ମୋବାଇଲ ଟାଓ୍ବାର ନାହିଁ, ବିଭିନ୍ନ କାର୍ଯ୍ୟରେ ହେଉଛି ସମସ୍ୟା ଜିଲ୍ଲାପାଳଙ୍କ ଦ୍ବରସ୍ଥ ହେଲେ ବାରଡଙ୍ଗ ଗ୍ରାମବାସୀ ।
ଆର,ଉଦୟଗିରି(ମନୋଜ କୁମାର ପାଢୀ)- ଗଜପତି ଜିଲ୍ଲା ନୁଆଗଡ ବ୍ଳକ ଅନ୍ତର୍ଗତ ତାବରଡା ପଞ୍ଚାୟତ ବାରଡାଙ୍ଗ ଗ୍ରାମର ଗ୍ରାମବାସୀ ପଞ୍ଚାୟତରେ ମୋବାଇଲ ଟାଓ୍ବାର ନିର୍ମାଣ କରିବାକୁ ଦାବି କରିଥିଲେ । ଏନେଇ ସେମାନେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଥିଲେ । ପୂର୍ବତନ ସରକାରଙ୍କ ସମୟରେ ତାବରଡାରେ ଏକ ମୋବାଇଲ ଟାଓ୍ବାର ନିର୍ମାଣ ପାଇଁ ଅନୁମୋଦିତ ଥିଲା । ଏହି ଟାଓ୍ବାର ଏପର୍ଯ୍ୟନ୍ତ ବସିପାରିଲା ନାହିଁ । ଟାଓ୍ବାର ନ ଥିବା ହେତୁ ବିଭିନ୍ନ କାର୍ଯ୍ୟରେ ଏବଂ ପିଲାଙ୍କ ପାଠପଢାରେ ମଧ୍ୟ ବାଧା ସୃଷ୍ଟି ହେଉଛି । ଏହି ପଞ୍ଚାୟତରେ ଅନେକ ସରକାରୀ ଓ ବେସରକାରୀ କାର୍ଯ୍ୟାଳୟ ରହିଛି । ମୋବାଇଲ ଟାଓ୍ବାର ନ ଥିବାରୁ ନେଟ୍ଓ୍ବର୍କ ସମସ୍ୟା ଯୋଗୁଁ କୌଣସି କାର୍ଯ୍ୟ ସୁବିଧାରେ ହୋଇପାରୁନାହିଁ । ଏହି ଅବସରରେ ଗ୍ରାମବାସୀ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଥିଲେ ।
