ମାକ୍ସପିକ୍ଅପ୍ ଦୁର୍ଘଟଣାରେ ୪ମୃତ ସହ ୧୮ ଗୁରୁତ ।
ଗଜପତି ଜିଲ୍ଲା ଚନ୍ଦ୍ରଗିରି ଫାଣ୍ଡି ନିକଟ ଚିଟିଙ୍ଗି ଘାଟିରେ ବୁଧବାର ମେକ୍ସ ପିକ୍ଅକ୍ ଭ୍ୟାନ୍ ଦୁର୍ଘଟଣା ଘଟି ୪ଜଣଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ୨ ମହିଳାଙ୍କ ମୃତ୍ୟୁ ଘଟିଥିବା ବେଳେ ବ୍ରହ୍ମପୁର ବଡ ମେଡିକଲରେ ଜଣେ ମହିଳା ଓ ଜଣେ ପୁରୁଷ ଯାତ୍ରୀଙ୍କ ଜୀବନ ଚାଲିଯାଇଛି । ମୋହନା ଥାନା ଅଞ୍ଚଳର ଏକ ଶୁଦ୍ଧିକ୍ରିୟା ଭୋଜିରେ ଯୋଗଦେବାକୁ ରାମଗିରି ଥାନାର କେକେସିଂ ଗ୍ରାମରୁ ମେକ୍ସ ପିକ୍ଅପ୍ ଭ୍ୟାନ (ନଂ ଓଡି୦୫ଏଏ ୯୬୭୬) ରେ ପ୍ରାୟ ୪୦ ଜଣ ଧରି ମୋହନା ଥାନା ଅନ୍ତର୍ଗତ ଘାଇବାଲି ଗ୍ରାମକୁ ଆସୁଥିଲେ । ଚିଟିଙ୍ଗ ଘାଟି ରେ ଭ୍ୟାନଟି ଭାରସାମ୍ୟ ହରାଇ ରାସ୍ତା ଉପରେ ଦୁର୍ଘଟଣା ଘଟିଥିଲା । ଫଳରେ ଯାତ୍ରିମାନେ ଗୁରୁତର ଆହତ ହୋଇଥିଲେ । ସମସ୍ତଙ୍କୁ ଡାଲାଗାଡି ଓ ୧୦୮ ଆମ୍ବୁଲାନ୍ସରେ ଚନ୍ଦ୍ରଗିରି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା । ସେଠାରେ ରାମଗିରି ଥାନା କେକେସିଂ ଗ୍ରାମର ବାସନ୍ତୀ ଭୂୟାଁ(୬୫) ଓ ଚନ୍ଦ୍ରମା ଭୂୟାଁ (65)ଙ୍କୁ ଡାକ୍ତର ମୃତ ଘୋଷଣା କରିଥିଲେ । ଅବସ୍ଥା ସଙ୍କଟପୂଣ୍ଣ ଥିବାରୁ ୧୬ ଜଣ ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ମେଡିକଲକୁ ପଠାଯାଇଥିବା ଡାକ୍ତର ସୁଚନା ଦେଇଛନ୍ତି। ବ୍ରହ୍ମପୁର ବଡ ମେଡିକଲରେ ଚିକିତ୍ସାଧୀନ ଅବସ୍ଥାରେ ରାଧା କୁଡୁମ୍ବା(52) ଏବଂ ହରିବନ୍ଧୁ ଗମାଙ୍ଗ(60)ଙ୍କ ମୃତ ଘଟିଛି । ଦୁର୍ଘଟଣା ସ୍ଥୁଳରେ ଚନ୍ଦ୍ରଗିରି ପୁଲିସ ପହଞ୍ଚି ଦୁର୍ଘଟଣା ହୋଇଥିବା ପିକ୍ଅପ୍ ଭ୍ୟାନକୁ ଜବତ କରିବା ସହ ଅଧିକ ତଦନ୍ତ କରୁଛି । ଏ ନେଇ ମୋହନା ଥାନାରେ ନଂ ୨୨୯/୨୪ରେ ମାମଲା ରୁଜୁ ହୋଇଛି ।
