ଦୁର୍ଦାନ୍ତ ମାଓବାଦୀ ଟିକେଶର ବନ୍ଧୁକ ସହ କନ୍ଧମାଳ ଏସପିଙ୍କ ନିକଟରେ ଆତ୍ମସମର୍ପଣ….
କନ୍ଧମାଳ :- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଏସପି ହରିଶ ବି ସିଙ୍କ ନିକଟରେ ବୁଧବାର ଜଣେ ହାର୍ଡ କୋର ମାଓବାଦୀ ବିଜା ମାଡବି ଓରଫ ଟିକେଶ ଆତ୍ମସମର୍ପଣ କରିଛି l ସମାଜ ର ମୁଖ୍ୟ ସ୍ରୋତ ରେ ସାମିଲ ହେବା ପାଇଁ ସେ ଏହି ନିଷ୍ପତି ନେଇଥିବା କହିଛନ୍ତି lଟିକେଶ କେକେବିଏନ ମାଓ ଡିଭିଜନ ରାଉଳ ଏରିଆ କମିଟିର ସଦସ୍ୟ ଥିଲା l ଟିକେଶ ତାର ପିସ୍ତଲ ସହ ଆତ୍ମସମର୍ପଣ କରିଥିବା ନେଇ କନ୍ଧମାଳ ଏସ ପି ହରିଶ ବି ସି ଗୁରୁବାର ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି l ଟିକେଶ ର ସୂଚନା ଆଧାରରେ ସୁରକ୍ଷାକର୍ମୀ ମାନେ ସମ୍ପୃକ୍ତ ଜଙ୍ଗଲ ରେ କମ୍ବିଙ୍ଗ କରିଥିଲେ l କମ୍ବିଙ୍ଗ ବେଳେ ଜିଲୋଟିନ ଷ୍ଟିକ, ଡେଟୋନେଟର,ଇଲେକଟ୍ରିକୱାଇର, ଡ୍ରେସ,ଜର୍କିନ, ସୋଲାର ପ୍ଲେଟ,ଚାଉଳ, ଡାଲି, ତେଲ ଆଦି ବହୁ ଖାଦ୍ୟ ସାମଗ୍ରୀ ଜବତ କରି ଥିବା ଏସପି ସୂଚନା ଦେଇଛନ୍ତି l ସାମ୍ବାଦିକ ସମ୍ମିଳନୀ ରେ ଦକ୍ଷିଣାଞ୍ଚଳ ଡିଆଇଜି ସାର୍ଥକ୍ ଷଡ଼ଙ୍ଗୀ ମଧ୍ୟ ଉପସ୍ଥିତଥିଲେ l ଟିକେଶ ଜିଲ୍ଲାର ବିଭିନ୍ନ ସ୍ଥାନ ରେ ଅନୁଷ୍ଠିତ ପ୍ରାୟ ଦଶଟି ସଙ୍ଗୀନ ଏନକାଉଣ୍ଟର ମାମଲାରେ ସାମିଲ ଥିବା ନେଇ ଏସପି ହରିଶ ବି.ସି ସୂଚନା ଦେଇଛନ୍ତି l
