*ନିଖୋଜ ନାବାଳିକାଙ୍କ ଗଳିତ ଶବ ଉଦ୍ଧାର* *ଗଛରେ ଝୁଲୁଥିବା ଅବସ୍ଥାରେ ଶବ ଜବତ* *ହତ୍ୟା ଆଶଙ୍କା*
ସୁନ୍ଦରଗଡ଼ ଜିଲ୍ଲା ସ୍ଥିତ ସଦର ଥାନା ଅନ୍ତର୍ଗତ ବାଲିଯୋରି ପାହାଡି ବାବା ମନ୍ଦିର ନିକଟସ୍ତ ଏକ ଗଛରୁ ଝୁଲନ୍ତା ଅବସ୍ଥାରେ ଜନୈକା ନାବାଳିକାଙ୍କ ଶବ ଉଦ୍ଧାର ହୋଇଛି । ତେବେ ପାରିପାର୍ଶ୍ବିକ ପରିସ୍ଥିତିକୁ ଦେଖି ହତ୍ୟା ଆଶଙ୍କା କରାଯାଉଛି । ଉକ୍ତ ନାବାଳିକାଟି ବାଲିଯୋରି ଅଞ୍ଚଳର ବାସିନ୍ଦା ବୋଲି ଜଣାପଡ଼ିଛି । ତେବେ ଉକ୍ତ ନାବାଳିକାଟି ଚଳିତ ମାସର ଗତ ଡିସେମ୍ବର ୧୫ ତାରିଖରୁ କେଉଁ ଆଡେ ଚାଲି ଯାଇଥିଲେ । ପରିବାର ବର୍ଗ ସବୁଆଡେ ଖୋଜାଖୋଜି କରୁଥିବା ବେଳେ ଆଜି ତାଙ୍କର ଚଳିତ ଶବ ଏକ ଗଛରୁ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଥିବା ପରିଲକ୍ଷିତ ହୋଇଛି । ସ୍ଥାନୀୟ କିଛି ଯୁବଗୋଷ୍ଠୀ ପାହାଡ ଉପରକୁ ଚଢୁଥିବା ବେଳେ ସେମାନେ ଉତ୍କଟ ଗନ୍ଧ ବାରି ମନରେ ସାହସ ସଞ୍ଚାର କରି ଗନ୍ଧ ଆସୁଥିବା ସ୍ଥାନକୁ ପହଞ୍ଚି ଜନୈକା ଯୁବତୀ ଗଳିତ ଅବସ୍ଥାରେ ଗଛରେ ଝୁଲୁଥିବା ଦେଖି ଜନସାଧାରଣଙ୍କ ସହ ପୋଲିଶକୁ ସୂଚିତ କରିଥିଲେ । ଖବର ପାଇ ପୋଲିଶ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହ ତନାଘନା ତଦନ୍ତ ଜାରି ରଖିଛି । ସୁନ୍ଦରଗଡ଼ ରୁ ବରିଷ୍ଠ ସାମ୍ବାଦିକ ସଂଜୀବ କୁମାର ପାଢୀଙ୍କ ରିପୋର୍ଟ ।
