ନିଶା ଦେଇ ଅଧ୍ୟାପକଙ୍କ ସ୍ବର୍ଣ୍ଣ ଅଳଙ୍କାର ଓ ମନିପର୍ସ୍ ଲୁଟ୍।
ଭୁବନେଶ୍ବର ରୁ ଆସୁଥିବା ବିଶାଖା ଏକ୍ସପ୍ରେସ ଟ୍ରେନ ରେ କିଛି ଅଣଓଡିଆ ଯୁବକ ଜଣେ ଅଧ୍ୟାପକ ଙ୍କୁ ନିଶା ବିସ୍କୁଟ ଦେଇ ନିସ୍ତେଜ କରିବା ପରେ ତାଙ୍କ ଠାରୁ ସୁନା ମୁଦି,ଚେଇନ୍ ଓ ମନିପର୍ସ୍ ଲୁଟ୍ କରି ଫେରାର ହୋଇଯାଇଛନ୍ତି। ଲୁଟ୍ ର ଶୀକାର ଅଧ୍ୟାପକ ଜଣକ ବ୍ରହ୍ମପୁର ମହାମାୟୀ ମହିଳା ମହାବିଦ୍ୟାଳୟରେ କାର୍ଯ୍ୟରତ ସୌମ୍ୟରଞ୍ଜନ ରାୟ ଓ ସେ ନିଜ ଗ୍ରାମ ଚଣ୍ଡିଖୋଲ ଯାଇ ବିଶାଖା ଏକ୍ସପ୍ରେସ ରେ ବ୍ରହ୍ମପୁର ଫେରୁଥିବା ବେଳେ କିଛି ଅଣଓଡିଆ ଯୁବକ ମୃଦୁପାନୀୟ ଓ ବିସ୍କୁଟ ନାଚିଥିଲେ। କିନ୍ତୁ ଅଧ୍ୟାପକ ରାୟ କେବଳ ବିସ୍କୁଟ ଖାଇଥିଲେ ଓ ପରବର୍ତ୍ତୀ ସମୟରେ ହୋଇପଡ଼ିଥିଲେ। ଏହି ସୁଯୋଗରେ ଉକ୍ତ ଯୁବକ ମାନେ ଅଧ୍ୟାପକ ଠାରୁ ଉକ୍ତ ଅଳଙ୍କାର ଓ ମନିପର୍ସ୍ ଲୁଟି କୌଣସି ସ୍ଥାନରେ ଓହ୍ଲାଇ ପଡ଼ିଥିଲେ। କିନ୍ତୁ ଅଧ୍ୟାପକ ଜଣକ ନିଶା ରେ ଶୋଇ ପଡିଥିଲେ ଓ ବ୍ରହ୍ମପୁର ଷ୍ଟେସନ ରେ ନ ଓହ୍ଲାଇ ଗାଡ଼ି ଶ୍ରୀକାକୁଲମ ଷ୍ଟେସନରେ ପହଞ୍ଚିବା ପରେ କିଛି ଲୋକଙ୍କ ଠାରୁ ଖବର ପାଇ ରେଳବାଇ ପୋଲିସ କିଛି ଲୋକଙ୍କ ସହାୟତାରେ ତାଙ୍କୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ଚିକିତ୍ସା ପାଇଁ ପଠାଇଥିଲେ ଓ କିଛି ଘଣ୍ଟା ପରେ ଅଧ୍ୟାପକ ଙ୍କ ଚେତା ଫେରିଲା। ପୋଲିସ ଅଧ୍ୟାପକଙ୍କ ଠାରୁ ବୟାନ ରେକର୍ଡ କରି ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛନ୍ତି।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ.