ଗଡାବିସା ଗ୍ରାମରେ ଗଣତନ୍ତ୍ର ଦିବସ ପାଳନ
କନ୍ଧମାଳ :- (ରିପୋର୍ଟ କୁନା ଦିଗାଲ )ଗଡାବିସା, ୨୬ ଜାନୁଆରୀ ୨୦୨୫: ଗଡାବିସା ଗ୍ରାମରେ ଗଣତନ୍ତ୍ର ଦିବସ ଉତ୍ସବ ଜନସାଧାରଣଙ୍କ ଉତ୍ସାହ ଓ ସହଭାଗିତା ସହ ପାଳନ କରାଯାଇଛି । କାର୍ଯ୍ୟକ୍ରମର ଆରମ୍ଭ ଗ୍ରାମର ସବୁଠାରୁ ବୟସ୍କ ଜଣେ ନାଗରିକ ଶ୍ରୀ ଜାହଲାଲ ପ୍ରଧାନଙ୍କ ଦ୍ୱାରା ତ୍ରିରଙ୍ଗା ପତାକା ଉତ୍ତୋଳନ ସହିତ ହେଲା। ଏହାର ସହିତ ମିଷ୍ଟି ବଣ୍ଟନ କରାଯାଇଥିଲା ଯାହା ଉତ୍ସବର ଆନନ୍ଦକୁ ବଢ଼ାଇଲା।ପ୍ରାଥମିକ କାର୍ଯ୍ୟକ୍ରମରେ ଅନେକ ଖେଳ ଓ ପ୍ରତିଯୋଗିତା ଅନୁଷ୍ଠିତ ହେଲା। ଏଥିରେ ଉତ୍ତର-ପ୍ରତିଉତ୍ତର ପ୍ରତିଯୋଗିତା, ସାମାନ୍ୟ ଜ୍ଞାନ ପ୍ରଶ୍ନାବଳୀ, ପାଠ ଧାରା ଶୈଳୀ ପ୍ରତିଯୋଗିତା, ବାଲୁନ ସନ୍ତୁଳନ ପ୍ରତିଯୋଗିତା ଓ ସଙ୍ଗୀତ ଚେୟାର ଅନ୍ତର୍ଭୁକ୍ତ ଥିଲାl ପ୍ରତିଯୋଗିତା ରେ ବିଜୟୀ ପୁଅ ଝିଅମାନଙ୍କୁ ପ୍ରମାଣ ପତ୍ର ଓ ପୁରସ୍କାର ଦିଆଯାଇଥିଲା।ସନ୍ଧ୍ୟାର ସାଂସ୍କୃତିକ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଉପସ୍ଥିତ ଥିଲେ ସ୍ଥାନୀୟ ଗ୍ରେସିଙ୍ଗିଆ ସରପଞ୍ଚ ଶ୍ରୀମତୀ ତ୍ରିଶିଳା ପ୍ରଧାନ। ଏହା ଛଡ଼ା ସନମାନୀୟ ଅତିଥି ଭାବେ ଅଧ୍ୟାପକ ଡ଼ାକ୍ତର ରାଜେଶ କୁମାର ବାଗ , ମୁଖ୍ୟ ବକ୍ତା ଶ୍ରୀ ଉମେଶ ପ୍ରଧାନ, ଏବଂ ସାମାଜିକ କାର୍ଯ୍ୟକର୍ତ୍ତା ଡ଼ାକ୍ତର ସୁସ୍ମିତା ପ୍ରଧାନ ମଞ୍ଚକୁ ସାଂଜା କରିଥିଲେ। ଏହା ସହିତ ଗ୍ରେସିଂଜିଆ ପଞ୍ଚାୟତର ଓର୍ଡ୍ ମେମ୍ବରମାନେ ମଧ୍ୟ ଉପସ୍ଥିତ ଥିଲେ।ମୁଖ୍ୟ ଅତିଥି ଶ୍ରୀମତୀ ତ୍ରିଶିଳା ପ୍ରଧାନ ତାଙ୍କ ଭାଷଣରେ ଗ୍ରେସିଂଜିଆ ପଞ୍ଚାୟତକୁ ଘୁ.ଉଦୟଗିରି ବ୍ଲକର ସବୁଠାରୁ ଭଲ ପଞ୍ଚାୟତ କରିବା ପାଇଁ ସେ ଚେଷ୍ଟା କରିବେ ବୋଲି ଆଶ୍ୱାସନ ଦେଲେ। ଡ଼ାକ୍ତର ବାଗ ଯୁବ ମାନଙ୍କ ଶିକ୍ଷା ଓ ତାଙ୍କର ଭବିଷ୍ୟତ ପାଇଁ ପ୍ରସ୍ତୁତି ହେବା ଉପରେ ଗୁରୁତ୍ୱ ଦେଲେ। ଶ୍ରୀ ଉମେଶ ପ୍ରଧାନ ଛୋଟ ଛୋଟ ଶିଶୁମାନଙ୍କ ଶିକ୍ଷାକୁ ଗୁରୁତ୍ୱ ଦେବା ଉପରେ ଜୋର ଦେଲେ। ଡ଼ାକ୍ତର ସୁସ୍ମିତା ପ୍ରଧାନଙ୍କୁ ସାମାଜିକ କାର୍ଯ୍ୟ ଯୋଗୁ ଗଡାବିସା ଗ୍ରାମ ସମିତି ତାଙ୍କୁ ଶ୍ରଦ୍ଧାଞ୍ଜଳି ସାଥିରେ ଅଭିନନ୍ଦନ ସହ ପ୍ରଶଂସା ପତ୍ର ଦେଇ ସମ୍ମାନିତ କରିଥିଲେ।ସନ୍ଧ୍ୟାର କାର୍ଯ୍ୟକ୍ରମ ଗୀତ ଓ ନୃତ୍ୟରେ ରଙ୍ଗିନ ହୋଇଥିଲା। ପ୍ରସିଦ୍ଧ କୁଇ ଗାୟକ ଦିବ୍ୟ ଦିବାକର, ତୁଳସୀ ଓ ରାଜକିଶୋର ମଧୁର କୁଇ ସଙ୍ଗୀତରେ ଦର୍ଶକଙ୍କ ହୃଦୟ ଜିତିଥିଲେ। ଏହା ସହ ଗଡ଼ବିସା, ଗ୍ରେସିଙ୍ଗିଆ, ତଥା ଆଖପାଖ ଗାଁ ର ପିଲାମାନେ ବିଭିନ୍ନ ନୁର୍ତ୍ୟ ପରିବେଷଣ କରି ସନ୍ଧ୍ୟା କୁ ଉପଭୋଗ୍ୟ କରାଇଥିଲେ l ଘୁ. ଉଦୟଗିରି ଥାନା ପୋଲିସ ଏହି କାର୍ଯ୍ୟକ୍ରମ ରେ ଉପସ୍ଥିତ ରହି ଶାନ୍ତି ଓ ଅନୁଶାସନ ରକ୍ଷା କରିବାରେ ସାହାଯ୍ୟ କରିଥିଲେ।ଏହି ସମାରୋହ ଡ଼ାକ୍ତର ଅଶିଷ ପ୍ରଧାନ ଓ ଡ଼ାକ୍ତର ସୁଭ୍ରାଂଶୁ ନାୟକଙ୍କ ସଂଗଠନ ଏବଂ ଯୋଜନାର ଦକ୍ଷତାରୁ ସଫଳ ହୋଇଥିଲା। ଗଡାବିସାର ସମସ୍ତ ଗ୍ରାମବାସୀ ଓ ଗ୍ରାମ ବିକାଶ ସମିତିର ସହଭାଗୀତା କାର୍ଯ୍ୟକ୍ରମକୁ ସଫଳତାର ଶ୍ରେୟ ଦେଇଥିଲା।
