କେ. ଏମ. ଭଳିଆସାହି ଉଚ୍ଚ ବିଦ୍ୟାଳୟରେ ଗଣେଶ ପୂଜା
ଆର,ଉଦୟଗିରି- ମନୋଜ କୁମାର ପାଢୀ/ ୭/୯/୨୪/ଆର,ଊଦୟଗିରି ବ୍ଲକର ଶନିବାର କେ. ଏମ. ଭାଲିଆ ସାହି ସରକାରୀ ଉଚ୍ଚ ବିଦ୍ୟାଳୟରେ ବିଦ୍ୟାଦାତା ଶ୍ରୀ ଶ୍ରୀ ଗଣପତି ବାବାଙ୍କର ପୂଜା ମହା ଆନନ୍ଦର ସହିତ ଅନୁଷ୍ଠିତ ହୋଇଯାଇଛି l ଉକ୍ତ ପୂଜାରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ରାମଚନ୍ଦ୍ର ଦଳବେହେରା କର୍ତ୍ତା ଭାବରେ ପୂଜା କାର୍ଯ୍ୟ କରି ଥିଲା ବେଳେ ଅନ୍ୟ ମାନେ ସହଯୋଗ କରିଥିଲେ l ଏହି ଅବସରରେ ପିଲାମାନେ ବିଦ୍ୟାଳୟକୁ ରଙ୍ଗ ବେରଙ୍ଗର ବେଲୁନ ଏବଂ ବିଭିନ୍ନ ପ୍ରକାରର ଆକୃତିରେ ତୋରଣମାନ ସଜାଇଥିଲେ l ତୋରଣ ସାଙ୍ଗକୁ ବିଭିନ୍ନ ପ୍ରକାରର ଲାଇଟ ଆଦି ଦ୍ୱାରା ପୂଜା ମଣ୍ଡପ ଅତ୍ୟନ୍ତ ଆକର୍ଷଣୀୟ ଦେଖାଯାଉଥିଲା l ଛାତ୍ର ଛାତ୍ରୀ ମାନଙ୍କ ଦ୍ୱାରା ଗଙ୍ଗା ଆବାହନ ପୁଷ୍ପାଞ୍ଜଳି ଅର୍ପଣ ଆଦି କାର୍ଯ୍ୟ ଯଥା ଵିଧି କରାଯାଇଥିଲା l ପରେ ଭଜନ ସମାରୋହ କରାଯାଇ ପରିବେଶକୁ ଭକ୍ତି ପୂତ କରାଯାଇଥିଲା l ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀମାନେ ଉପସ୍ଥିତ ରହିବl ସହିତ ପୂର୍ଣ୍ଣ ସହଯୋଗ କରିଥିଲେ l
