ଇଗ୍ନୋର ଛାତ୍ରଛାତ୍ରୀ ଅଧିଗ୍ରହଣ ଉତ୍ସବ ଅନୁଷ୍ଠିତ
ନୂଆପଡା(ଓମ ପ୍ରକାଶ ଚୌଧୁରୀ) ନୂଆପଡାଜିଲ୍ଲା ଖଡ଼ିଆଳ ସ୍ୱୟଂଶାସିତ ମହାବିଦ୍ୟାଳୟରେ ଇଗ୍ନୋର ଛାତ୍ରଛାତ୍ରୀ ଅଧିଗ୍ରହଣ ଉତ୍ସବ ଅନୁଷ୍ଠିତ ହୋଇଯାଇଛି l ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର ତରୁଣ କୁମାର ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମକୁ ଇଗ୍ନୋ ସଂଯୋଜକ ତଥା ଯୁକ୍ତ ଦୁଇ ଭାରପ୍ରାପ୍ତ ଅଧ୍ୟକ୍ଷ ପ୍ରାଧ୍ୟାପକ ପ୍ରଶାନ୍ତ କୁମାର ପଣ୍ଡା କାର୍ଯ୍ୟକ୍ରମ ପରିଚାଳନା କରିଥିଲେ l କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପ୍ରାକ୍ତନ ପ୍ରାଧ୍ୟାପକ ଡ଼.ପ୍ରମୋଦ କୁମାର ସାହୁ, ସହ ସଂଯୋଜକ ଅଧ୍ୟାପିକା ନିବେଦିତା ଆଚାର୍ଯ୍ୟ, ପ୍ରମୁଖ ମଂଚାସୀନ ଥିଲେ l ଅଧ୍ୟକ୍ଷ ଡ଼. ତରୁଣ କୁମାର ପ୍ରଧାନ 2024 ବର୍ଷ ଇଗ୍ନୋର ନୂତନ ଛାତ୍ରଛାତ୍ରୀଙ୍କୁ ସ୍ୱାଗତ ଜଣାଇବା ସହ ସମଗ୍ର ଭାରତରେ ଦୂର ନିରନ୍ତର ଶିକ୍ଷା କ୍ଷେତ୍ରରେ ଇନ୍ଦିରା ଗାନ୍ଧୀ ମୁକ୍ତ ବିଶ୍ୱବିଦ୍ୟାଳୟ (ଇଗ୍ନୋ) ମୁଖ୍ୟ ଭୂମିକା ନେଇଥିବା ବିଷୟ ସହିତ ଇଗ୍ନୋ ପାଠ୍ୟକ୍ରମ ଅଧାରୁ ଉଚ୍ଚଶିକ୍ଷାରୁ ବଂଚିତ ଥିବା ବିଦ୍ୟାର୍ଥୀଙ୍କ ପାଇଁ ସୁଯୋଗ ଦେଇଥିବା ବିଷୟରେ ଉଲ୍ଲେଖ କରିଥିଲେ l ଇଗ୍ନୋର ସଂଯୋଜକ ତଥା ପ୍ରାଧ୍ୟାପକ ପ୍ରଶାନ୍ତ କୁମାର ପଣ୍ଡା ନୂତନ ବର୍ଷର ଛାତ୍ରଛାତ୍ରୀଙ୍କୁ ବିଭିନ୍ନ ପାଠ୍ୟକ୍ରମ ଚୟନ ସହ ପଞ୍ଜିକରଣ ସମ୍ପର୍କରେ ବିସ୍ତୃତ ଭାବରେ ବୁଝାଇଥିଲେ l
ମୁଖ୍ୟ ଅତିଥି ଭାବରେ ଆସିଥିବା ପ୍ରାକ୍ତନ ପ୍ରାଧ୍ୟାପକ ଡ଼. ସାହୁ ଦୂରଦୂରାନ୍ତରୁ ନାମ ଲେଖାଇଥିବା ଛାତ୍ରଛାତ୍ରୀ ମାନଙ୍କୁ ଇଗ୍ନୋ ମାଧ୍ୟମରେ ଶିକ୍ଷା ଗ୍ରହଣ କରି ନିଜ କ୍ୟାରିୟର କିପରି ଗଠନ କରିପାରିବେ ସେ ସମ୍ପର୍କରେ ସୂଚନା ଦେଇଥିଲେ l ଇଗ୍ନୋର ସହକାରୀ କର୍ମଚାରୀ ଦୁର୍ବାଦଳ ବେହେରାଙ୍କ ସହଯୋଗ କାର୍ଯ୍ୟକ୍ରମରେ ଶତାଧିକ ଛାତ୍ରଛାତ୍ରୀ ଉପସ୍ଥିତ ଥିଲେ l ଶେଷରେ ସହ ସଂଯୋଜିକା ଅଧ୍ୟାପିକା ନିବେଦିତା ଆଚାର୍ଯ୍ୟ ଧନ୍ୟବାଦ ଅର୍ପଣ କରିଥିଲେ l
