ବାରହା ଆକ୍ରମଣ ରେ ବୃଦ୍ଧାଙ୍କ ଜୀବନ ଦୀପ ଲିଭିଗଲା।
ଗଞ୍ଜାମ:ଛତ୍ରପୁର ଥାନା ଅନ୍ତର୍ଗତ ପୋଟଲାମପୁର ଗ୍ରାମରେ ଏକ ଅଭାବନୀୟ ଘଟଣା ଘଟି ଶୋଭା ତରାଇ ନାମ୍ନୀ ଜଣେ ବୃଦ୍ଧାଙ୍କ ର ମୃତ୍ୟୁ ଘଟିଛି। ମୃତ ବୃଦ୍ଧା ଜଣକ ନିଜ ଜମି ର ଧାନ ଫସଲ ଦେଖିବାକୁ ଯାଇଥିବାବେଳେ ବାରହା ଆକ୍ରମଣ ର ଶୀକାର ହୋଇଛନ୍ତି ଓ ବହୁତ ସମୟ ପର୍ଯ୍ୟନ୍ତ ଘରକୁ ନ ଫେରିବାରୁ ଘର ଲୋକ ଖୋଜି ବିଲ ନିକଟକୁ ଯାଇ ଦେଖିଲା ବେଳକୁ ସେ ରକ୍ତାକ୍ତ ଅବସ୍ଥାରେ ସେଇଠି ପଡ଼ିଥିଲେ। ପରିବାର ଲୋକେ ଉକ୍ତ ବୃଦ୍ଧାଙ୍କୁ ଏକ ଗାଡ଼ି ଯୋଗେ ଛତ୍ରପୁର ଡାକ୍ତରଖାନାକୁ ନେଇଥିଲେ ଓ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପୋଲିସ ଡାକ୍ତରଖାନାରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି।
