍ଲକ ସାନମହେଶ୍ୱର ପଞ୍ଚାୟତର କୁଲିଗାଁ ଗ୍ରାମର ଯୁବ ଇଞ୍ଜିନିୟର ପ୍ରଫୁଲ୍ଲ ଶବରଙ୍କର ଆଜି ସକାଳେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୪୦ ବର୍ଷ ବୟସ ହୋଇଥିଲା। ଆଜି ସକାଳ 8 ଟା ସମୟରେ ହଟାତ ଯନ୍ତ୍ରଣା ଅନୁଭବ କରିବାରୁ ପରିବାର ଲୋକେ ତାଙ୍କୁ ପ୍ରଥମେ ଖଡ଼ିଆଳ ସ୍ଥିତ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ହେଲେ ଅବସ୍ଥା ଗୁରୁତର ହେବାରୁ ଡାକ୍ତରଙ୍କ ପରାମର୍ଶ କ୍ରମେ ତାଙ୍କୁ ମିଶନ ଡ଼ାକ୍ତରଖାନାରେ ଭର୍ତ୍ତି କରିଥିଲେ। ହେଲେ ମିଶନ ଡ଼ାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଛି। ତାଙ୍କର ମୃତ୍ୟୁ ଖବର ପାଇ ଗ୍ରାମ ତଥା ଚିହ୍ନା ମହଲରେ ଗଭିର ଶୋକ ପ୍ରକାଶ ପାଇଛି। ସ୍ବର୍ଗତ ଶ୍ରୀ ପ୍ରଫୁଲ୍ଲ ଶବର ଦିର୍ଘବର୍ଷରୁ ଏକ ବେସରକାରୀ ଅନୁଷ୍ଠାନରେ ଇଞ୍ଜିନିୟର ଭାବରେ କାର୍ଯ୍ୟରତ ଥିଲେ। ତାଙ୍କର ସ୍ତ୍ରୀ ନିନୀ ଓ ୨ ପୁଅ ଅଛନ୍ତି। ଗ୍ରାମ ଶ୍ମଶାନରେ ତାଙ୍କର ଦାହ ସଂସ୍କାର କରଯାଇଥିଲା।
