ଖଣ୍ଡାରେ ଆକ୍ରମଣ, ଗୁରୁତର ଯୁବକ ଡାକ୍ତରଖାନାରେ ଭର୍ତ୍ତି।
ଗଞ୍ଜାମ:(ରିପୋର୍ଟ: କୈଳାଶ ଚନ୍ଦ୍ର ଚୌଧୁରୀ,,)ଗତକାଲି ସନ୍ଧ୍ୟାରେ ବଡ଼ବଜାର ଥାନା ଅନ୍ତର୍ଗତ ରଙ୍ଗୁଣିବନ୍ଧ ସାହି ଛକ ରେ କବାଡି ଦୋକାନ ମାଲିକ ଅଜିତ୍ କୁମାର ନାଏକ କୁ ଖଣ୍ଡା ଓ ଭୁଜାଲିରେ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ ମାରିଛନ୍ତି। ଅଜିତର ଶରୀରର ବିଭିନ୍ନ ସ୍ଥାନରେ ଚୋଟ ବାଜିଛି ଓ ତା’ର ଗୋଟିଏ ହାତର ପାପୁଲି ଛିଡି ଯାଇଛି। ଅଞ୍ଚଳ ବାସିନ୍ଦା ଙ୍କ ତରଫରୁ ଶୁଣାଯାଉଛି ଯେ ଆହତ ଯୁବକ ଅଜିତ ସହ ଆକ୍ରମଣକାରୀ ଯୁବକ ମାନଙ୍କ ସହ ପୁର୍ବରୁ ଶତ୍ରୁତା ଥିଲା ଓ ଏହି କିଛି ଦିନ ପୂର୍ବରୁ ସେ ଏକ ମକଦ୍ଦମା ରେ ଜେଲ୍ ଯାଇ ଜାମିନ ରେ ଆସିଛି। ଆକ୍ରମଣ ସମୟରେ ସେ ଦୋକାନ ରେ ବସିଥିବା ବେଳେ ହଠାତ୍ କିଛି ଯୁବକ ଆତର୍କିତ ଭାବେ ତାକୁ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡିଛି। ଅଜିତ୍ ଗୁରୁତର ଆହତ ହୋଇ ବଡ଼ ଡ଼ାକ୍ତରଖାନା ରେ ଚିକିତ୍ସା ପାଇଁ ଭର୍ତ୍ତି ହୋଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ଘଟଣା ର ତଦନ୍ତ କରୁଛନ୍ତି।
