ଏନ.ସି.ସି.ନାଭାଲ କ୍ୟାଡେଟମାନଙ୍କୁ ସମ୍ବର୍ଦ୍ଧନା।
ବରଗଡ ୨୭,୯(ଭବାନୀ ଶଙ୍କର ପାଢ଼ୀ) ବରଗଡ ଜିଲ୍ଲା ଅତାବିରା ବ୍ଲକ ଲରମ୍ଭା କଲେଜ ଠାରେ ଏନ.ସି.ସି ନାଭାଲ ଲରମ୍ଭା କଲେଜର କ୍ୟାଡେଟ ମାନଙ୍କର ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଅଛି । ଏଥିରେ ଚଳିତ ବର୍ଷ ୧୪ ଜଣଙ୍କୁ ‘ସି’ ସାଟିଫିକେଟ୍ ଓ ୨୦ ଜଣକ୍ୟାଡେଟଙ୍କୁ ‘ବି’ସାଟିଫିକେଟ୍ ବଣ୍ଟନ କରାଯାଇଥିଲା। ଏହି ଅବସରରେ ଆୟୋଜିତ ସଭାରେ କଲେଜ ଅଧ୍ୟକ୍ଷ ଡଃ ପ୍ରମୋଦ କୁମାର ଭୋଇଙ୍କ ସଭାପତିତ୍ବରେ ଶ୍ରୀବିନୟ କୁମାର ନାଏକ, ପାଟମଂଜରୀ ସାହୁ, ଶ୍ରୀ ସରୋଜ କୁମାର ନାଏକ, ଶ୍ରୀ ପବିତ୍ର କୁମାର ମାହାଣା ମଂଚାସୀନ ରହି ସାଟିଫିକେଟ୍ ବଣ୍ଟନ ସହ ଦେଶଗଠନରେ ନୈାସେନାର ଭୂମିକା ଉପରେ ଆଲୋଚନା କରିଥିଲେ । ଛାତ୍ରୀ ବିଭାବରୀ ମିଶ୍ର ଅତିଥି ପରିଚୟ ପ୍ରଦାନ କରିଥିବା ବେଳେ ପ୍ରିୟଙ୍କା ପାତ୍ର ଧନ୍ୟବାଦ ଅର୍ପଣ କରିଥିଲେ । ଏଥିରେ ଆର.ଡି.ସି ରେ ଯୋଗ ଦେଇଥିବା ଛାତ୍ରୀ,ସହ ସମସ୍ତ କ୍ୟାଡେଟ ଉପସ୍ଥିତ ଥିଲେ।
