ନିଖୋଜ ବୃଦ୍ଧଙ୍କ ଶବ ଉଦ୍ଧାର।
ଗଞ୍ଜାମ:ପାଟପୁର ଥାନା ଅର୍ନ୍ତଗତ ପଟିଗୁଡା ବାରିଗାଁର ଡମ୍ବରୁ ମଳିକ ଜନୈକ ବୃଦ୍ଧ ବ୍ୟକ୍ତି ନିଜର ଶରୀର ଅସୁସ୍ଥ ଥିବାରୁ ଔଷଧ ଆଣିବା ପାଇଁ ବଜାର କୁ ଦୀର୍ଘ ୪ ଦିନ ହେଲା ଘରକୁ ଫେରି ନଥିଲେ।ଏହା ମଧ୍ୟରେ ଘର ଲୋକ ବହୁତ ଖୋଜାଖୋଜି କରି ଡମ୍ବରୁ ର ସନ୍ଧାନ ପାଇନଥିଲେ।ଗତ ସନ୍ଧ୍ୟାରେ ଗାଁ ର କିଛି ଲୋକ ନିକଟସ୍ଥ କପା ବାଡ଼ରେ ଡମ୍ବରର ଶବ ପଡିଥିବାର ଦେଖି ଘର ଲୋକ ଙ୍କୁ ଖବର ଦେଇଥିଲେ। ଖବର ପାଇ ତା’ର ପୁଅ ପ୍ରଶାନ୍ତ ଘଟଣାସ୍ଥଳରେ ପହଞ୍ଚି ବାପାର ଶବ ଚିହ୍ନଟ କରିଥିଲେ ଓ ପାଟପୁର ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ଡାକ୍ତରଖାନାରେ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛନ୍ତି।ଏକ ଅପମୃତ୍ୟୁ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ!
