କ୍ରାନ୍ତିର ଅଭିନବ ପ୍ରୟାସ , ରକ୍ତଦାତାଙ୍କୁ ବୃକ୍ଷ ଉପହାର।
ବ୍ରହ୍ମନଗର ସ୍ଥିତ ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ କ୍ରାନ୍ତି ପକ୍ଷରୁ ଆଜି ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଆୟୋଜନ ହୋଇ ଯାଇଛି। କ୍ରାନ୍ତି ଅନୁଷ୍ଠାନ ର କାର୍ଯ୍ୟନିର୍ବାହୀ ନିର୍ଦ୍ଦେଶକ ଡ. ଦେବାନନ୍ଦ ଦାଶ ପ୍ରଚେଷ୍ଟାରେ ଉକ୍ତ ରକ୍ତଦାନ ଶିବିରଟି ହରିଡ଼ାଖଣ୍ଡି ନିବାସୀ ସୁରେନ୍ଦ୍ରନାଥ ପାଢ଼ୀ ଓ ଶାନ୍ତିଲତା ପାଢ଼ୀ ଙ୍କ ନାତି ରିହାନ୍ ର ଦ୍ଵିତୀୟ ଜନ୍ମ ଦିବସ ଅବସରରେ କ୍ରାନ୍ତି ତରଫରୁ ଆୟୋଜିତ କରାଯାଇଥିଲା। ଏଥିରେ ୩୦ ୟୁନିଟ ରକ୍ତ ସଂଗ୍ରହ ହୋଇଥିଲା। କ୍ରାନ୍ତି ଅନୁଷ୍ଠାନର ଡ.ଦାଶ ଉପସ୍ଥିତ ରହି ସମସ୍ତ ରକ୍ତ ଦାତାଙ୍କୁ ଉତ୍ସାହିତ କରିଥିଲେ। ଏହି ରକ୍ତଦାନ ଶିବିର ରେ ୮ ଜଣ ପ୍ରଥମ ଥର ରକ୍ତଦାନ କରିଥିଲେ।ଏହି ରକ୍ତଦାନ ଶିବିର କୁ ଇଣ୍ଡିଆନ ବ୍ୟାଙ୍କ ଅଧିକାରୀ ସଂଘ,ଆର ଏମ ଏସ ବ୍ରହ୍ମପୁର ଡିଭିଜନ, ଖଲ୍ଲିକୋଟ ବିଶ୍ଵବିଦ୍ୟାଳୟ ଆଲୁମିନି ସଂଘ ପ୍ରମୁଖ ସହଯୋଗର ହାତ ବଢ଼ାଇଥିଲେ। ଏହି ଶିବିରରେ କ୍ରାନ୍ତି ଅନୁଷ୍ଠାନର ନିର୍ମଳା ଦାଶ, ଚର୍ଚ୍ଚିକା ଦାଶ,ଇଣ୍ଡିଆନ ବ୍ୟାଙ୍କ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଅରକ୍ଷିତ ସାହୁ,ଭାରତ ଗୌରବ ଦାସ, ମେଡ଼ିକାଲ ହେଲ୍ପ ଗ୍ରୁପ ର ସନ୍ତୋଷିନି ବେହେରା, ଆମ ଓଡ଼ିଶା ର ବସନ୍ତ କୁମାର ପଣ୍ଡା ଉପସ୍ଥିତ ଥିଲେ।ରିପୋର୍ଟ :କୈଳାଶ ଚନ୍ଦ୍ର ଚୌଧୁରୀ!
