ପୋଖରୀରେ ବୁଡି ଯୁବକ ର ମୃତ୍ୟୁ।
ଗଞ୍ଜାମ:ବ୍ରହ୍ମପୁର ସହର ଉପକଣ୍ଠ ତଥା ସଦର ଥାନା ଅର୍ନ୍ତଗତ ଗୁଣ୍ଠବନ୍ଧ ଗ୍ରାମ ର ମଶାଣି ପୋଖରୀ ରୁ ରମାକାନ୍ତ ନାୟକ ନାମରେ ଜଣେ ଯୁବକର ମୃତ ଦେହ କୁ ସଦର ପୋଲିସ ଓ ଅଗ୍ନିଶମ ବିଭାଗ କର୍ମଚାରୀମାନେ ଉଦ୍ଧାର କରିଛନ୍ତି।ଘଟଣା ରୁ ଜଣାପଡିଛି ଯେ ମୃତ ଯୁବକଙ୍କ ଘର ଜରଡା ଥାନା ଅର୍ନ୍ତଗତ ବି ତୁରୁବୁଡି ଗ୍ରାମରେ। ଗୁଣ୍ଠପଡା ଗ୍ରାମରେ ତା’ର ଶ୍ଵଶୁର ଘର। ଗତ ଶନିବାର ଦିନ ଶ୍ଵଶୁର ଘର କୁ ଆସିଥିଲା ଓ ଅପରାହ୍ନ ରେ ପୋଖରୀ କୁ ଗାଧୋଇବାପାଇଁ ଯାଇ ବିଳମ୍ବିତ ରାତି ପର୍ଯ୍ୟନ୍ତ ଘରକୁ ଫେରି ନଥିଲା।ଯାହା ଫଳରେ ପରିବାର ଲୋକେ ଖୋଜାଖୋଜି କରି ରମାକାନ୍ତ ର ଖବର ପାଇ ନଥିଲେ। ସକାଳୁ ତାର ଶବ ଭାସୁଥିବା ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଗ୍ନିଶମ ବାହିନୀର କର୍ମଚାରୀମାନଙ୍କ ଜରିଆରେ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ!
