ଓରା ପଞ୍ଚାୟତ ବାସୀଙ୍କ ପ୍ରଶାସନ ନିକଟରେ ଗୁହାରି ନେଟ ୱାର୍କ ନାହିଁ ତ ଭୋଟ ନାହିଁ…
କନ୍ଧମାଳ :- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା କୋଟଗଡ଼ ବ୍ଳକ ର ଓରା ପଞ୍ଚାୟତରେ ଦୀର୍ଘ ବର୍ଷ ରୁ ଅଭିଯୋଗ କଲେ ସୁଦ୍ଧା ଆଜି ପର୍ଯ୍ୟନ୍ତ ମୌଲିକ ସୁବିଧା ରୁ ବଞ୍ଚିତ ଓରା ପଞ୍ଚାୟତବାସୀ । ଅଞ୍ଚଳ ର ଜନସାଧାରଣ ପ୍ରଶାସନ ବିରୋଧ ରେ 12 ଘଣ୍ଟିଆ ବନ୍ଦ ଡାକରା ଦେଇଛି, କୋଟଗଡ଼ ବ୍ଳକ ର ଓରା ପଞ୍ଚାୟତ କୋଟଗଡ଼ ବଜାର ର ଦୋକାନ ବଜାର ସମ୍ପୂର୍ଣ ବନ୍ଦ ରହିଛି। ରାୟଗଡ଼ା ବାଲିଗୁଡ଼ା ମୁଖ୍ୟ ରାସ୍ତାକୁ ଅବରୋଧ କରିଛନ୍ତି ଓରା ପଞ୍ଚାୟତର ଜନସାଧାରଣ ପୁରୁଷ ଓ ମହିଳା। ଦୀର୍ଘ ସମୟ ଧରି ଯାତ୍ରୀବାହି ବସ ଓ ମାଲ ବୋଝେଇ ଟ୍ରକ ବି ଅଟକି ରହିଛି। ଯାହାରୀ ଫଳରେ ଗମନାଗମନ ରେ ବାଧାପ୍ରାପ୍ତ ହେଇଥିବା ଦେଖିବାକୁ ମିଳିଛି l
ଦୀର୍ଘଦିନ ହେଲା ନେଟୱାର୍କ ରୁ ବଞ୍ଚିତ ହେଉଥିବା ଯୋଗୁଁ ଓରା ପଞ୍ଚାୟତ ର ସମୂହ ଅଞ୍ଚଳବାସୀ 12 ଘଣ୍ଟିଆ ବନ୍ଦ ଡାକରା ଦେବା ସହ କୋଟଗଡ଼ ବ୍ଳକ କାର୍ଯ୍ୟାଳୟ ର ମୁଖ୍ୟ ଫାଟକ ରେ ତାଲା ପକାଇ ଦେଇଛନ୍ତି। ନିର୍ବାଚନ ପୂର୍ବରୁ ଯଦି ସମସ୍ୟା ର ସମାଧାନ ନ ହୁଏ ତାହେଲେ ଭୋଟ ବର୍ଜନ କରିବା ପାଇଁ କଡ଼ା ଚେତାବନୀ ଦେଇଛନ୍ତି ସମୂହ ଓରା ପଂଚାୟତବାସୀ l ସରକାର ଓରା ପଂଚାୟତ ବାସୀଙ୍କ ଗୁହାରି କେବେ ଶୁଣିବେ ଦେଖିବାକୁ ବାକି ରହିଲା l
