ଓଡ଼ିଆ ବିଭାଗର ସ୍ବାଗତଂ ଏବଂ ବିଦାୟ ସମ୍ବର୍ଦ୍ଧନା ଉତ୍ସବ…
ଗଞ୍ଜାମ :ତା -୨/୦୫(ରିପୋର୍ଟ କୁନା ଦିଗାଲ ) ହିଞ୍ଜିଳିକାଟୁ ସ୍ୱୟଂଶାସିତ ବିଜ୍ଞାନ ମହାବିଦ୍ୟାଳୟରେ ଓଡ଼ିଆ ଭାଷା ସାହିତ୍ୟ ବିଭାଗ ତରଫରୁ ବିଭାଗୀୟ ମୁଖ୍ୟ ତଥା କାର୍ଯ୍ୟକ୍ରମର ସଭାପତିତ୍ୱ କରୁଥିବା ପ୍ରାଧ୍ୟାପକ ଦୀନବନ୍ଧୁ ମହାନ୍ତିଙ୍କୁ ଫୁଲତୋଡ଼ା ଏବଂ ଉପଢୌକନ ଦେଇ ମୁଖ୍ୟ ଅତିଥି ଭାରପ୍ରାପ୍ତ ଅଧ୍ୟକ୍ଷ ଡ. ବିନୋଦ ବିହାରୀ ପାତ୍ର ସମ୍ବର୍ଦ୍ଧିତ କରିଥିଲେl ସମ୍ମାନିତ ଅତିଥି ଭାବରେ ପ୍ରାଧ୍ୟାପକ ଅରୁଣ କୁମାର ଖାଡ଼ଙ୍ଗା, ପ୍ରାଧ୍ୟାପକ ପ୍ରଦୀପ କୁମାର ନନ୍ଦ, ପ୍ରାଧ୍ୟାପକ ଡ. କେଶବ ଷଡ଼ଙ୍ଗୀ, ଡ. ଲଳିତ ମୋହନ ପଟ୍ଟନାୟକ, ପ୍ରାଧ୍ୟାପକ ଡ. ପ୍ରଫୁଲ କୁମାର ରଥ, ଡ. ସୁଧୀର କୁମାର ପାଣିଗ୍ରାହୀ, ଡ. ସୁରଜ ସାହୁ, ଡ. ବବିତା ପାତ୍ର, ଡ. ଗୋକୁଳାନନ୍ଦ ପାତ୍ର, ଅଧ୍ୟାପକ ଅକ୍ଷୟ ପ୍ରଧାନ, ରାଜେନ୍ଦ୍ର କୁମାର ସ୍ୱାଇଁ ଯୋଗଦେଇ ସ୍ନାତକ ଶେଷ ବର୍ଷର ଛାତ୍ର ଛାତ୍ରୀଙ୍କୁ ଭବିଷ୍ୟତ ନିର୍ମାଣକୁ ନେଇଁ ପରାମର୍ଶ ଦେଇଥିଲେ | ମହାବିଦ୍ୟାଳୟର ବିଭାଗର ଛାତ୍ର ଛାତ୍ରୀ ତାଙ୍କ ସ୍ମୃତି ଓ ଅନୁଭୂତି ବର୍ଣ୍ଣନା କରିଥିଲେ |
ବିଭାଗର ଅଧ୍ୟାପକ ଜଗନ୍ନାଥ ମହାପାତ୍ର ଅତିଥିଙ୍କୁ ସ୍ବାଗତଂ କରିଥିବା ବେଳେ ଅଧ୍ୟାପକ ଡ. ସୁଦର୍ଶନ ରଇତ ଅତିଥି ପରିଚୟ ପ୍ରଦାନ କରିଥିଲେ l ଅଧ୍ୟାପକ ଅନିଲ୍ ପାତ୍ର କାର୍ଯ୍ୟକ୍ରମର ଆଭିମୁଖ୍ୟ ଆଭିମୁଖ୍ୟ ଉପରେ ଆଲୋଚନା କରିଥିବା ବେଳେ, ଅଧ୍ୟାପିକା ଭାରତୀ ବାଳା ସାହୁ ଧନ୍ୟବାଦ ଅର୍ପଣ କରିଥିଲେ | କାର୍ଯ୍ୟକ୍ରମକୁ ଛାତ୍ର କାହ୍ନୁ ଚରଣ ପାତ୍ର, ଆକାଶ ସାହୁ, ସୁଶୀଲ, ଚନ୍ଦ୍ରଶେଖର, ସାଗର, କାଳିଆ ଏବଂ ଛାତ୍ରୀ ପ୍ରିୟଙ୍କା, ରୋଜାଲିନ, ସୁଜାତା ସମେତ ସମସ୍ତ ଛାତ୍ର ଛାତ୍ରୀ ପରିଚାଳନା କରିଥିଲେ |
