ଘୁ.ଉଦୟଗିରି କଂଗ୍ରେସ ଆସ୍ଥାୟୀ କାର୍ଯ୍ୟଳୟ ଠାରେ ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ତିରୋଧାନ ଦିବସ ଅନୁଷ୍ଠିତ.

ଘୁ.ଉଦୟଗିରି କଂଗ୍ରେସ ଆସ୍ଥାୟୀ କାର୍ଯ୍ୟଳୟ ଠାରେ ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ତିରୋଧାନ ଦିବସ ଅନୁଷ୍ଠିତ….

କନ୍ଧମାଳ :- (ରିପୋର୍ଟ କୁନା ଦିଗାଲ )ଘୁ.ଉଦୟଗିରି କଂଗ୍ରେସ ଆସ୍ଥାୟୀ କାର୍ଯ୍ୟଳୟ ଠାରେ ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ତିରୋଧାନ ଦିବସ ଅନୁଷ୍ଠିତ ହୋଇଯାଇଛି l ପ୍ରଥମ ଥର ପାଇଁ ବରିଷ୍ଠ କଂଗ୍ରେସ ନେତା ରମାକାନ୍ତ ମହାପାତ୍ର ଓ ଗୋପାଳ ପାତ୍ରଙ୍କ ମାର୍ଗଦର୍ଶନ ଓ ଯୁବନେତା ତଥା ଘୁ.ଉଦୟଗିରି ନଗର କଂଗ୍ରେସର ପୂର୍ବତ୍ତନ ସଭାପତି ଗଗନ କୁମାର ପ୍ରଧାନଙ୍କ ନେତୃତ୍ୱରେ ଆଜି ଲୌହ ମାନବି ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ତିରୋଧାନ ଦିବସ ଅନୁଷ୍ଠିତ ହୋଇଛି l ଏହି ଶ୍ରଦ୍ଧାଞ୍ଜଳି ସଭାରେ ଏନଏସି ବିଧାୟକ ପ୍ରତିନିଧି ମଧୁଲିନା ଦିଗାଲ, ପୂର୍ବତ୍ତନ ଘୁ.ଉଦୟଗିରି ବ୍ଲକ କଂଗ୍ରେସ ସଭାପତି ଟାର୍ଜନ ସାହୁ, ବ୍ଲକ ଯୁବକଂଗ୍ରେସ ସଭାପତି ଶାଶାନନ୍ଦ ପ୍ରଧାନ, ଯୁବନେତା ସଞ୍ଜୟ କୁମାର ଦିଗାଲ, କଳିଙ୍ଗା ପଂଚାୟତ କଂଗ୍ରେସ ସଭାପତି ଧନୁର୍ଯ୍ୟୟ କଁହର, ଦେବେନ୍ଦ୍ର ନାୟକ, କଂଗ୍ରେସ କର୍ମୀ ଆକାଶ ନାୟକ, ଦୀପକ ନାୟକ, ଲିଥନ ନାୟକ ଓ ଅଜିତ ନାୟକଙ୍କ ସମେତ ଅନେଜ କଂଗ୍ରେସ ପ୍ରେମୀ ଯୋଗ ଦେଇ ଶ୍ରଦ୍ଧାଞ୍ଜଳି ଅର୍ପଣ କରିବା ସହ ସ୍ମୃତିଚାରଣ କରିଥିଲେ l ସ୍ୱାଧୀନତା ଭାରତର ବିକାଶ କ୍ଷେତ୍ରରେ କଂଗ୍ରେସ ଦଳ ଓ ଗାନ୍ଧୀ ପାରିବାରର ଅବଦାନ ଅତୁଳନୀୟ l ଦେଶ ସ୍ୱାଧୀନତା ହେବା ପରେ କଂଗ୍ରେସ ଦଳ ପୂର୍ବତ୍ତନ ପ୍ରଧାନ ମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଶାସନ ସମୟରେ ବ୍ୟାଙ୍କ ଗୁଡିକର ଜାତୀୟ କରଣ ହେବା ସହ ଶୁଶାସନ ନିମନ୍ତେ ଆଇନ ପ୍ରଣୟନ ଓ ଜନ ହିତକର ଯୋଜନା କରାଯାଇ ଥିଲା l ହେଲେ ଆତତାୟୀଙ୍କ ଗୁଳିରେ ଲୌହ ମାନଵୀ ଇନ୍ଦିରା ଗାନ୍ଧୀଙ୍କ ମୃତ୍ୟୁ ଘଟି ଥିଲା l କିନ୍ତୁ କଂଗ୍ରେସର ଜନହିତକାରୀ ଯୋଜନା ଓ ଲୌହମାନବି ପୂର୍ବତ୍ତନ ମହିଳା ପ୍ରଧାନମନ୍ତ୍ରୀଙ୍କ ବଳିଷ୍ଠ ନେତୃତ୍ୱରେ ଭାରତ ବିକାଶ ଦିଗରେ ଆଗକୁ ବଢିଥିଲା ଓ ବଢ଼ି ଚାଲିଛି ବୋଲି ବରିଷ୍ଠ କଂଗ୍ରେସ କର୍ମୀ ରମାକାନ୍ତ ମହାପାତ୍ର ବକ୍ତବ୍ୟରେ କହିଛନ୍ତି l ସେହିପରି ବରିଷ୍ଠ କଂଗ୍ରେସ କର୍ମୀ କହିଛନ୍ତି କି ଆଜି ଭାରତର ବିଭିନ୍ନ କ୍ଷେତ୍ରରେ ବିକାଶ ହେବା ସହ ପୃଥିବୀରେ ଏକ ଶକ୍ତିଶାଳୀ ରାଷ୍ଟ୍ର ଭାବରରେ ଉଭାନ ହୋଇଛି l ଏହି ଶକ୍ତିଶାଳୀ ରାଷ୍ଟ୍ର ଗଠନରେ କଂଗ୍ରେସ ଓ ଗାନ୍ଧୀ ପାରିବାରର ମୁଖ୍ୟ ଭୂମିକା ରହିଛି ବୋଲି ବରିଷ୍ଠ କଂଗ୍ରେସ କର୍ମୀ ଗୋପାଳ ପାତ୍ର ମତ ପ୍ରକାଶ କରିଛନ୍ତି l ବିକଶିତ ଭାରତ ଗଠନ କ୍ଷେତ୍ରରେ କଂଗ୍ରେସ ଦଳ, ଗାନ୍ଧୀ ପରିବାର ଓ ପୂର୍ବତ୍ତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକା ଓ ଅବଦାନ ଆତୁଳନୀୟ l ଯାହା ପାଇଁ ଆଜି ଜଣେ ସାଧାରଣ ନାଗରିକ ନିଜର ମୌଳିକ ଅଧିକାର ଉପଭୋଗ କରି ପାରୁଛି l କିନ୍ତୁ ପରୀତାପର ବିଷୟ 2014 ମସିହା ଠାରୁ କଂଗ୍ରେସ ଦଳ ଶାସନ ଗାଦିରୁ ଦୂରରେ ରହିବା ଯୋଗୁଁ ଜଣେ ସାଧାରଣ ନାଗରିକ ମୌକିକ ଅଧିକାର ଉପଭୋଗ କରିବାରୁ ବଞ୍ଚିତ ହୋଇଛି l ତେଣୁ ଦେଶର ହିତ ନିମନ୍ତେ କଂଗ୍ରେସକୁ ପୁଣି ଶାସନ ଗାଦିକୁ ଫେରାଇ ଆଣିବା ନିହାତି ଜରୁରୀ ବୋଲି କଂଗ୍ରେସ ଯୁବ ନେତା ତଥା ନଗର କଂଗ୍ରେସ ପୂର୍ବତ୍ତନ ସଭାପତି ଗଗନ କୁମାର ପ୍ରଧାନ ମତ ପ୍ରକାଶ କରିଛନ୍ତି l ଭାରତକୁ ସ୍ୱାଧୀନ କରିବା, ନୂତନ ଭାରତର ବିକାଶ ଓ ଗଠନ କେବଳ କଂଗ୍ରେସ ପାଇଁ ସମ୍ଭବ ହୋଇ ପାରିଛି l ଭାରତକୁ ଶାସନ କରୁ ଥିବା ଗାନ୍ଧୀ ପରିବାର ଲୋକଙ୍କ ମନକିବାତକୁ ଶୁଣିବା ସହ ବୁଝି ପାରୁ ଥିଲେ l ଯାହା ପାଇଁ ଜନହିତକର ଯୋଜନା ଉପରେ ଯୋଜନା କରିଥିଲେ l କିନ୍ତୁ ଦୁଃଖର ବିଷୟ 2014 ମସିହା ଠାରୁ ଦେଶରେ ତାନାସାହି ମୋଦି ସରକାର ଆସିବା ପରେ ଜନସାଧାରଣଙ୍କ ମନକିବାତ ସରକାର କିମ୍ବା ପ୍ରଧାନ ମନ୍ତ୍ରୀ ଶୁଣିବା ବଦଳରେ ପ୍ରଧାନ ମନ୍ତ୍ରୀ ନିଜର ମାନକି ବାତ ଦେଶ ବାସିଙ୍କୁ ଶୁଣାଉଛନ୍ତି l ଯାହାକି ଦେଶ ପାଇଁ ଦୁର୍ଭାଗ୍ୟ ଜନକ ବୋଲି ପୂର୍ବତ୍ତନ ବ୍ଲକ କଂଗ୍ରେସ ସଭାପତି ଟାର୍ଜନ ସାହୁ ବକ୍ତବ୍ୟରେ କହିଛନ୍ତି l ଆଗାମୀ ଦିନରେ ମଧ୍ୟ କଂଗ୍ରେସ ଦଳକୁ ଶୁଦ୍ଧୃଡ଼ କରିବା ପାଇଁ ଉଦ୍ୟମ ଜାରୀ ରହିବ ବୋଲି ଯୁବନେତା ଗଗନ କୁମାର ପ୍ରଧାନ ସୂଚନା ଦେବା ସହ ଏହି ତିରୋଧାନ ଦିବସ ଅବସରରେ ଉପସ୍ଥିତ ସମସ୍ତ କଂଗ୍ରେସ ପ୍ରେମିଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ l