ମିଡ଼ିଆ ଫୋରମ ଓ ପିପୁଲସ ଫୋରମ ତରଫରୁ ବିଧାୟକ ଙ୍କୁ ସମ୍ବର୍ଦ୍ଧନା…
କନ୍ଧମାଳ -17/07(ରିପୋର୍ଟ କୁନା ଦିଗାଲ )କନ୍ଧମାଳ ମିଡ଼ିଆ ଫୋରମ ଓ କନ୍ଧମାଳ ପିପୁଲସ ଫୋରମ ପକ୍ଷରୁ ସ୍ଥାନୀୟ ସର୍କିଟ ହାଉସ ଠାରେ ନବ ନିର୍ବାଚିତ ଫୁଲବାଣୀ ବିଧାୟକ ଉମା ଚରଣ ମଲି କ ଙ୍କୁ ପୁଷ୍ପ ଗୁଚ୍ଛ ଓ ଉପଢୌକନ ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା lଏଥିସହ ଫୁଲବାଣୀ ସହର ସମେତ ଜିଲ୍ଲାର ଥିବା ଜବରଦଖଲ ମାମଲା ର ସ୍ଥାୟୀ ସମାଧାନ ଓ ରାଜ୍ୟ ସରକାରଙ୍କ ଅତରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ ଗତ ୬ ତାରିଖ ଦିନ ଜବରଦଖଲ ଉଛେଦନେଇ ଜିଲ୍ଲାପାଳ ଙ୍କୁ ଦେଇଥି ବା କାର୍ଯ୍ୟ ସ୍ଥଗିତ ରଖିବା ଓ ଅନ୍ୟାନ୍ୟ ସମସ୍ୟା ସମ୍ପର୍କରେ ସଙ୍ଘ ର ସଦସ୍ୟ ମାନେ ଆଲୋଚନା କରିବା ସହ ସ୍ମାରକ ପତ୍ର ପ୍ରଦାନ କରାଯାଇଥିଲା lବରିଷ୍ଠ ସାମ୍ବାଦିକ ତଥା ପ୍ରେସ କ୍ଲବ ସଭାପତି ସୁନୀଲ ପଟନାୟକ,କନ୍ଧମାଳ ପିପୁଲସ ଫୋରମ ପକ୍ଷରୁ ଅଧ୍ୟକ୍ଷ ତଥା ସାମ୍ବାଦିକ ରାଧା ମୋହନ ମହାପାତ୍ର, ମିଡ଼ିଆ ଫୋରମ ସଭାପତି ତଥା ସମାଜସେବୀ ସନ୍ତୋଷ ଡିଗାଲ, ସାମ୍ବାଦିକ ବଦ୍ୟନାଥ ବେହେରା, ରଂଜିତ ବେହେରା, ସଞ୍ଜୟ ପାତ୍ର, ସୁଧୀର ମହାରଣା, ଲଳିତ ନାୟକ, ଅଚ୍ୟୁତ ମଳିକ, ଶିବ ନାୟକ ଅବସରପ୍ରାପ୍ତ ରେଳ ବିଭାଗ ଅଧିକ୍ଷକ ଦିଲୀପ ନାୟକ ପ୍ରମୁଖ ଆଲୋଚନା ଙ୍କ ସହ ଆଲୋଚନା କରିବା ସହ ଘରଭଙ୍ଗା କାର୍ଯ୍ୟ କୁ ସ୍ଥଗିତ ରଖିବାଲାଗି ଦାବୀ କରିଥିଲେ llବିଧାୟକ ମଲିକ ଆମ ସରକାର ଲୋକଙ୍କ ସରକାର ଆଉ ଲୋକଙ୍କ ସ୍ୱାର୍ଥ ରକ୍ଷା ଦିଗରେ କାର୍ଯ୍ୟ କରିବ ବୋଲି କହିବା ସହ ଏ ନେଇ ସେ ମୁଖ୍ୟମନ୍ତ୍ରୀ ଓ ରାଜସ୍ବ ମନ୍ତ୍ରୀ ଙ୍କ ସହ ଆଲୋଚନା କରି ପଦକ୍ଷେପ ନେବେ ବୋଲି ପ୍ରତିଶୃତି ଦେଇଥିଲେ lଆଲୋଚନା ବେଳେବିଜେପି ର ବରିଷ୍ଠ ନେତା ସଂଜିତ ମଣ୍ଡଳ, ରମେଶ ମହାନ୍ତି ମଧ୍ୟ ଉପସ୍ଥିତ ଥିଲେ l
