ନିଶାମୁକ୍ତ ଭାରତ ଅଭିଯାନ କାର୍ଯୀକ୍ରମ
ଆର,ଉଦୟଗିରି(ମନୋଜ କୁମାର ପାଢୀ)- ଗଜପତି ଜିଲ୍ଲା ଆର,ଉଦୟଗିରି ବ୍ଳକ ସଭାଗୃହ ଠାରେ ” ନିଶାମୁକ୍ତ ଭାରତ ଅଭିଯାନ” ସଭାର ଆୟୋଜନ କରାଯାଇଥିଲା । କେନ୍ଦ୍ର ସରକାରଙ୍କ ନିର୍ଦେଶ କ୍ରମେ ବ୍ଳକ ଅଧ୍ୟକ୍ଷ ଲକ୍ଷ୍ମୀନାରାୟଣ ଶବର ଏହି କାର୍ଯ୍ୟକ୍ରମକୁ ଉଦଘାଟନ କରିଥିଲେ । ତାଙ୍କସହ ବ୍ଳକ ସାମାଜିକ ସୁରକ୍ଷା ଅଧିକାରୀ ଅରଣ ଉଦୟଭାନୁ, ସଶାଙ୍କ ଶେଖର ସୁବୁଦ୍ଧି ମହାପାତ୍ର ପ୍ରମୁଖ ଉପସ୍ଥିତ ରହି ନିଶା ଜନିତ ବ୍ୟବହାର ଏବଂ ଏହାର ପରିଣତ କେତେ ଯେ ଭୟଙ୍କର ସେ ସଂପର୍କରେ ଆଲୋକପାତ କରିଥିଲେ । ଗୁଟକା, ସିଗାରେଟ, ମଦ୍ୟପାନ ଆଦି ସେବନ କରିବା ଦ୍ବାରା ନିଜର ତଥା ନିଜ ପରିବାର କେତେ ଯେ କ୍ଷତି ଘଟିଥାଏ ସେ ସଂପର୍କ ମଧ୍ୟ ବିଭିନ୍ନ ଉଦାହରଣ ପୂର୍ବକ ବଣ୍ଣନା କରିଥିଲେ । ସେହିଭଳି ମହାବିଦ୍ୟାଳୟର ଇତିହାସ ବିଭାଗର ବରଷ୍ଠ ଅଧ୍ୟାପକ ନିଳାଞ୍ଚଳ ମହାପାତ୍ର ମଧ୍ୟ ନିଜ ବକ୍ତବ୍ୟରେ ଡ୍ରଗସ୍ ସେବନ, ଗୁଡାଖୁ, ଗଞ୍ଜେଇ ଆଦି ସେବନରୁ ନିବୃତ ରହିବା ସହ ସମାଜର ସଚେତନତା ଆଣିବାରେ ଯୁବପିଢୀ ଆଗେଇ ଆସିବା ଉଚିତ ବୋଲି କହିଥିଲେ । ଶେଷରେ ଅଧ୍ୟକ୍ଷ ନିଶାନିବାରଣ ନିମନ୍ତେ ତରଫରୁ ଯୋଗଦେବା ମହେନ୍ଦ୍ରତନୟା ମହାବିଦ୍ୟାଳୟର ଛାତ୍ରଛାତ୍ରୀମାନକୁ ପ୍ରଦାନ କରାଯାଇଥିଲା ଶପଥ ପତ୍ରକୁ ସମସ୍ତଙ୍କୁ ପାଠ କରାଇଥିଲେ ବ୍ଳକ ପ୍ରଶାସନ । ମହେନ୍ଦ୍ରତନୟା ମହାବିଦ୍ୟାଳୟ ଛତ୍ରାଛତ୍ରୀମାନଙ୍କ ଦ୍ବାରା ଏକ ରାଲିରେ ବାହାରି ଗ୍ରାମ ପରିକ୍ରମା କରି ବ୍ଳକ କାର୍ଯ୍ୟାଳୟରେ ପହଞ୍ଚି ଏକ ବୈଠକ ହୋଇଥିଲା । କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟାପିକା, ଅଧ୍ୟାପକ ଓ କର୍ମଚାରୀ ଯୋଗଦେଇଥିଲେ ।
