ଏମିତି ବି ଆସେ ମୃତ୍ୟୁ ; ଜଗନ୍ନାଥଙ୍କ ଭଜନ ଗାଉ ଗାଉ ଟଳିପଡିଲେ ଅତିରିକ୍ତ ଜିଲ୍ଲାପାଳ ।
ଗଜପତି -: ୧୧/୭/୨୦୨୪/ ମୃତ୍ୟୁ କାହାକୁ କେତେବେଳେ ଚକିତ କରି ଚାଲିଯିବ ତାହା କହିବା ଅସମ୍ଭବ । କାରଣ ମୃତ୍ୟୁ ହଠାତ ଆସି ନିଜର ଲୋକଙ୍କୁ ଚମକାଇଦେଇଥାଏ । ଠିକ୍ ସେମିତି ଜଗନ୍ନାଥଙ୍କ ଭଜନ ଗାଉଥିବାବେଳେ ଗଜପତି ଜିଲ୍ଲାର ଅତିରିକ୍ତ ଜିଲ୍ଲାପାଳ ବୀରେନ୍ଦ୍ର ଦାସ ଙ୍କ ଜୀବନ ଦୀପ ଲିଭିଯାଇଛି ।
ମହାପ୍ରଭୁଙ୍କ ଭଜନ ଗାଇ ଗାଇ ଟଳିପଡ଼ିଲେ ଗଜପତି ଜିଲ୍ଲାର ଅତିରିକ୍ତ ଜିଲ୍ଲାପାଳ ବୀରେନ୍ଦ୍ର ଦାସ । ଭକତ ବିଦୁର ଶାଗ ଭିଜା ନେଇ ଗୀତ ଗାଉଥିବାବେଳେ ସେ ହଠାତ ଷ୍ଟେଜ୍ ଉପରେ ଟଳିପଡ଼ିଥିଲେ । ବୁଧବାର ରାତିରେ ପାରଳାଖେମୁଣ୍ଡି ବୃନ୍ଦାବନ ପ୍ୟାଲେସରେ ପ୍ରଶାସନିକ ଅଧିକାରୀମାନେ ଏକ ନୈଶ୍ୟ ଭୋଜିର ଆୟୋଜନ କରିଥିଲେ।
ଏହି ଅବସରରେ ଚାଲିଥିବା ସଭାରେ ଅତିରିକ୍ତ ଜିଲ୍ଲାପାଳ ବୀରେନ୍ଦ୍ର ଦାସ ମହାପ୍ରଭୁଙ୍କ ଭଜନ ଗାଉଥିବାବେଳେ ହଠାତ ଟଳିପଡିଥିଲେ । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ପାରଳାଖେମୁଣ୍ଡି ପରେ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏଭଳି ମୃତ୍ୟୁକୁ ସହଜରେ ଗ୍ରହଣ କରିପାରୁନାହାନ୍ତି ସହଯୋଗୀ ଷ୍ଟାଫ । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ଗଜପତି ଜିଲାରୁ ମନୋଜ କୁମାର ପାଢ଼ୀ
