ଡ଼ଙ୍ଗାଏଜୁ ସେବାଶ୍ରମ ବିଦ୍ୟାଳୟରେ ମାସିକ କ୍ଲୋଷ୍ଟର ସ୍ତରୀୟ ବୈଠକ ଅନୁଷ୍ଠିତ

ଡ଼ଙ୍ଗାଏଜୁ ସେବାଶ୍ରମ ବିଦ୍ୟାଳୟରେ ମାସିକ କ୍ଲୋଷ୍ଟର ସ୍ତରୀୟ ବୈଠକ ଅନୁଷ୍ଠିତ

କନ୍ଧମାଳ : (ରିପୋର୍ଟ କୁନା ଦିଗାଲ )ଟିକାବାଲି ଗୋଷ୍ଠୀ ଶିକ୍ଷା ଅଧିନସ୍ଥ ବଡ଼ିମୁଣ୍ଡା ପଞ୍ଚାୟତ ଅନ୍ତର୍ଗତ ଡ଼ଙ୍ଗାଏଜୁ ଆଶ୍ରମ ବିଦ୍ୟାଳୟ ଠାରେ କଟିମାହା ଓ ଗୁଡ୍ରିପଡ଼ି କ୍ଲୋଷ୍ଟର ର ଅକ୍ଟୋବର ମାସର ମାସିକ କ୍ଲୋଷ୍ଟର ବୈଠକ ଅନୁଷ୍ଠିତ ହୋଇଅଛି l ଏହି ବୈଠକ ରେ ଉଭୟ କ୍ଲୋଷ୍ଟରର ସମସ୍ତ ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ସମେତ ସକ୍ରିୟ ଶିକ୍ଷକ ଶିକ୍ଷୟିତ୍ରୀ ମଧ୍ୟ ଯୋଗଦେଇଥିଲେ l ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଅରବିନ୍ଦ ମହାପାତ୍ର ଙ୍କ ତତ୍ୱାବଧାନ ରେ ଏହି ବୈଠକ ଅତିସୁନ୍ଦର ଭାବେ ସଫଳ ରୂପାୟନ ହୋଇଅଛି l ଏହି ବୈଠକ ରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ଙ୍କୁ ପ୍ରଥମେ ସ୍ୱାଗତ ସହ କାର୍ଯ୍ୟସୂଚୀ ର ସୂଚନା ପ୍ରଦାନ କରାଯାଇଥିଲା l ଏହାପରେ ବିଦ୍ୟାଳୟ ପରିଦର୍ଶନ ଓ ଆଲୋଚନା କରାଯାଇଥିଲା l ବିଦ୍ୟାଳୟର ସ୍ୱଚ୍ଛ ଓ ସୁନ୍ଦର ପରିବେଶ, ଶୈକ୍ଷିକ ବାତାବରଣ, ଶିକ୍ଷାର୍ଥୀ ଙ୍କ ବ୍ୟବହାର ଦେଖି ବୈଠକ ରେ ଉପସ୍ଥିତ ସମସ୍ତ ଶିକ୍ଷକ ଶିକ୍ଷୟିତ୍ରୀ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଅଞ୍ଜନlଦେଵୀ ପ୍ରଧାନ ଙ୍କ ସମେତ ବିଦ୍ୟାଳୟ ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଅନ୍ୟ ସହଯୋଗୀ ଷ୍ଟାଫ୍ ଙ୍କୁ ଖୁସିବ୍ୟକ୍ତ ସହ ଧନ୍ୟବାଦ ଅର୍ପଣ କରିଥିଲେ l ଏହାପରେ ପୂର୍ବ ବୈଠକ ର ବିଷୟ ବସ୍ତୁ ସହ ଜାତୀୟ ଉପଲବ୍ଧି ପରୀକ୍ଷଣ ପାଇଁ ପ୍ରସ୍ତୁତି ଓ ନିପୁଣ ଓଡିଶା କାର୍ଯ୍ୟକ୍ରମ ବିଷୟରେ ଆଲୋଚନା କରାଯାଇଥିଲା l ଡ଼ଙ୍ଗାଏଜୁ ଆଶ୍ରମ ବିଦ୍ୟାଳୟ ର ପୂର୍ବତନ ପ୍ରଧାନ ଶିକ୍ଷକ ଶ୍ରୀଯୁକ୍ତ ଜମ୍ବେଶର କହଁର, ମିଳିତ ପ୍ରାଥମିକ ଶିକ୍ଷକ ସଂଘ ସଭାପତି ତଥା କଟିମାହା ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ମଧୁସୂଦନ ବେହେରା ଙ୍କ ସହ ସମସ୍ତ ବିଦ୍ୟାଳୟ ର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଓ ସହଯୋଗୀ ଶିକ୍ଷକ ଶିକ୍ଷୟିତ୍ରୀ ଙ୍କ ସକ୍ରିୟ ଯୋଗଦାନ ରେ ନିପୁଣ ଓଡିଶା କାର୍ଯ୍ୟକ୍ରମ ର ସଫଳ ରୂପାୟନ ପାଇଁ ନିପୁଣ ଓଡିଶା ସଂଗୀତ ଗାନ ସହ ନିପୁଣ ଓଡିଶା ର ଶପଥ ପାଠ କରିଥିଲେ l