ପ୍ରଶାସନିକ ସେବାରେ ରାୟଗଡ଼ା ଜ଼ିଲ୍ଲା ରୁ ବାଜି ମାରିଲେ 9 ଜଣ , ଛୁଟୁଛି ଶୁଭେଚ୍ଛାର ସୁଅ
ରାୟଗଡ଼ା : ପ୍ରଶାସନିକ ସେବାରେ ରାୟଗଡ଼ା ଜିଲାରୁ 9 ଜଣ କୃତକାର୍ଯ୍ୟ ହୋଇଥିବା ଜଣାପଡ଼ିଛି। ସେମାନେ ହେଲେ ଦୀପାରାଣୀ ବେହେରା, ପଙ୍କଜ କୁମାର ମାଝୀ, ଲକ୍ଷେଶ୍ୱରୀ ମାଝୀ, ମହେଶ୍ୱର ପାଲକା, ଅନାଦି ଚରଣ ଶବର,ସୁନୀଲ କୁମାର କୀଲାକା, ବିନୋଦ ଶବର, ଦେବେନ୍ଦ୍ର ଶବର ଓ ସୁନୀଲ ଶବର । ରାୟଗଡ଼ା ସହର ଅନ୍ତର୍ଗତ ହାତୀପଥର ରୋଡ୍ର ରମେଶ ଚନ୍ଦ୍ର ବେହେରାଙ୍କ ଝିଅ ଦୀପାରାଣୀ ବେହେରା ୪୩୭ ନମ୍ବର ର଼୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି। ସେ ରାୟଗଡ଼ାଠାରେ ରାଜସ୍ବ ବିଭାଗରେ କନିଷ୍ଠ ସହାୟକ ଭାବେ କାର୍ଯ୍ୟରତ ଅଛନ୍ତ। କାଶୀପୁର ବ୍ଲକ ମଇଲିଗୁଡ଼ା ଗ୍ରାମର ପଙ୍କଜ କୁମାର ମାଝୀ ୬୬୨ ର଼୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି । ସେ ପୂର୍ବତନ ବିଧାୟକ ବିଭୀଷଣ ମାଝୀଙ୍କ ପୁଅ ଅଟନ୍ତି। ବର୍ତ୍ତମାନ ଓ ପୋଲିସ ବିଭାଗରେ ଡିଏସ୍ପି ଭାବେ ପଙ୍କଜ କାର୍ଯ୍ୟରତ ଅଛନ୍ତି। ସେହିଭଳି କାଶୀପୁର ବ୍ଲକ ମଇଲିଗୁଡ଼ା ଗ୍ରାମର ମଦନ ମାଝୀଙ୍କc ଝିଅ ଲକ୍ଷେଶ୍ୱରୀ ମାଝୀ ୬୪୭ ର଼୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି । ଏଣେ କୋଲନରା ବ୍ଲକ ଭୁଜବଳ ଗ୍ରାମର ମହେଶ୍ୱର ପାଲାକା ୪୫୦ ର଼୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି। ସେ ବର୍ତ୍ତମାନ ବ୍ରହ୍ମପୁର ସିଟି କଲେଜରେ ଅଧ୍ୟାପକ ଭାବେ କାର୍ଯ୍ୟରତ ଅଛନ୍ତି।ଏଣେ ଜିଲା କୃଷି କାର୍ଯ୍ୟାଳୟରେ ବରିଷ୍ଠ ସହାୟକ ଭାବେ କାର୍ଯ୍ୟରତ ଅନାଦି ଚରଣ ଶବର ୬୨୨ ର଼୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି। ତାଙ୍କ ଘର ରାମନାଗୁଡ଼ା ବ୍ଲକ ଅନ୍ତରଝୋଲି ଗ୍ରାମରେ ହୋଇଥିବା ବେଳେ ବାପା ହେଉଛନ୍ତି କେଶବ ଶବର। ପଦ୍ମପୁର ବ୍ଲକ ରେ କାର୍ଯ୍ୟରତ ସାମାଜିକ ସୁରକ୍ଷା ଅଧିକାରୀ ବିନୋଦ ଶବର ତୃତୀୟ ଚେଷ୍ଟା ଟେ 600 ରେଙ୍କ ରଖି କୃତକାର୍ଯ୍ୟ ହୋଇଛନ୍ତି lସେମାନେ କୃତକାର୍ଯ୍ୟ ହେବା ପରେ ପୂର୍ବତମ ଆଇନ ମନ୍ତ୍ରୀ ଜଗନ୍ନାଥ ସାରକା, ରାୟଗଡା ବିଧାୟକ ଆପଲସ୍ୱାମୀ କାଡ୍ରକା ଜ଼ିଲ୍ଲାପାଳ ପାରୁଲ ପଟୱାରୀ, ଅତିରିକ୍ତ ଜ଼ିଲ୍ଲାପାଳ ଭାସ୍କର ଚନ୍ଦ୍ର ରୋଇତ ଶୁଭେଚ୍ଛାଜଣାଇଛନ୍ତି ।ରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ
