ଟିକାବାଲି କଲେଜରେ ଓଡ଼ିଆ ବିଭାଗର ସ୍ବାଗତ ସମାରୋହ

ଟିକାବାଲି କଲେଜରେ ଓଡ଼ିଆ ବିଭାଗର ସ୍ବାଗତ ସମାରୋହ …

କନ୍ଧମାଳ :- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଟିକାବାଲି ବ୍ଲକ ନିକଟସ୍ଥ ଏ.ଏମ୍.ସି.ଏସ ମହାବିଦ୍ୟାଳୟ ଟିକାବାଲି ଠାରେ ଓଡ଼ିଆ ଭାଷା ଓ ସାହିତ୍ୟ ବିଭାଗର ପୂର୍ବାହ୍ନରେ +୩ ପ୍ରଥମ ବର୍ଷର ଛାତ୍ର ଛାତ୍ରୀ ମାନଙ୍କୁ ସ୍ବାଗତ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଏହି ସ୍ୱାଗତ ସମ୍ବର୍ଦ୍ଧନା ସଭାରେ ଟିକାବାଲି ମହାବିଦ୍ୟାଳୟର ଅଧ୍ୟକ୍ଷା ଡ଼ଃ ବିଷ୍ଣୁପ୍ରିୟା ପଣ୍ଡାଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା l ମହାବିଦ୍ୟାଳୟ ର ଅଧ୍ୟକ୍ଷା ନିଜ ଅଭିଭାଷଣରେ ଛାତ୍ର ଜୀବନର ମହତ୍ବ ସମ୍ପର୍କରେ ମୂଲ୍ୟବାନ ଉପଦେଶ ଦେଇଥିଲେ। ବିଭାଗୀୟ ମୁଖ୍ୟା ଅଧ୍ୟାପିକା ଚମ୍ପା ସୋରେନ୍ ଅତିଥି ପରିଚୟ ପ୍ରଦାନ କରିଥିବା ବେଳେ, ଅଧ୍ୟାପିକା ନିବେଦିତା ଭୋଇ, ଅଧ୍ୟାପକ ରିଲୁ ପ୍ରଧାନ ଓଡ଼ିଆ ଭାଷା ସାହିତ୍ୟର ମହତ୍ବ ସମ୍ପର୍କରେ ବକ୍ତବ୍ୟ ରଖିଥିଲେ। ତୃତୀୟ ବର୍ଷର ଛାତ୍ରୀ ପୁଷ୍ପାଞ୍ଜଳି,ପପିରାଣୀ,ଦିବ୍ୟାଶ୍ରୀ ଏବଂ ରାଜଶ୍ରୀଙ୍କ ଦ୍ଵାରା ସ୍ବାଗତ ସଙ୍ଗୀତ ଗାନ କରାଯାଇଥିଲା। ମହାବିଦ୍ୟାଳୟ ର +୩ ଦୁତୀୟ ବର୍ଷର ଛାତ୍ରୀ ପ୍ରଜ୍ଞାରାଣୀ ଦେବୀ ସଭା ସଂଯୋଜନ କରିଥିବା ବେଳେ +୩ ତୃତୀୟ ବର୍ଷର ଛାତ୍ର ଚିଦାନନ୍ଦ କହଁର ଧନ୍ୟବାଦ ଅର୍ପଣ କରିଥିଲେ। ଶେଷରେ ବିଭାଗର ସମସ୍ତ ଛାତ୍ରଛାତ୍ରୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ।