ମା ଓ ଶିଶୁକୁ ଧକ୍କା ଦେଲା ଡାଲା ଅଟୋ, ମା ମୃତ l
ଆର,ଉଦୟଗିରି – (ମନୋଜ କୁମାର ପାଢୀ) ସଉଦା କିଣିବାକୁ ଯାଉଥିବାବେଳେ ମା ଓ ଶିଶୁକୁ ଧକ୍କା ଦେଲା ଡାଲା ଅଟୋ,ଘଟଣା ସ୍ଥଳରେ ମାର ମୃତ୍ୟୁ ହୋଇଛି, ଏଭଳି ଏକ ଦୁର୍ଘଟଣା ଘଟିଛି ଗଜପତି ଜିଲ୍ଲା ଆର ଉଦୟଗିରି ଥାନା ଅନ୍ତର୍ଗତ ତରାବଙ୍ଗ ଗାଁରେ, ଗାଁର 35 ବର୍ଷୀୟା ପାର୍ବତୀ ନାୟକ ନାମକ ଏକ ମହିଳା ନିଜ ଏକ ବର୍ଷର କୁନି ଝିଅକୁ ଧରି ସଉଦା କିଣିବା ପାଇଁ ଗାଁ ଠାରେ ଥିବା ଏକ ଦୋକାନକୁ ଯାଉଥିବା ବେଳେ OD20K2283 ନମ୍ବରର ଏକ ଡାଲା ଅଟୋ ବିପରୀତ ଦିଗରୁ ଆସି ପାର୍ବତୀଙ୍କୁ ଧକା ଦେଇଥିଲା ଯାହା ଫଳରେ ପାର୍ବତୀ ଆହତ ହୋଇ ତଳେ ପଡି ଯାଇଥିଲେ ।ଘଟଣା ସ୍ଥଳରୁ ଗାଡି ଡ୍ରାଇଭର ଗଞ୍ଜାମ ଜିଲ୍ଲା ପେଣ୍ଠା ଗ୍ରାମର ଅରୁଣ ଗୌଡ଼ ଫେରାର ହୋଇଯାଇଛି, ସ୍ଥାନୀୟ ଲୋକେ ଆର ଉଦୟଗିରି ସ୍ୱାସ୍ଥ୍ୟକେନ୍ଦ୍ର କୁ ନେଇ ଥିଲେ ହେଲେ ତାଙ୍କର ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣି ଥିଲେ ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ, ହେଲେ କିନ୍ତୁ ଶିଶୁର ସ୍ୱାସ୍ଥ୍ୟ ଅବସ୍ଥା ଭଲ ଥିବାନେଇ ଡାକ୍ତର କହିଛନ୍ତି lଘଟଣା ସ୍ଥଳେ ଆର ଉଦୟଗିରି ପୋଲିସ ପହଂଚି ବ୍ରହ୍ମପୁର ବଡ଼ ମେଡିକାଲ କୁ ଆଜି ଦିନ ୧୨ ଘଣ୍ଟ ସମୟରେ ଶବ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣା ର ଅଧିକ ତଦନ୍ତ କରୁଛି।
