ଛତିଶଗଡ ନାରାୟଣପୁର ଜିଲ୍ଲାରେ ମାଓବାଦୀଙ୍କ ଏକ କେମ୍ପ ଉପରେ ସୁରକ୍ଷା କର୍ମୀଙ୍କ ବଡ ଧରଣର ହାମଲା ହୋଇଛି ।
ମାଲକାନଗିରି:ନକ୍ସଲ ବିରୋଧୀ ଅପରେସନ ବେଳେ ଭାରି ମାତ୍ରାରେ ମାଓବାଦୀଙ୍କ ଡମ୍ପିଂ ସାମଗ୍ରୀ ଜବତ ହୋଇଛି । ଯାହା ମଧ୍ୟରେ ରହିଛି LPG ସିଲିଣ୍ଡର, ୱେଲଡିଂ ଗ୍ୟାସ, ଅସ୍ତ୍ର ତିଆରି କରିବା ଲେଦ୍ ମେସିନ, ଇଲେକ୍ଟ୍ରୋନିକ୍ ଡିଟୋନେଟର, ନକ୍ସଲ ପୋଷାକ ଓ ପ୍ରଚାର ପତ୍ର, ବଡ ବଡ ବାକ୍ସ, ତେଲ, ସାବୁନ, ଦୈନିକ ଉପଯୋଗୀ ସାମଗ୍ରୀ ସହ ଅନ୍ୟାନ୍ୟ ମାଓ ସାମଗ୍ରୀ । ଯାହାକୁ ଦେଖି ନାରାୟଣପୁର ପୋଲିସ ଆଶ୍ଚର୍ଯ୍ୟ ହୋଇଥିଲା । ନାରାୟଣପୁର ଜିଲ୍ଲାର ସୋନପୁର କୋହକେମେଟା ଅଞ୍ଚଳର ମାଓବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇବା ପରେ DRG ଏବଂ BSF ବାହିନୀ ପକ୍ଷରୁ ସେଠାରେ ମିଳିତ ଅପରେସନ ଆରମ୍ଭ ହୋଇଥିଲା । ଘଟଣା ସ୍ଥଳରୁ ମାଓବାଦୀ ମାନେ ପଳାୟନ କରିଥିବା ବେଳେ ସେଠାରେ ବର୍ତ୍ତମାନ ସର୍ଚ୍ଚ ଅପରେସନ ଜାରି ରହିଛି ବୋଲି ସୁଚନା ଦେଇଛନ୍ତି ନାରାୟଣପୁର ଏସପି ।
ମାଲକାନଗିରି ରୁ ଅବଦୁଲ ଗାନି ଙ୍କ ରିପୋର୍ଟ !
