ଜିଲ୍ଲା ବରିଷ୍ଠ ନାଗରିକ ସଂଘ ପକ୍ଷରୁ ସାଂସଦ ଓ ଫୁଲବାଣୀ ବିଧାୟକଙ୍କୁ ସମ୍ବର୍ଦ୍ଧିତ….
କନ୍ଧମାଳ -10/07(ରିପୋର୍ଟ କୁନା ଦିଗାଲ )ଫୁଲବାଣୀ ସଦର ମହକମା ସ୍ଥାନୀୟ ନାରାୟଣୀ ଯାତ୍ରା ମଣ୍ଡପ ଠାରେ କନ୍ଧମାଳ ଜିଲ୍ଲା ବରିଷ୍ଠ ନାଗରିକ ସଂଘ ତରଫରୁ ନବ ନିର୍ବାଚିତ ସାଂସଦ ସୁକାନ୍ତ ପାଣିଗ୍ରାହୀ ଓ ବିଧାୟକ ଉମା ଚରଣ ମଲିକ ଙ୍କୁ ପୁଷ୍ପଗୁଛ ଓ ଉପଢୌକନ ଦେଇ ସ୍ୱାଗତ ସମ୍ବର୍ଦ୍ଧିତ କରାଯାଇଥଲା lଏହି ଅବସରରେ ସଂଘ ସଭାପତି କମଳାକାନ୍ତ ପାଣ୍ଡେଙ୍କ ସଭାପତିତ୍ୱ ରେ ଆୟୋଜିତ ସଭାରେ ନବ ନିର୍ବାଚିତ ସାଂସଦ ସୁକାନ୍ତ ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ଫୁଲବାଣୀ ବିଧାୟକ ଉମା ଚରଣ ମଲିକ ଯୋଗ ଦେଇଥିଲେ lଅନ୍ୟ ମାନଙ୍କ ମଧ୍ୟରେ ଉପସଭାପତି ନବ କୃଷ୍ଣ ରଥ, ସମ୍ପାଦକ ପ୍ରଣବ ମଣ୍ଡଳ, ଡ଼ ଅରୂପ ଜେନା, ନବୀନ କିଶୋର ପଣ୍ଡା, ରୋଟାରୀଆନ ପଦ୍ମ ଚରଣ ସ୍ୱାଇଁ, ପ୍ରେସ କ୍ଲବ ସଭାପତି ସୁନୀଲ ପଟନାୟକ, ବରିଷ୍ଠ ଆଇନଜୀବୀ ଭି ଭି ରାମ ଦାସ, ଡ଼ଃ ଅନନ୍ତ ମିଶ୍ର ପ୍ରମୁଖ ଯୋଗ ଦେଇ ଜିଲ୍ଲାର ଓ ସଂଘର ବିଭିନ୍ନ ସମସ୍ୟା ସମ୍ପର୍କ ରେ ଆଲୋଚନା କରିଥିଲେ lସେହିପରି ସାଂସଦ ସୁକାନ୍ତ ପାଣିଗ୍ରାହୀ ଓ ବିଧାୟକ ଉମା ଚରଣ ମଲିକ ଜିଲ୍ଲାର ସର୍ବାଙ୍ଗୀନ ବିକାଶ ଦିଗରେ ଯଥାସାଧ୍ୟ ଉଦ୍ୟମ କରିବେ ବୋଲି ପ୍ରତିଶୃତି ଦେଇଥିଲେlଏହି ଅବସରରେ ବରିଷ୍ଠ ନାଗରିକ ସଙ୍ଘ ପକ୍ଷରୁ ଫୁଲବାଣୀ ବିଧାୟକ, ଓ ସାଂସଦ ଙ୍କୁ ଦାବିପତ୍ର ପ୍ରଦାନ କରାଯାଇଥିଲା lବଂଶୀଧର ପଣ୍ଡା ସଭା ପରିଚାଳନା କରିଥିବା ବେଳେ ବ୍ରଜ ପଟନାୟକ ଧନ୍ୟ ବାଦ ଦେଇଥିଲେ lଜିଲ୍ଲାର ଶତାଧିକ ବରିଷ୍ଠ ନାଗରିକ ଉପସ୍ଥିତ ଥିଲେ l
