ବଡି ବିଲଡିଂ ରେ ମୋହନାର ଅସିତ ଦତ୍ତ ଙ୍କ ସଫଳତା ।

ବଡି ବିଲଡିଂ ରେ ମୋହନାର ଅସିତ ଦତ୍ତ ଙ୍କ ସଫଳତା । ଆର ଉଦୟଗିରି (ମନୋଜ କୁମାର ପାଢୀ)ବଡି ବିଲଡିଂ ରେ ଗଜପତି ଜିଲ୍ଲା ମୋହନା ର ଯୁବକ ଅସିତ ରଞ୍ଜନ ଦତ୍ତ ଅନେକ ସଫଳତା ହାସଲ କରିଛନ୍ତି l ମୋହନା ହାଇସ୍କୁଲ ଛକରେ ରହୁଥିବା ପ୍ରଶାନ୍ତ ଦତ୍ତ ଓ ଟିକିନା ଦତ୍ତଙ୍କ ସୁପୁତ୍ର ଅସିତ ଜଣେ ମେଧାବୀ ଛାତ୍ର l ମୋହନା ସରସ୍ବତୀ ଶିଶୁ ବିଦ୍ୟାମନ୍ଦିର ରେ ଦଶମ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରି ୨୦୧୭ ରେ ସଫଳତା ର ସହ ଉତ୍ତୀର୍ଣ୍ଣ ହୋଇଥିଲେ lଏହା ପରେ ମୋହନା ହିଲ୍ ଟପ୍ କଲେଜରେ ଯୁକ୍ତ ଦୁଇ ପଢିବା ପରେ ଭୁବନେଶ୍ୱର ଚାଲିଯାଇଥିଲେ l ସେଠାରେ ପାଠ ପଢିବା ସହ ତାଙ୍କର ସୁନ୍ଦର ସ୍ୱାସ୍ଥ୍ୟ ଥିବା ଯୋଗୁଁ ବଡି ବିଲଡିଂ ପ୍ରତି ଆଗ୍ରହ ହୋଇଥିଲା l ସେଥିପାଇଁ ସେ ପ୍ରତିଦିନ ଅଭ୍ୟାସ କରିଥିଲେ l ଭୁବନେଶ୍ୱର ରେ ବିଭିନ୍ନ ଅନୁଷ୍ଠାନ ପକ୍ଷରୁ ଆୟୋଜିତ ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତା ରେ ଅଂଶଗ୍ରହଣ କରି ସଫଳତା ହାସଲ କରିଥିଲେ l ଏହାପରେ ରାଜ୍ୟ ତଥା ରାଜ୍ୟ ବାହାରେ ମଧ୍ୟ ଆୟୋଜିତ ବଡି ବିଲଡିଂ ପ୍ରତିଯୋଗିତା ରେ ଅଂଶଗ୍ରହଣ କରିଛନ୍ତି l ଗତ ୧୯.୦୧.୨୫ ରେ ବଲାଙ୍ଗୀର ଜିଲ୍ଲା ରେ ଆୟୋଜିତ ଲଳିତ ନାୟକ ମେମୋରିଆଲ ପ୍ରତିଯୋଗିତା ରେ ଅଂଶ ଗ୍ରହଣ କରି ପ୍ରଥମ ସ୍ଥାନ ଅଧିକାର କରି ସ୍ବର୍ଣ୍ଣ ପଦକ ହାସଲ କରିଛନ୍ତି l ଏଥି ପୂର୍ବରୁ ଗତ ୪.୧.୨୫ ରେ ପଶ୍ଚିମବଙ୍ଗ କୋଲକାତା ରେ ଆୟୋଜିତ ପ୍ରତିଯୋଗିତା ରେ ଦ୍ୱିତୀୟ ସ୍ଥାନ ହାସଲ କରିଥିଲେ l ତାଙ୍କର ଏହି ସଫଳତା ରେ ବାପା, ମା, ପରିବାର ଖୁସି ବ୍ୟକ୍ତ କରିବା ସହ ମୋହନାବାସୀ ମଧ୍ୟ ଖୁସି ବ୍ୟକ୍ତ କରିଛନ୍ତି l ମୋହନା ଭଳି ଏକ ଉପାନ୍ତ ଅଞ୍ଚଳରୁ ଜଣେ ଯୁବକ ବଡି ବିଲଡିଂ ପ୍ରତି ଆଗ୍ରହ ପ୍ରକାଶ କରିବା ସହ ସଫଳତା ର ପାହାଚ ଚଢି ଚାଲିଛନ୍ତି।ଯେପରି କି ବଣ ମଧ୍ୟରୁ ମଲ୍ଲୀ ପୁଲ ଫୁଟିବା ଭଳି l ଆଗକୁ ଜାତୀୟ ଓ ଅନ୍ତର୍ଜାତୀୟ ସ୍ଥରରେ ଅଂଶଗ୍ରହଣ କରି ସଫଳତା ହାସଲ କରିବାପାଇଁ ଆଶା ରଖି କଠିନ ପରିଶ୍ରମ କରୁଥିବା କହିଛନ୍ତି ଅସିତ।