ପାରଳାଖେମୁଣ୍ଡି ରେ ଜମିବାରେ ଲାଗିଛି ତରଭୁଜ ବେପାର ।

ପାରଳାଖେମୁଣ୍ଡି ରେ ଜମିବାରେ ଲାଗିଛି ତରଭୁଜ ବେପାର । ଆର,ଉଦୟଗିରି ( ମନୋଜ କୁମାର ପାଢୀ : ତରଭୁଜ ଖାଇ ତୃଷାର୍ତ୍ତ ତୃଷା ନିବାରଣ କରୁଛନ୍ତି । ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିରେ ଦିନକୁ ଦିନ ଖରାର ପ୍ରଭାବ ବୃଦ୍ଧି ପାଇବାରେ ଲାଗିଛି । ପଥଚାରୀଟିଏ ହେଉ ବା ସାଧାରଣ ଲୋକ ଟିଏ ହେଉ ତରଭୁଜ କିଣୁଥିବାର ଦେଖିବାକୁ ମିଳିଛି । ତଭୁଜରେ 92% ଜଳୀୟ ଅଂଶ ଥିବାରୁ ତରଭୁଜ ଖାଇଲେ ତୃଷା ନିବାରଣ ସାଙ୍ଗକୁ କ୍ଷୁଧା ନିବାରଣ କରିଥାଏ । ତରଭୁଜରେ ପ୍ରୋଟିନ, ଭିଟାମିନ A- B -C ,ଫାଇବର, ଆଇରନ,ପଟାସିୟମ , ଫସଫରସ ଭଳି ବିଭିନ୍ନ ପୋଷକତତ୍ତ୍ୱ ରହିଛି । ଲାଇକୋପିନ ଏକ ପଦାର୍ଥ ଏଥିରେ ଭରପୁର ମାତ୍ରାରେ ରହିଥିବାରୁ କ୍ୟାନସର ମାତ୍ରା କମାଇଥାଏ, ରକ୍ତହୀନତା ଦୂର କରିଥାଏ । ବ୍ୟବସାୟୀ ମାନେ ବିଭିନ୍ନ ଛକ ନିକଟରେ ଓ ରାସ୍ତା କଡରେ ତରଭୁଜ ବେପାର କରୁଥିବାର ଦେଖିବାକୁ ମିଳିଛି ! ଖରା ଯେତେ ବୃଦ୍ଧି ପାଇବ ରୋଜଗାର ସେତେ ଜମିବ ବୋଲି ବେପାରୀ ଆଶା ରଖିଛନ୍ତି । ଏହି ଋତୁ କାଳୀନ ବେପାରରେ ଦୁଇ ପଇସା ରୋଜଗାର କରିବା ଆଶାରେ କାଶୀନଗର ଓ ପଡୋଶୀ ଆନ୍ଧ୍ରପ୍ରଦେଶରୁ ତରଭୁଜ ଆଣି ବିକ୍ରି କରୁଛନ୍ତି ବୋଲି କହିଛନ୍ତି । ଖରା ଯେତେ ବଢିବ , ବେପାର ସେତେ ପରିମାଣରେ ବଢିବ ବୋଲି ବେପାରୀ ପ୍ରକାଶ କରିଛନ୍ତି । ବିଶେଷ କରି ଛାତ୍ର ଛାତ୍ରୀ , ସହରକୁ ଆସୁଥିବା ପଥଚାରୀ ଓ ଗୃହଣୀ ମାନେ ତରଭୁଜ କିଣି ନେଉଛନ୍ତି । ଆଧୁନିକ ତା ରେ ହଜି ଯାଉଥିବା ମଣିଷ ମୃଦ୍ୟୁ ପାନୀୟର ଚାହିଦା ଥିବା ସତ୍ତ୍ୱେ ତରଭୁଜ ପ୍ରତି ଚାହିଦା ଜମୁଛି !