ଟ୍ରାକ୍ଟର ଓଲଟି ଜଣେ ମୃତ
ଆର , ଉଦୟଗିରି (ମନୋଜ କୁମାର ପାଢୀ):ଗଜପତି ଜିଲ୍ଲା ଅଡବା ଥାନା ପାଣିଗଣ୍ଡା ସାତଭଉଣୀ ମନ୍ଦିର ନିକଟରେ ଟ୍ରାକ୍ଟର ଓଲଟି ଜଣେ ଶ୍ରମିକଙ୍କ ମୃତ୍ୟୁ ଘଟିଛି l ମୃତ ଶ୍ରମିକ ଜଣକ ହେଲେ ବାଲିଗଣ୍ଡା ଗାଁର ଶାଶୂନ୍ଦ୍ର ପାଟମାଝି (୩୨) l ଅଡବା ପୋଲିସ ଶବ ଜବତ କରିବା ସହ ତଦନ୍ତ କରୁଛି l ପୋଲିସ ସୂତ୍ରରୁ ମିଳିଥିବା ସୂଚନା ପ୍ରକାରେ ଗୁରୁବାର ମଧ୍ୟାହ୍ନ ସମୟରେ ଗୋଟିଏ ଟ୍ରାକ୍ଟର ପାଣିଗଣ୍ଡା ରୁ ଅଡବା ଅଞ୍ଚଳକୁ ଆସୁଥିଲା l ସାତଭଉଣୀ ଘାଟିରେ ଟ୍ରାକ୍ଟର ଟି ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା l ଟ୍ରାକ୍ଟର ତଳେ ଚାପି ହୋଇ ଶ୍ରମିକ ଶାଶୂନ୍ଦ୍ର ଙ୍କ ମୃତ୍ୟୁ ଘଟିଥିବା ବେଳେ ଡ୍ରାଇଭର ସାମାନ୍ୟ ଆହତ ହୋଇଛନ୍ତି l ଖବର ପାଇ ଅଡବା ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହ ଡ୍ରାଇଭର କୁ ଅଟକ ରଖି ତଦନ୍ତ ଚାଲିଥିବା ଥାନା ଅଧିକାରୀ ଶୁଭ୍ରାନ୍ତ ପଣ୍ଡା କହିଛନ୍ତି l
