ବଳାତ୍କାର ଅଭିଯୁକ୍ତ କୁ ସୁରାଟ୍ ରୁ ଉଠାଇ ଆଣିଲେ ବେଗୁନିଆ ପଡ଼ା ପୋଲିସ।
ଗଞ୍ଜାମ:ଗତ ଜୁନ୍ ମାସରେ ବେଗୁନିଆ ପଡ଼ା ଥାନା ଅନ୍ତର୍ଗତ ତାଳସର ପଞ୍ଚାୟତର ଜନୈକା ମହିଳାଙ୍କୁ ପୁରୁଷୋତ୍ତମପୁର ଥାନା ଅନ୍ତର୍ଗତ ରୁଷିପୁର ଗ୍ରାମର ମୁନା ଗୌଡ଼ ନାମକ ଜଣେ ଯୁବକ ବଳାତ୍କାର ଓ ଦୁଷ୍କର୍ମ କାର୍ଯ୍ୟ କରି ଘଟଣା ଦିନ ଠାରୁ ଫେରାର ସୋଇଯାଇଥିଲା। ପୀଡ଼ିତା ମହିଳାଙ୍କ ଅଭିଯୋଗ ଗ୍ରହଣ କରି ପୋଲିସ ମାମଲା ନଂ ୨୮୫/୨୦୨୪ ଅନୁଯାୟୀ ଏକ ମାମଲା ରୁଜୁ କରି ଘଟଣାର ଅନୁସନ୍ଧାନ ଚଳାଇଥିଲେ। ବର୍ତମାନ ନବ ନିଯୁକ୍ତ ଥାନା ଅଧିକାରୀ ସମିର ରାଉତଙ୍କ ନିର୍ଦ୍ଦେଶ କ୍ରମେ ଏସ୍ ଆଇ ଜଗଦୀଶ ପଣ୍ଡା ଓ ଅନ୍ୟାନ୍ୟ କର୍ମଚାରୀ ମାନେ ଗୁଜରାଟ ରାଜ୍ୟ ଶୀଳ୍ପ ନଗରୀ ସୁରାଟ୍ ସହର ରେ ଚଢାଉ କରି ଅଭିଯୁକ୍ତ ମୁନାକୁ କାବୁ କରି ସେଠାରୁ ଉଠାଇ ଆଣି ଥାନାରେ ଅଟକ ରଖି ଜେରା କରି ତାକୁ ଗିରଫ କରି କୋର୍ଟ ଚାଲାଣ କରିଛନ୍ତି।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ,,
