ବିଧାୟକଙ୍କ ରାଶିନାଜୁ ବିଦ୍ୟାଳୟରେ 75 ତମ ବନ ମହୋତ୍ସବ ପାଳନ……
କନ୍ଧମାଳ : (ରିପୋର୍ଟ କୁନା ଦିଗାଲ )ଟିକାବାଲି ବ୍ଲକ ଅନ୍ତର୍ଗତ ପାଡ଼ାଙ୍ଗି ପଞ୍ଚାୟତ ର ରାଶିନାଜୁ ଉଚ୍ଚ ପ୍ରାଥମିକ ବିଦ୍ୟାଳୟ କୁ 75ତମ ବନ ମହୋତ୍ସବ ପାଳନ ଅବସରରେ ଘୁ. ଉଦୟଗିରି ବିଧାୟକ ଶ୍ରୀଯୁକ୍ତ ପ୍ରଫୁଲ କୁମାର ପ୍ରଧାନ ପରିଦର୍ଶନ କରିଛନ୍ତି l ବିଧାୟକଙ୍କୁ ରାଶିନାଜୁ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ରାଜପତି ମଲ୍ଲିକ,ପାଡାଙ୍ଗି ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀଯୁକ୍ତ ଅରବିନ୍ଦ ମହାପାତ୍ର, ବରିଷ୍ଠ ଶିକ୍ଷକ ହେମନ୍ତ ପ୍ରଧାନ, ଗଗନ ବିହାରୀ ପାତ୍ର, ଶିକ୍ଷୟିତ୍ରୀ ପୁନମ ପ୍ରଧାନ, ଅର୍ଚନା ପ୍ରଧାନ ଓ ବିଦ୍ୟାଳୟ ର ସମସ୍ତ କର୍ମଚାରୀ ପୁଷ୍ପଗୁଚ୍ଛ ସହ ଉତ୍ତରୀୟ ପ୍ରଦାନ କରି ବିଦ୍ୟାଳୟ କୁ ସ୍ୱାଗତ ଜଣାଇଥିଲେ I ତତ୍ପରେ ବିଦ୍ୟାଳୟ ର ଶିକ୍ଷାର୍ଥୀ ଗହଣ ରେ ବିଧାୟକ ମହୋଦୟ ଉପସ୍ଥିତ ରହି ବହୁମୂଲ୍ୟ ଅଭିଭାଷଣ ପ୍ରଦାନ କରିଥିଲେ | ପିଲାଙ୍କୁ ଶିକ୍ଷା କ୍ଷେତ୍ରରେ ଉନ୍ନତି କରିବା ପାଇଁ କହିଥିଲେ ଓ ନିଜକୁ ପ୍ରଥମେ ଉଚିତ ମାର୍ଗରେ ପରିବର୍ତ୍ତନ କର ଭବିଷ୍ୟତ ନିଶ୍ଚୟ ଉଜ୍ଜଳମୟ ହୋଇପାରିବ କହିଥିଲେ | ଏହାପରେ ବିଦ୍ୟାଳୟ ବଗିଚାରେ କିଛି ବୃକ୍ଷରୋପଣ କରି 75ତମ ବନ ମହୋତ୍ସବ ପାଳନ କରାଯାଇଥିଲା l ବିଦ୍ୟାଳୟ ର ବିଭିନ୍ନ ଆନୁସଙ୍ଗିକ ଭିତ୍ତିଭୂମି ର ଉନ୍ନତି ପାଇଁ ଶତପ୍ରତିଶତ ସହଯୋଗ କରିବେ ବୋଲି ଆଶ୍ୱାସନା ଦେଇଥିଲେ l କାର୍ଯ୍ୟକ୍ରମ ର ଅନ୍ତିମ କ୍ଷଣ ରେ ପାଡ଼ାଙ୍ଗୀ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀଯୁକ୍ତ ଅରବିନ୍ଦ ମହାପାତ୍ର ବିଧାୟକ ମହୋଦୟ ଙ୍କୁ ଧନ୍ୟବାଦ ଜଣାଇ କାର୍ଯ୍ୟକ୍ରମ ର ସଭାସାଙ୍ଗ କରିଥିଲେ l
