ଫିଲିମ୍ ଷ୍ଟାଇଲରେ ପିକାସି ଧରି ଚୋରୀ କରିବା ପାଇଁ ବୁଲେଟ ଆସିଥିଲେ ଚୋର ମାନେ।
ରାୟଗଡା ଜିଲ୍ଲା ଚାନ୍ଦୀଲି ଥାନା ଅନ୍ତର୍ଗତ ଥେରୁବାଲି ରେଳବାଇ ଷ୍ଟେସନ ରୋଡର ଲାଇସେନ୍ସ ପ୍ରାପ୍ତ ମଦ ଦୋକାନରେ ଗତ 05 ତାରିଖ ରାତି ପ୍ରାୟ 10 ଘଣ୍ଟା 40 ମିନିଟ ସମୟରେ ଚୋରି ଘଟଣା ଘଟାଇ ଥିବା 04 ଜଣ ଚୋରଙ୍କୁ ଗିରଫ କରି ତାଙ୍କ ନିକଟରୁ 02 ଲକ୍ଷ 50 ହଜାର ଟଙ୍କା ଓ ଗୋଟିଏ ବୁଲେଟ ଓ ପିକାଶି ଜବତ କରିଛି ଚାନ୍ଦୀଲି ଥାନା ଅଧିକାରୀ। ଏସ ଡି ପି ଓ ରଶ୍ମି ରଞ୍ଜନ ସେନାପତି ଏକ ସାମ୍ୱାଦିକ ସମ୍ମିଳନୀର ଆୟୋଜନ କରି ସେହି ଚୋରି ଘଟଣାର ସୁଚନା ପ୍ରଦାନ କରି କହିଥିଲେ ଯେ ଥେରୁବାଲି ରେଳବାଇ ଷ୍ଟେସନ ରୋଡ ମଦ ଦୋକାନର ମାଲିକ ଅନିଲ କୁମାରଙ୍କ ଅଭିଯୋଗ କୁ ଆଧାର କରି ଚାନ୍ଦୀଲି ଥାନା ଅଧିକାରୀ ଏକ ପୋଲିସ ଦଳ ଗଠନ କରି ତଦନ୍ତ ଚଳାଇ ଥିଲେ। 04 ଜଣ ଚୋର ଚଳିତ ମାସ 05 ତାରିଖ ରାତି ପ୍ରାୟ 10 ଘଣ୍ଟା 40 ମିନିଟ ସମୟରେ ମଦ ଦୋକାନର କର୍ମଚାରୀ ମାନେ ଖାଇବା ପାଇଁ ଯିବା ସମୟରେ ଫିଲ୍ଲିମ ଷ୍ଟାଇଲରେ ପିକାସି ଧରି ବୁଲେଟ ରେ ଆସି ସେମାନେ ପ୍ରଥମେ ମଦ ଦୋକାନର ମୁଖ୍ୟ ଦ୍ୱାରର ତାଲା ଏବଂ ଦୋକନର ପରିସରରେ ଥିବା କ୍ୟାସ ବାକ୍ସର ତାଲାକୁ ଜବରଦସ୍ତ ଭାଙ୍ଗି ପ୍ରବେଶ କରିଥିଲେ | ଦୋକାନ କ୍ୟାସ ବାକ୍ସରୁ 02 ଲକ୍ଷ 80 ହଜାର ଟଙ୍କା ଲୁଟ କରି ନେଇଥିଲେ। ଚୋର ମାନେ ହେଲେ ଆକାଶ ହିକୋକା, ରମାକାନ୍ତ କୁଲୁଶିକା, ପ୍ରଦୀପ ମେଲେକା, ଶିବା କାଡରକା ଚାରି ଜଣ ଚୋର ଚାନ୍ଦୀଲି ଥାନା ଅନ୍ତର୍ଗତ ଗେରାପୁଟ ଗ୍ରାମର ବାସିନ୍ଦା ମାନେ। ପୋଲିସ ସେମାନଙ୍କୁ ଗିରଫ କରି ତାଙ୍କ ନିକଟରୁ ନଗଦ ଦୁଇ ଲକ୍ଷ୍ ପଚାଶ ହଜାର ଟଙ୍କା ଓ ଗୋଟିଏ ପିକାଶି ଓ ଗୋଟିଏ ବୁଲେଟ ଜବତ କରି ସେମାନଙ୍କୁ କୋର୍ଟ ଚାଲାଣ କରାଯାଇଛି। ରାୟଗଡା ରୁ ପ୍ରଫୁଲ୍ଲ କୁମାର ବେହେରା ଙ୍କ ରିପୋର୍ଟ
