ଖେଳ ମାଧ୍ୟମରେ ମୋହନା ବନ ବିଭାଗ ର ଜଙ୍ଗଲ ସୁରକ୍ଷା ସଚେତନ ।

ଖେଳ ମାଧ୍ୟମରେ ମୋହନା ବନ ବିଭାଗ ର ଜଙ୍ଗଲ ସୁରକ୍ଷା ସଚେତନ । ଆର,ଉଦୟଗିରି(ମନୋଜ କୁମାର ପାଢୀ)-: ଗଜପତି ଜିଲ୍ଲା ବନଖଣ୍ଡ ଓ ମୋହନା ବନାଞ୍ଚଳ ପକ୍ଷରୁ କ୍ରିକେଟ ଖେଳ ମାଧ୍ୟମରେ ଜଙ୍ଗଲ ସୁରକ୍ଷା ସଚେତନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ଦିର୍ଘ ପାଞ୍ଚଦିନ ଧରି ମୋହନା ଓ ରା ଉଦୟଗିରି ବନାଞ୍ଚଳ ର ବନ ସୁରକ୍ଷା ସମିତି ର ଆଠଟି କ୍ରିକେଟ ଟିମ କୁ ନେଇ ଏକ ବନ୍ଧୁତ୍ୱ ପୂର୍ଣ୍ଣ ଟୁର୍ଣ୍ଣାମେଣ୍ଟ ଆୟୋଜନ କରାଯାଇଥିଲା l ଏହି ଟୁର୍ଣ୍ଣାମେଣ୍ଟ ର ମୁଖ୍ୟ ଉଦ୍ଦେଶ୍ୟ ଥିଲା ଜଙ୍ଗଲ ଓ ବନ୍ୟଜନ୍ତୁ ଙ୍କ ସହ ପରିବେଶ ସୁରକ୍ଷା ପାଇଁ ଜଙ୍ଗଲ ରେ ଯେପରି ନିଆଁ ନଲାଗିବ ପ୍ରାକୃତିକ ଭାରସାମ୍ୟ ରକ୍ଷାରେ କିପରି ସହାୟକ ହେବେ, ସମସ୍ତେ ଏକାଠି ହୋଇ ଜଙ୍ଗଲ ସୁରକ୍ଷା ପାଇଁ ପଦକ୍ଷେପ ନେବା ତା ସହିତ ବିଭିନ୍ନ ସ୍କୁଲ କଲେଜ ଛାତ୍ର ଛାତ୍ରୀ ମାନେ ନାଚ ଗୀତ ଓ ପଥପ୍ରାନ୍ତ ନାଟକ ମାଧ୍ୟମରେ ଜଙ୍ଗଲ ସୁରକ୍ଷା କୁ ନେଇ ସଚେତନ କରାଯାଇଥିଲା l ସେହିପରି ଆଜିର ଏହି ଉଦଯାପନୀ କାର୍ଯ୍ୟକ୍ରମ ରେ ଝିଲିକି ବନ ସୁରକ୍ଷା ସମିତି ଓ ଖାରିମେରା ବନ ସୁରକ୍ଷା ସମିତି ମଧ୍ୟରେ କ୍ରିକେଟ ଟୁର୍ଣ୍ଣାମେଣ୍ଟ ର ଅନ୍ତିମ ଖେଳ ପ୍ରଦର୍ଶନ କରିଥିଲେ ସେଥିରେ ଝିଲିକି ବିଜୟ ଲାଭ କରି ଏକ ଟ୍ରଫି ସହ ନଗଦ ସାତ ହାଜର ଟଙ୍କା ଓ ଖାରିମେରା କୁ ରନର୍ସ ଭାବେ ତିନି ହାଜର ଟଙ୍କା ପୁରସ୍କାର ରାଶି ପ୍ରଦାନ କରାଯାଇଛି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପାରଳାଖେମୁଣ୍ଡି ବନଖଣ୍ଡ ଅଧିକାରୀ ଏସ୍ ଆନନ୍ଦ କୁମାର, ସମ୍ମାନିତ ଅତିଥି ଭାବେ ମୋହନା ଗୋଷ୍ଠୀ ଉନ୍ନୟନ ଅଧିକାରୀ ରାଜୀବ ଦାସ, ସାମ୍ବାଦିକ ପିଣ୍ଟୁ ପ୍ରଧାନ, ମନ୍ମଥ ମିଶ୍ର, ଯୁବକ ସଂଘ ସମ୍ପାଦକ ତଥା ପ୍ରକୃତି ମିତ୍ର ଜିତେନ୍ଦ୍ର କୁମାର ବେହେରା ଯୋଗଦେଇଥିବା ବେଳେ ମୋହନା ବନାଞ୍ଚଳ ଅଧିକାରୀ ଲକ୍ଷ୍ମୀ ପ୍ରସାଦ ବିଶୋଇ ଓ ମୋହନା ବ୍ଲକ ର ସମସ୍ତ ବନପାଳ, ବନରକ୍ଷୀ ଙ୍କ ସହ ବନ ସୁରକ୍ଷା କର୍ମଚାରୀ ମାନେ ପରିଚାଳନା କରିଥିଲେ l