ଓଡିଶା ଆଦର୍ଶ ବିଦ୍ୟାଳୟ ସଳପଗାଁ ରେ ୯ତମ ପ୍ରତିଷ୍ଠାତା ଉତ୍ସବ ପାଳନ….
ଟିକାବାଲି :- (ରିପୋର୍ଟ କୁନା ଦିଗାଲ )କନ୍ଧମାଳ ଜିଲ୍ଲା ଟିକାବାଲି ବ୍ଲକ ଅନ୍ତର୍ଗତ କଟିମାହା ଗ୍ରାମପଞ୍ଚାୟତ ନିକଟସ୍ଥ ସଳପଗାଁ ଓଡିଶା ଆଦର୍ଶ ବିଦ୍ୟାଳୟ ରେ ୯ତମ ପ୍ରତିଷ୍ଠା ଉତ୍ସବ ପାଳନ ହୋଇଯାଇଛି l ପ୍ରତି ବର୍ଷ ପରି ଏହି ବର୍ଷ ମଧ୍ୟ ଧୂମଧାମ ରେ ପ୍ରତିଷ୍ଠା ଉତ୍ସବ ପାଳନ କରାଯାଇଛି l ଏହି ଉତ୍ସବ ବିଦ୍ୟାଳୟର ନୂତନ ଅଧ୍ୟକ୍ଷ ଶ୍ରୀ ବାବୁଲା ବେହେରାଙ୍କ ଅଧ୍ୟକ୍ଷତା ରେ ୯ତମ ପ୍ରତିଷ୍ଠା ଉତ୍ସବ ଆୟୋଜନ ହୋଇଥିଲା l ଏହି ଉତ୍ସବ ରେ ମୁଖ୍ୟ ଅତିଥିଭାବେ ଟିକାବାଲି ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଜଗନ୍ନାଥ ସାହାଣୀ ଯୋଗ ଦେଇଥିଲେ l ସଂମ୍ମାନିତ ଅତିଥି ଶ୍ରୀ ପ୍ରଦୀପ୍ତ ନାୟକ ଏବଂ ଟିକାବାଲି ସମିତି ଅଧ୍ୟକ୍ଷ ଶ୍ରୀ ଦିଲ୍ଲୀପ କହଁର ଯୋଗ ଦେଇଥିଲେ l ଏହି କାର୍ଯ୍ୟକ୍ରମ ରେ ଘନଶ୍ୟାମ ରଣା ଅତିଥି ପରିଚୟ ପ୍ରଦାନ କରିଥିଲେ l କାର୍ଯ୍ୟକ୍ରମ କୁ ଶିକ୍ଷୟିତ୍ରୀ ନଳିନୀ କରଣ ଏବଂ ତପସ୍ୱିନୀ ପ୍ରଧାନ ସୁନ୍ଦର ଭାବରେ ପରିଚାଳନା କରିଥିଲେ l ଆଜିର ଏହି ପ୍ରତିଷ୍ଠା ଦିବସ ରେ ବିଦ୍ୟାଳୟ ଛାତ୍ର ଛାତ୍ରୀ ଙ୍କ ଦ୍ୱାରା ସୁନ୍ଦର ଭାବରେ ସଂସ୍କୃତି କାର୍ଯ୍ୟକ୍ରମ ହୋଇଥିଲା ଯାହା କି ବିଦ୍ୟାଳୟ ପାଇଁ ଆକର୍ଷଣ ଥିଲା l ସଂସ୍କୃତିକ କାର୍ଯ୍ୟକ୍ରମ ରେ ସୁନ୍ଦର ଭାବରେ ପରିବେଷଣ କରିଥିବା ଛାତ୍ର ଛାତ୍ରୀଙ୍କୁ ଅତିଥିଙ୍କ ଦ୍ୱାରା ପୁରସ୍କାର ପ୍ରଦାନ କରାଗଲା l ଶେଷରେ ବିଦ୍ୟାଳୟ ର ଶିକ୍ଷକ ରୁଦ୍ର ନାରାୟଣ ଷଡ଼ଙ୍ଗୀ ଉପସ୍ଥିତ ସମସ୍ତ ଏହି ଉତ୍ସବ ରେ ବିଦ୍ୟାଳୟ ର ଛାତ୍ର ଛାତ୍ରୀ ଙ୍କୁ ଏବଂ ଅଭିଭାବକଙ୍କୁ ଧନ୍ୟବାଦ ଅର୍ପଣ କରିଥିଲେ l
