ଆସନ୍ତା ୧୩ ତାରିଖରେ ଭୋଟ ଗ୍ରହଣ ଥିବା ବେଳେ ଖଡ଼ିଆଳ ବିଧାନସଭା ମଣ୍ଡଳୀରେ ଆଜି ବିଜେଡ଼ି ର ପ୍ରଚାର ପାଇଁ ମଇଦାନକୁ ଓହ୍ଲାଇଛନ୍ତି ଓଲିଉଡ ଷ୍ଟାର ସବ୍ୟସାଚୀ ଓ ଅର୍ଚ୍ଚିତା।
ନୂଆପଡା ଜିଲ୍ଲା( ଓମ ପ୍ରକାଶ ଚୌଧୁରୀ ) ଖଡ଼ିଆଳ ଠାରୁ ଏକ ଖୋଲା ଗାଡ଼ି ରେ କଳାହାଣ୍ଡି ସାଂସଦ ପ୍ରାର୍ଥୀ ଲମ୍ବୋଦର ନିଆଲ ଓ ଖଡ଼ିଆଳ ବିଧାୟକ ପ୍ରାର୍ଥୀ ଅଧିରାଜ ପାଣିଗ୍ରାହୀଙ୍କ ସହ ଦୁହେଁ ଖଡ଼ିଆଳ ନିର୍ବାଚନ ମଣ୍ଡଳୀର ଖଡ଼ିଆଳ, ବୋଡ଼େନ ଓ ସିନାପାଲି ସହର ସମେତ ପ୍ରାୟ ପଚାଶ ଖଣ୍ଡ ଗାଁ ଶୋଭାଯାତ୍ରା କରିଥିଲେ। ତାଙ୍କ ସହ ଏକ ବିରାଟ ବାଇକ୍ ରାଲି ବୁଲିଥିଲା।
ଉଭୟ ଷ୍ଟାର ଦମ୍ପତି ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନ ଯୋଜନାକୁ ଦୃଷ୍ଟିରେ ରଖି ରାଜ୍ୟର ବିକାଶ ଧାରା କୁ ଆଗେଇ ନେବାକୁ ପୁଣିଥରେ ବିଜେଡ଼ି ସରକାରକୁ ଭୋଟ ଦେବାକୁ ଅପିଲ କରିଥିଲେ। ଉଭୟଙ୍କୁ ଦେଖିବାକୁ ଲୋକଙ୍କ ଭିତରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା। ରାଜ୍ୟ ସରକାର ଲୋକଙ୍କ ବିକାଶ ପାଇଁ ଅନେକ ଯୋଜନା କରିଛନ୍ତି ଓ ଲୋକେ ପୁଣି ଥରେ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କୁ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ଭାବରେ ଦେଖିବାକୁ ଚାହାନ୍ତି ବୋଲି ଉଭୟ ପ୍ରାର୍ଥୀ ପ୍ରକାଶ କରିଥିଲେ ଓ ଷ୍ଟାର ପ୍ରଚାର ଦ୍ଵାରା ବିଜେଡ଼ି ର ଭୋଟ ପ୍ରତିଶତ ବୃଦ୍ଧି ପାଇବା ସହ ସେମାନେ ବହୁତ୍ ଭୋଟ ବ୍ୟବଧାନରେ ବିଜୟୀ ହେବେ ବୋଲି ଆଶା ପୋଷଣ କରିଥିଲେ। ଶୋଭାଯାତ୍ରାରେ ବିଜେଡ଼ି ପର୍ଯ୍ୟବେକ୍ଷକ ଉଦ୍ଧବ ବେହେରା ଅନବେଶ ତୀର୍ବେଦୀ ଆୟୁଷ ପ୍ରମୁଖ ସାମିଲ ହୋଇଥିଲେ।
